Петрдыҥ 1-кы самаразы 1:22 - Јаҥы Кереес

²² Слер карындаштарды ылгабай сӱӱрге, Тын ажыра чындыкка багып, тыныгарды арутадыгар. Бой-бойыгарды ару јӱрегеердеҥ јаантайын сӱӱгер.

Петрдыҥ 1-кы самаразы 1:22 Iomraidhean Croise

Иоанн 15:17

Бат, Мениҥ слерге јакылтам: бойы бойыгарга карузып јӱригер!

Иоанн 15:3

Слер дезе Мениҥ слерге айткан сӧзим ажыра аруталып калганыгар.

Иоанн 17:17

Олорды чындыкла агарулап сал: Сениҥ сӧзиҥ – чындыктыҥ бойы.

Иоанн 17:19

Олор до бойын Сеге чындап берзин деп, Мен Бойымды Сеге олорго до болуп берип турум.

Апостолдордыҥ керектери 15:9

Јӱректерин бӱдетениле арутап, бис ле олор ортодо бир де башкаланыш этпеген.

Апостолдордыҥ керектери 6:7

Кудайдыҥ сӧзи јайылып, Иерусалимде ӱренчиктердиҥ тоозы тапту кӧптӧп, абыстардаҥ да сӱрекей кӧп улус Кудай јаҥына багып турдылар.

Римдегилерге 1:5

Ол ажыра јакшылык алып, ончо калыктар Оныҥ адына болуп Кудайга бӱдӱп, Ого уккур болзын деп, апостолдор боло бергенис.

Римдегилерге 2:8

Бойын сӱӱп, чындыкка бакпай, јаманга беринип турган улуска – чугул ла атыйланыш ийер.

Римдегилерге 8:13

Эт-канга башкартып јӱрзегер, ӧлӱп каларыгар, эт-канныҥ кинчектӱ керектерин Тынла ӧлтӱрзегер, тирӱ јӱреригер.

2 Коринфтегилерге 6:6

бис бойыбысты Кудайдыҥ јалчылары деп, арубысла, билимисле, турумкайысла, быйанзагысла, Агару Тынла, ару сӱӱжибисле,

Галаттарга 3:1

Э-э, санаа-укаа јок галаттар! Слерди чындыкка бакпазын деп, кем тармалады? Слерде кере тартылган Иисус Христосты бойыгардыҥ кӧзигерле кӧргӧн јок бедигер.

Галаттарга 5:5

Бис дезе Кудайга бӱткенис ажыра акту болорыс деп, тынысла иженип, сакыйдыс.

Галаттарга 5:7

Слер јакшы баштадыгар. Чындыкка бакпазын деп, слерди кем токтотты?

Ефестегилерге 4:3

Бойыгар ортодо амырды чеберлеп, Тынныҥ бирлигин корулап аларга ончо кӱчигерди салыгар.

Филиппыдагыларга 1:9

Чынды билип аларында, не ле сезимде сӱӱжигер там ла там ӧссин. Ченейле, эҥ артыгын талдап алып, Христос келер кӱнде ару, бузук јок болыгар. Кудай макталзын ла алкалзын, Иисус Христостыҥ болужыла јаантайын быйанду керектер эдигер. Бу ончозы учун мен мӱргип турум.

1 Фессалоникадагыларга 3:12

Слерди дезе Кайракан бой-бойыгарга, ончо улуска сӱӱшле толтырзын, ажыра да толтырзын. Андый ок сӱӱшле бис слерди сӱӱген эмейис.

2 Фессалоникадагыларга 1:3

Бис Кудайга слер учун јаантайын алкыш јетирер учурлу, карындаштар. Онызы чын, нениҥ учун дезе, бӱдӱп турганыгар там тыҥып, кажыгардыҥ ла бой-бойыгарга сӱӱжигер арбындап јат.

2 Фессалоникадагыларга 2:13

Кайракан слерге карузып јат, карындаштар. Бис дезе слер учун Кудайга јаантайын алкыш јетирер учурлу. Ол слерди Тынла агаруланып ла чындыкка бӱдӱп аргадалзын деп, бажынаҥ ала талдап алган.

1 Тимофейге 1:3

Македония јаар ууланып јадала, ӧскӧ ӱредӱ таркатпазын деп, сананып тапкан куучындарга ла учы-куйузы јок угы-тӧзине бойлорын берип салбазын деп, сени Ефесте артып калзын, кезик улусты кычырзын деп сурагам. Мынызы кӧп сабазында бӱдӱп јӱреринде Кудай јакып ӱредерине эмес, блааш-тартышка экелет.

1 Тимофейге 1:5

Ол кычыруныҥ амадузы – акту јӱректеҥ, ару санаадаҥ ла экијӱстенбей бӱдӱп јӱреринеҥ табылган сӱӱш.

1 Тимофейге 4:12

Сени јиит деп, кем де керекке албай калбазын. Карын, сӧстӧ, кылык-јаҥда, сӱӱште, тында, бӱдӱп јӱреринде, ару јӱрӱмде бӱдӱп турган улуска јозок бол.

1 Тимофейге 5:2

јажай берген ӱй улуска энелерге чилеп; јиит кыстарга сыйындарыҥа чылап айт. Мыны ару санаалу болуп эт.

2 Тимофейге 1:14

Сеге ижемјилеген јакшыны бойыбыста јӱрген Агару Тынла чеберле.

Еврейлерге 11:8

Бӱдӱмји ажыра Авраам Кудайдыҥ кычырузын угуп, энчи эдип алатан јерге барган. Ол кайдаар барып јатканын билбей, јӱре берген.

Еврейлерге 13:1

Бой-бойыгарга карындаштарга чылап карузыгар.

Еврейлерге 5:9

Толо кемине једеле, Ого уккур ончо улуска јажын-чакка аргадаштыҥ тӧзӧӧчизи боло берген.

Еврейлерге 6:10

Кудай чындык, Ол эдип јӱргенигерди ле сӱӱжигерди ундыбас. Слер агаруларга болушканыгар, эмди де болужадыгар. Мынызыла Оны сӱӱп турганыгарды кӧргӱзип јадыгар.

Еврейлерге 9:14

Је Христостыҥ каны мынаҥ кӧпти эдет. Ол Агару Тын ажыра Бойын Кудайга јек јок тайылга эдип берген. Оныҥ каны санаабысты ӧлӱмге экелеечи керектердеҥ арутаар. Анайып тирӱ ле чындык Кудайга бажырып јӱрер аргалу болорыс.

Иаковтыҥ самаразы 1:21

Оныҥ учун кандый ла быјардаҥ, бойыгарда толгон јаманнаҥ айрылып, јӱрегерге тарылып турган сӧсти јобожып алыныгар. Бу сӧс јӱрӱмигерди аргадап алар кӱчтӱ.

Иаковтыҥ самаразы 4:8

Кудайга јууктагар, Ол слерге јууктаар. Колдорыгарды јуныгар, кинчектӱлер, јӱректеригерди арутагар, экиленген санаалу улус.

Петрдыҥ 1-кы самаразы 1:2

Тын ажыра улусты агару эдер деп, башкыда темдектеп койгоныла, Ада Кудай слерди талдап алган. Ол слерди Иисус Христоско сӧсуккур болзын, Оныҥ каныла аруталзын деп, Тынла агару эдерин темдектеген. Слерге јакшылык ла амыр кожулзын.

Петрдыҥ 1-кы самаразы 2:17

Ончо улусты тооп јӱригер, карындаштарды сӱӱгер, Кудайдаҥ айагар, каанды тоогор.

Петрдыҥ 1-кы самаразы 3:1

Анайда ок слер де, ӱй улус, ӧбӧгӧндӧрӧӧргӧ сӧсуккур болыгар. Кудайдыҥ сӧзин угар кӱӱни јок эр улус ару ла айап јӱрген јӱрӱмигерди кӧрӧлӧ, ӱйлериниҥ јӱрӱми ажыра Кудайга сӧс јокко баштанзын деп, анайда эдигер.

Петрдыҥ 1-кы самаразы 3:20

Олор Нойдыҥ кӱндеринде Кудайга бакпаган улус болгон. Кудай олорды ковчег тудулганча узак чыдажып сакыган. Ковчегте јӱк сегис кижи чайыктаҥ аргадалган.

Петрдыҥ 1-кы самаразы 3:8

Адакыда, ончогордыҥ санаагар јаҥыс болзын, килежип јӱригер, карындаштарды сӱӱгер, јымжак јӱректӱ, најылык, улуркабас санаалу болыгар;

Петрдыҥ 1-кы самаразы 4:17

Кудайдыҥ калыгынаҥ башталатан јаргыныҥ ӧйи једип келген ине. Озо бистеҥ башталза, Кудайдыҥ Сӱӱнчилӱ Јарына бакпай турган улусла не болор?

Петрдыҥ 1-кы самаразы 4:8

Элдеҥ озо бой-бойыгарга јаантайын карузып јӱригер, нениҥ учун дезе сӱӱш кӧп кинчектерди таштаттырып јат.

Петрдыҥ 2-чи самаразы 1:7

Кудайга беринген болуп, карындаштарды сӱӱгер, карындаштарды сӱӱп, ончо улуска карузыгар.

Иоанныҥ 1-кы самаразы 3:11

Бат, бажынаҥ ала слер уккан јар: бис бой-бойыбыска карузыыр учурлу.

Иоанныҥ 1-кы самаразы 3:23

Оныҥ јакылтазы мындый: бис Оныҥ Уулына, Иисус Христоско, бӱдер учурлу, Оныҥ биске јакыганыла бой-бойыбыска карузыыр учурлу.

Иоанныҥ 1-кы самаразы 4:12

Кудайды кем де качан да кӧрбӧгӧн, је бис бой-бойыбысты сӱӱп јӱрген болзобыс, Кудай бистиҥ бойыбыста јӱрет, Оныҥ сӱӱжи бистиҥ бойыбыста толо кемине јеткен.

Иоанныҥ 1-кы самаразы 4:20

«Мен Кудайды сӱӱп јадым» деп айдып, бойыныҥ карындажын јаман кӧрӱп турган кижи – тӧгӱнчи. Кӧрӱп турган карындажына карузыбазы, кӧрбӧй турган Кудайды сӱӱп болбос.

Иоанныҥ 1-кы самаразы 4:7

Кару улузым! Бой-бойыбысты сӱӱйли, нениҥ учун дезе сӱӱш – Кудайдаҥ. Сӱӱп турган кажы ла кижи Кудайдаҥ туулган, ол Кудайды билер.

Ачылта 2:4

Је сеге удура айдатаным бар: сен баштапкы сӱӱжиҥди јылыйтып койгоҥ.