Петрдыҥ 1-кы самаразы 1:19 - Јаҥы Кереес

¹⁹ карын, јек јок ло ару кураан ошкош Христостыҥ баалу каныла садылып алылганыгарды билип јадыгар.

Петрдыҥ 1-кы самаразы 1:19 Iomraidhean Croise

Матфей 20:28

Анайып ок Кижи Уулы улусты Ого јалчы болзын деп эмес, улуска јалчы болойын деп, кӧп улус учун Бойыныҥ јӱрӱмин берейин деп келген.

Матфей 26:28

бу Мениҥ јаҥы кереес каным. Кинчектери ташталзын деп, ол кӧп улус учун тӧгӱлип јат.

Иоанн 1:29

Эртезинде Иоанн ого базып келеткен Иисусты кӧрӧлӧ, айтты: – Бу телекейдиҥ улузыныҥ кинчегин кедери алып јаткан Кудайдыҥ Курааны бу.

Иоанн 1:36

Базып отурган Иисусты кӧрӧлӧ, ол айтты: – Кӧригер, бу Кудайдыҥ Курааны!

Апостолдордыҥ керектери 20:28

Бойыгарды ла ончо ӱӱрди чеберлеп корыгар! Кӱдӱчилер ӱӱрин кичеегени чилеп, слер де Бойыныҥ каныла Ол јӧӧгӧн Кайраканныҥ ла Кудайдыҥ Серкпезин – Агару Тын слерди ондо јааны эдип туткан Серкпени кичеегер.

Римдегилерге 3:25

Улус Ого бӱткени ажыра Оныҥ каныныҥ шылтузында кинчектери ташталып, быйан алзын деп, Кудай Оны тайылгага учурлаган. Бойыныҥ чындыгын кӧргӱзерге, Оныҥ анайда эткени ол. Башкыда эдилген кинчектерге ајару этпей,

Ефестегилерге 1:7

Оныҥ Бойында ла Оныҥ каны ажыра биске јайым берилген, кинчектерис ташталган. Кудай мыны Бойыныҥ јакшылыгыныҥ байлыгыла эткен.

Колоссыдагыларга серкпеге самаразы 1:14

Оныҥ Уулыныҥ Бойында Оныҥ каныла јайым боло бергенис – кинчектердеҥ јайымдаш алганыс.

Петрдыҥ 1-кы самаразы 1:2

Тын ажыра улусты агару эдер деп, башкыда темдектеп койгоныла, Ада Кудай слерди талдап алган. Ол слерди Иисус Христоско сӧсуккур болзын, Оныҥ каныла аруталзын деп, Тынла агару эдерин темдектеген. Слерге јакшылык ла амыр кожулзын.

Петрдыҥ 1-кы самаразы 3:18

Христос то бисти Кудайга экелерге, кинчектер учун, акту бойы, акту эместер учун бир катап ӱргӱлјиге ӧлгӧн. Ол эт-канла ӧлтӱрилген, тынла – тирилген.

Иоанныҥ 1-кы самаразы 1:7

Ол јарыкта јӱргени чилеп, јарыкта базып јӱрген болзобыс, бойы бойыбысла бирлик болгоныс ол. Анайып, Оныҥ Иисус Христос Уулыныҥ каны бисти кандый ла кинчектеҥ арутайт.

Иоанныҥ 1-кы самаразы 2:2

Ол Бойы – бистиҥ кинчектерис учун, јаҥыс та бистийи эмес, бастыра телекейдиҥ улузыныҥ да кинчектери учун Кудайла јараштыраачы болот.

Ачылта 1:5

база чындык керечи, ӧлгӧндӧр ортодо баштапкы тирилген, јердеги каандардыҥ Башчызы Иисус Христостоҥ јакшылык ла амыр јетсин. Ол биске карузып јат, бисти Бойыныҥ каныла кинчектеристеҥ јунган.

Ачылта 14:1

Кӧрзӧм, Сион кырда Кураан туру, Оныла кожо 144 муҥ кижи. Маҥдайларында Оныҥ Адазыныҥ ады-јолы бичилген.

Ачылта 14:5

Олордыҥ сӧстӧринеҥ тӧгӱн табылбаган. Кудайдыҥ ширеези алдында олордо јек јок.

Ачылта 5:6

Мен ширее ле тӧрт тындуныҥ ортозында, башчылардыҥ ортозында Кураан турганын кӧрӱп ийгем. Ол сойылгандый болгон, јети мӱӱстӱ ле јети кӧстӱ – Кудайдыҥ ончо јерге ийилген јети тыны.

Ачылта 5:9

Олор јаҥы сарын сарнап, айдып јадылар: «Сен тӱрбекти колго аларга ла оныҥ таҥмазын алып ийерге јарамык, нениҥ учун дезе, Сен сойылып, Бойыҥныҥ каныҥла кандый ла ӱйедеҥ, тилдеҥ, калыктаҥ ла уктаҥ улусты Кудайга садып алгаҥ.

Ачылта 7:14

– Сен билериҥ, бийим – дегем. Ол меге айткан: – Улу ачу-коронноҥ келген улус бу. Олор кийимин јунуп, Кураанныҥ каныла ак эткендер.