Петрдыҥ 1-кы самаразы 1:20 - Јаҥы Кереес

²⁰ Ол телекей јайалардаҥ озо талдалган, је слерге калганчы ӧйлӧрдӧ ачылган.

Петрдыҥ 1-кы самаразы 1:20 Iomraidhean Croise

Матфей 25:34

Ол тушта Каан Бойыныҥ оҥ јанында тургандарга айдар: «Келигер, Адамныҥ алкагандары, телекей јайалганынаҥ ала слерге белетелген Каандыкты энчиленигер.

Апостолдордыҥ керектери 2:23

Кудайдыҥ темдектегениле, озолондыра кӧргӧниле, Ол слерге берилген. Слер дезе, јарамастулардыҥ колыла Оны керӱ агашка кадап, ӧлтӱрип койгоныгар.

Римдегилерге 3:25

Улус Ого бӱткени ажыра Оныҥ каныныҥ шылтузында кинчектери ташталып, быйан алзын деп, Кудай Оны тайылгага учурлаган. Бойыныҥ чындыгын кӧргӱзерге, Оныҥ анайда эткени ол. Башкыда эдилген кинчектерге ајару этпей,

Римдегилерге 8:29

Оныҥ Уулы кӧп карындаштар ортодо тун туулганы болзын деп, Кудай озолодо билип алган улузын Бойыныҥ Уулыныҥ сӱр-кеберине тӱҥей болзын деп темдектеп койгон.

Галаттарга 4:4

Јасактыҥ бийленижинде јӱргендерди јайымдап, бисти балазынайын деп, темдектелген ӧй једип келерде, ӱй кижидеҥ туулган, Јасактыҥ бийленижинде јӱрген Уулын Кудай биске ийген.

Ефестегилерге 1:10

Ӧй једип келерде, Ол мыны эткен. Оныҥ амадузы – ончозыныҥ бажында Христосты тудуп, Оныҥ Бойында теҥеридезин ле јердезин ончозын бириктирери.

Ефестегилерге 1:4

Сӱӱште јӱрзин деп, Оныҥ алдында агару ла јек јок болзын деп, Ол бисти телекей јайалардаҥ озо Христостыҥ Бойында талдап алган.

Ефестегилерге 3:11

Мыны Кудай Бойыныҥ јажын-чакка умзаныжы аайынча эдип, Христос Иисус Кайраканыстыҥ Бойында бӱдӱрген.

Ефестегилерге 3:9

Анайда ок Кудай нени эдерге умзанганыныҥ јажыды неде болгонын ончозына ачары берилген. Бу јажыт дезе ончоны јайаган Кудайдыҥ, ончоны тӧзӧгӧн Иисус Христостыҥ Бойында чактардыҥ башталганынаҥ ала јажырылган.

Колоссыдагыларга серкпеге самаразы 1:26

Оныҥ сӧзи кӧп чактардыҥ ла ӱйелердиҥ туркунына јажырылган јажыт болгон, эмди дезе Оныҥ агаруларына ачылган.

1 Тимофейге 3:16

Кудайга беринериниҥ јажыды кӧп керелелген: Кудай эт-канду келген, Тынныҥ Бойында акталган, ангелдерге кӧрӱлген, калыктарда јарлыкталган, телекейдиҥ улузы ортодо бӱткени ажыра јарадылган, макта кӧдӱрилген.

Еврейлерге 1:2

Калганчы ӧйлӧрдӧ Уулы ажыра биске айдар болды. Ол Уулын ончозын энчиленер эдип тургускан, Ол ажыра орчылаҥды да јайаган.

Еврейлерге 2:14

Бу балдар эттеҥ ле каннаҥ болгон учун, Иисус та олор чылап эттеҥ ле каннаҥ кижи боло берген. Ӧлӱмди бийлеген кӧрмӧсти Бойыныҥ ӧлӱми ажыра јоголтойын деп,

Еврейлерге 9:26

Оноҥ башка телекей јайалганынаҥ ала Ого кӧп катап кыйналарга келижер эди. Је Ол чактардыҥ учында Бойын тайып, кинчекти јоголтойын деп, бир ле катап јажына келген.

Петрдыҥ 1-кы самаразы 1:2

Тын ажыра улусты агару эдер деп, башкыда темдектеп койгоныла, Ада Кудай слерди талдап алган. Ол слерди Иисус Христоско сӧсуккур болзын, Оныҥ каныла аруталзын деп, Тынла агару эдерин темдектеген. Слерге јакшылык ла амыр кожулзын.

Иоанныҥ 1-кы самаразы 1:2

Јӱрӱм ачыларда, бу ӱргӱлји Јӱрӱмди кӧргӧнис, Оны слерге керелеп ле јарлап турубыс. Ол Адада болгон, биске ачылган.

Иоанныҥ 1-кы самаразы 3:5

Ол бистиҥ кинчектеристи Бойына аларга ачылганын ла Оныҥ Бойында кинчек јогын слер билеригер.

Иоанныҥ 1-кы самаразы 3:8

Кинчек эткен кижи – кӧрмӧстӧҥ, нениҥ учун дезе озо баштап кӧрмӧс кинчек эдет. Мыныҥ учун кӧрмӧстиҥ керектерин бузарга Кудайдыҥ Уулы ачылган.

Ачылта 13:8

Телекей јайалганнаҥ ала сойылган Кураандагы јӱрӱмниҥ тӱрбегинде аттары бичилбеген, јерде јуртаган ончо улус бу аҥга бажырар.