Петрдыҥ 1-кы самаразы 1:12 - Јаҥы Кереес

¹² Олордыҥ ижи бойлорына эмес, је слерге тузалу болгон деп, јарлыктарга ачылган. Эмди олордыҥ айтканын теҥеридеҥ ийилген Агару Тынла Сӱӱнчилӱ Јар јарлаган улус слерге јарлыктаган эдилер. Ангелдер де мыны билип аларга сӱрекей кӱӱнзеп јадылар.

Петрдыҥ 1-кы самаразы 1:12 Iomraidhean Croise

Матфей 11:25

Ол ӧйдӧ Иисус сӧзин улалтып, айтты: – Ада, теҥери ле јердиҥ Кайраканы! Мыны ойгорлордоҥ ло керсӱлердеҥ јажырала, кичӱлерге ачканыҥ учун Сеге баш болзын!

Матфей 11:27

Ончозы Меге Адамнаҥ берилген. Уулын кем де билбес, јаҥыс Адазы билер, Адазын да кем де билбес, јаҥыс Уулы билер. Уулы Адазын кемге ачар кӱӱндӱ, Оны ол кижи билер.

Матфей 16:17

Иисус ого айтты: – Сен кежиктӱ кижи, Иона уулы Симон, нениҥ учун дезе оны сеге кижи эмес, теҥериде јӱрген Адам ачкан.

Марк 16:15

Олорго айтты: – Јер-телекей сайын барыгар, ончо јайалганга Сӱӱнчилӱ Јарды јарлагар.

Лука 15:10

Айдып турум слерге: Кудайга баштанып турган кинчектӱ бир де кижи учун Кудайдыҥ ангелдери алдында сӱӱнчи болуп јат.

Лука 2:26

Кудай ийген Христосты кӧрбӧгӧнчӧҥ, ӧлбӧзиҥ деп, ого Агару Тыннаҥ кӱн-эртеде айдылып калган.

Лука 9:6

Олор барып, јурттарды эбирип, кайда ла Сӱӱнчилӱ Јар јарлап, оору улусты јазып јӱрдилер.

Иоанн 15:26

Мен слерге Аданаҥ чыгып турган Чындык Тынды ийерим. Ол слердиҥ адаанаарды алып, слерге коот болуп, Мениҥ керечим болор.

Апостолдордыҥ керектери 10:44

Петр айдып турганча, оныҥ сӧзин уккан ончо улуска Агару Тын тӱшти.

Апостолдордыҥ керектери 16:10

Бу кӧрӱлтениҥ кийнинде Кайракан бисти олорго Сӱӱнчилӱ Јар јарлаарга кычырган туру деп, бу тарый Македония атанар деп шӱӱлте эттис.

Апостолдордыҥ керектери 2:33

Ол Кудайдыҥ оҥ јанына кӧдӱрилген, Аданыҥ берер болгон Агару Тынын алала, эмди нени кӧрӱп, угуп турганыгарды јайаган.

Апостолдордыҥ керектери 4:31

Мӱргип божоордо, јуулышкан јери јайкана берди, ончозы Агару Тынла толуп, Кудайдыҥ сӧзин јалтанбай айдып турдылар.

Апостолдордыҥ керектери 4:8

Айдарда, Петр Агару Тынла толуп, олорго айтты: – Калыктыҥ бийлери ле јаандар!

Апостолдордыҥ керектери 8:25

Олор дезе, Кайраканныҥ сӧзин керелеп јарлыктайла, Иерусалим јаар кайра бурылдылар, јолой кӧп самар јурттарда Сӱӱнчилӱ Јар јарладылар.

Римдегилерге 1:15

Анайдарда, мен керегинде айтса, слерге де, Римде јӱрген улуска, Сӱӱнчилӱ Јар јарлаарга белен.

Римдегилерге 1:17

Бу Јар улусты Кудайга бӱткени ажыра оноҥ кӧп бӱдерине экелип, Кудай канайда актап турганын кӧргӱзет, бичилгениле: «Акту кижи бӱдӱп, тирӱ јӱрер».

Римдегилерге 10:15

Ийилбезе, канайып јарлыктайт? Агару Бичик айдат: «Амырды, Сӱӱнчилӱ Јарды јарлап базып јӱрген улустыҥ буттары кандый кеен!»

Римдегилерге 15:19

билдилердиҥ ле кайкалдардыҥ кӱчиле, Кудайдыҥ Тыныныҥ кӱчиле эткен. Анайып, Иерусалимнеҥ ала Иллирикке јетире Христостыҥ Сӱӱнчилӱ Јарын јарлыктаар аргалу болгом.

1 Коринфтегилерге 2:10

Биске дезе бу јажытты Кудай Бойыныҥ Тыныла ачкан. Тын ончозын, Кудайдыҥ јажыдыныҥ тереҥин де шиҥдейт.

2 Коринфтегилерге 1:22

Ол бисти таҥмалап койгон, берер болгонын аларыска бӱдӱмјилӱ болзын деп, јӱректериске Тын берген.

2 Коринфтегилерге 6:6

бис бойыбысты Кудайдыҥ јалчылары деп, арубысла, билимисле, турумкайысла, быйанзагысла, Агару Тынла, ару сӱӱжибисле,

Галаттарга 1:12

Оны кижидеҥ албадым, ого мени кижи ӱретпеди, је оны меге Иисус Христос ачты.

Галаттарга 1:16

калыктар ортодо мени јарлазын деп, мениҥ бойымда Уулын ачарда, улусла јӧптӧшпӧгӧм,

Ефестегилерге 3:10

Эмди теҥеридеги јаандарга ла јаҥдарга Кудайдыҥ ойгорлыгы ончо јӱзӱндериле Серкпе ажыра ачылзын деп, бу јакшылык берилген.

1 Фессалоникадагыларга 2:9

Ижибисти ле јоболтобысты санаада алып јӱрген эмейигер, карындаштар. Кемигерди де кӱчсиндирбеске, тӱн-тӱш иштеп, слерде Кудайдыҥ Сӱӱнчилӱ Јарын јарлыктадыс.

1 Тимофейге 3:16

Кудайга беринериниҥ јажыды кӧп керелелген: Кудай эт-канду келген, Тынныҥ Бойында акталган, ангелдерге кӧрӱлген, калыктарда јарлыкталган, телекейдиҥ улузы ортодо бӱткени ажыра јарадылган, макта кӧдӱрилген.

Еврейлерге 11:13

Олор ончозы ӧлӧрдиҥ ӧлгӧнчӧ Кудайга бӱткендер. Оныҥ берер болгонын албагандар, је мыны јӱк ыраагынаҥ кӧрӱп, ого сӱӱнип, бис јерде ӧскӧ ороонныҥ улузы, туш-туура улус деп, бойлоры керегинде ачыгынча айдып јӱргендер.

Еврейлерге 2:4

Кудай бойы да керелеп, билдилер, кайкалдар јайап, јӱзӱн-јӱӱр кайкамчылу кӱчтер кӧргӱзип, Агару Тынды улуска Бойыныҥ табыла берген.

Еврейлерге 4:2

Биске де, ол улуска чылап, Сӱӱнчилӱ Јар јарлалган ине. Је олорго уккан сӧс туза экелбеген, нениҥ учун дезе оны јаратпай, ого бӱтпегендер.

Петрдыҥ 1-кы самаразы 1:25

је Кайраканныҥ сӧзи ӱргӱлјиге јӱрет. Бу – слерге јарлалган сӧс.

Петрдыҥ 1-кы самаразы 4:6

Бого болуп ӧлгӧн дӧ улуска Сӱӱнчилӱ Јар јарлалган, олор, ончо улус чылап эт-канныҥ эткен керектери учун јаргылаткан бойлоры, тыныла Кудайдыйы чылап јӱрзин.

Ачылта 5:11

Мен ширеени, тындуларды ла башчыларды эбире кӧп ангелдерди кӧрӱп, ӱндерин угуп ийгем. Тоозы тӱмендердиҥ тӱмени, муҥдардыҥ муҥы болгон.