Петрдыҥ 1-кы самаразы 1:21 - Јаҥы Кереес

²¹ Слер Ол ажыра Кудайга бӱттигер. Кудай Оны тиргизип, слерди Кудайга бӱдӱп, Ого ижензин деп, Ого мак берген.

Петрдыҥ 1-кы самаразы 1:21 Iomraidhean Croise

Матфей 28:18

Иисус јууктап, олорго айтты: – Теҥери ле јерде ончо јаҥ Меге берилген.

Иоанн 12:44

Иисус јаан ӱнденип, айтты: – Меге бӱткени, Меге бӱткени эмес, Мени Ийгенге бӱткени.

Иоанн 14:1

Јӱректеригер тӱймебезин. Кудайга бӱдигер, Меге де бӱдигер.

Иоанн 14:6

Иисус каруу јандырды: – Мен – јол, чындык ла јӱрӱм. Мен ажыра келбегенче, Адага кем де келип болбос.

Иоанн 17:1

Мынайып айткан кийнинде Иисус теҥери ӧрӧ кӧрӱп, айтты: – Ада! Ӧйим јетти. Уулыҥ да Сени мактатсын деп, Бойыҥныҥ Уулыҥды мактат.

Иоанн 17:24

Ада! Мен кайда болзом, Меге бергендериҥ анда ок Мениле кожо болзын деп турум. Сениҥ берген магымды олор кӧрзин, Сен дезе телекей бӱдердеҥ озо Меге буурзагаҥ.

Иоанн 17:5

Ада! Телекей бӱдердеҥ озо Мен Сениле јӱреримде, Менде болгон макла эмди Мени Сен макта.

Иоанн 3:34

Кудайдыҥ ийгени, Кудайдыҥ сӧзин айдат. Кудай дезе Тынды кемјип беретен эмес.

Апостолдордыҥ керектери 2:24

Је Кудай Оны ӧлӱмниҥ олјозынаҥ јайымдап, тиргискен, нениҥ учун дезе ӧлӱм Оны тудар аргазы јок болгон.

Апостолдордыҥ керектери 3:13

Авраамныҥ Кудайы, Исаактыҥ Кудайы ла Иаковтыҥ Кудайы, ада-ӧбӧкӧлӧристиҥ Кудайы, Бойыныҥ Иисус Уулын макка чыгарды. Оны слер садып ийгенигер, Оны јайымдаарга јаткан Пилаттыҥ алдында Оноҥ јана тӱшкенигер.

Апостолдордыҥ керектери 3:15

јӱрӱмниҥ Башчызын дезе, ӧлтӱрип койгоныгар. Је Кудай Оны тиргискен, бис оныҥ керечилери.

Апостолдордыҥ керектери 4:10

слер ле Израильдиҥ бастыра калыгы билигер: слер кериген, Кудай тиргискен Назарет јеринеҥ Иисус Христостыҥ адыла бу кижи алдыгарда су-кадык туру.

Римдегилерге 10:9

Иисус – ол Кайракан деп, тилиҥле јарлап, Оны Кудай тиргискен деп, јӱрегиҥле бӱдер болзоҥ, аргадаларыҥ.

Римдегилерге 4:24

је биске де бичилген. Бис те, Иисус Христос Кайраканысты тиргискен Кудайга бӱдӱп турган бойлорыс, акту деп ададарыс.

2 Коринфтегилерге 6:15

Христос ло Велиар ортодо эп-јӧп болор аргазы бар ба? Эмезе бӱдӱп турган кижиде бӱтпес кижиле кандый ӱлӱӱ бар?

Ефестегилерге 1:15

Бат оныҥ учун мен де, Иисус Кайраканга бӱткенигер ле ончо агаруларга сӱӱжигер керегинде угала,

Колоссыдагыларга серкпеге самаразы 1:27

Кудай олорго бу јажыттыҥ ончо калыктар ортозындагы мактулу байлыгын ачарга кӱӱнзеген. Бу јажыт – слерге мактулу ижемји берип турган, слердиҥ јӱрегерде јӱрген Христос.

1 Тимофейге 1:1

Аргадаачы Кудайыс ла ижемјибис болгон Иисус Христос Кайраканныҥ јакарганыла Иисус Христостыҥ Павел апостолынаҥ.

1 Тимофейге 3:16

Кудайга беринериниҥ јажыды кӧп керелелген: Кудай эт-канду келген, Тынныҥ Бойында акталган, ангелдерге кӧрӱлген, калыктарда јарлыкталган, телекейдиҥ улузы ортодо бӱткени ажыра јарадылган, макта кӧдӱрилген.

Еврейлерге 2:9

Је бис Иисусты кӧрӧдис. Ол ангелдердеҥ кыска ӧйгӧ јабыс эдилген. Эмди Ого мактыҥ ла кӱндӱниҥ кайралы берилген, нениҥ учун дезе Ол ӧлӱмниҥ кыйынын ӧткӧн. Анайып Ол Кудайдыҥ јакшылыгыла ончо улус учун ӧлгӧн.

Еврейлерге 6:1

Оныҥ учун оноҥ ары толо кемдӱ болорго јӱткип, Христостыҥ баштаҥы ӱредӱлерине ойто бурылбактар. Кудайга бӱдери керегинде, ӧлӱмге экелеечи керектердеҥ мойнооры керегинде ӱредӱни ойто баштайтаны биске керек јок.

Еврейлерге 7:25

Оныҥ учун Ол ажыра Кудайга келип турган улусты јаантайын аргадаар аргалу. Олор учун сураарга, Ол јаантайын јӱрӱп јат.

Петрдыҥ 1-кы самаразы 1:11

олордо јӱрген Христостыҥ Тыны кемге ле кандый ӧйгӧ кӧргӱскенин шиҥжӱлеген. Христос кыйналар, оныҥ кийнинде макталар деп, Тын озолондыра керелеген.

Петрдыҥ 1-кы самаразы 1:3

Кудайга, Иисус Христос Кайраканыстыҥ Адазына, баш болзын! Бисте Ого тирӱ ижемји болзын деп, Ол Бойыныҥ улу быйаныла Иисус Христостыҥ тирилгени ажыра биске јаҥы јӱрӱм берген.

Петрдыҥ 1-кы самаразы 3:22

Ол теҥериге кӧдӱрилип, Кудайдыҥ оҥ јанында јӱрет, Ого ангелдер, ӧрӧги јаҥдар ла кӱчтер баккандар.