Матфей 4:3 - Јаҥы Кереес

³ Ченеечи Ого базып келеле, айтты: – Сен Кудайдыҥ Уулы болзоҥ, бу таштарга калаш боло берзин деп айт.

Матфей 4:3 Iomraidhean Croise

Матфей 14:33

Кемеде отургандар Ого бажырып, айттылар: – Чын, Сен Кудайдыҥ Уулы.

Матфей 16:16

– Сен – Христос, тирӱ Кудайдыҥ Уулы – деп, Симон-Петр каруу јандырды.

Матфей 26:63

Иисус дезе унчукпай турды. Айдарда, улу абыс Ого айтты: – Тирӱ Кудайга болуп эреп-јайнап сурап турум, айт биске, Кудайдыҥ Уулы Христос Сен бе?

Матфей 3:17

Теҥеридеҥ ӱн чыкты: – Бу Мениҥ сӱӱген Уулым, Оныҥ Бойында Мениҥ јакшылыкту табым.

Марк 1:1

Кудайдыҥ Уулы Иисус Христостыҥ Сӱӱнчилӱ Јарыныҥ башталганы.

Марк 3:11

Кара јелбистер де Оны кӧрӧлӧ, Оныҥ алдына кӧҥкӧрӧ јыгылып, «Сен – Кудайдыҥ Уулы!» – деп, кыйгырыжып тургандар.

Марк 5:7

тыҥ ӱнденип кыйгырды: – Ӧрӧ турган Кудайдыҥ Уулы Иисус! Сеге менеҥ не керек болды? Сени Кудайдыҥ учун сурап турум: мени кыйнаба!

Лука 1:35

Ангел ого каруу јандырып, айтты: – Сеге Агару Тын тӱжер, сени Ӧрӧ Турганныҥ кӱчи кӧлӧткӧ чилеп бӱркеп ийер. Оныҥ учун табатан балаҥ агару болор, Кудайдыҥ Уулы деп адалар.

Лука 22:70

– Анайдарда, Сен – Кудайдыҥ Уулы ба? – деп, ончозы сурады. Ол каруу јандырды: – Мен деп, бойыгар айттыгар.

Лука 4:3

Кӧрмӧс Ого айтты: – Сен Кудайдыҥ Уулы болзоҥ, калаш боло берзин деп, бу ташка јакарып ий.

Лука 4:41

– Сен Христос, Кудайдыҥ Уулы! – деп кыйгырганча, анайда ок шилемирлер де кӧп улустаҥ чыгып турдылар. Ол дезе, Мен Христос болгонымды билип турганыгарды айтпагар – деп, олорго јакарып турды.

Лука 4:9

Кӧрмӧс Оны Иерусалимге апарып, байзыҥныҥ јабынтызына тургузала, айтты: – Сен Кудайдыҥ Уулы болзоҥ, мыны тӧмӧн калып ий.

Иоанн 1:34

Мен кӧрдим, Ол Кудайдыҥ Уулы деп кереледим.

Иоанн 1:49

Нафанаил айтты: – Равви! Сен – Кудайдыҥ Уулы, Сен – Израильдиҥ Кааны!

Иоанн 20:31

Иисус – ол Христос, Кудайдыҥ Уулы болгонына слерди бӱтсин деп, Ого бӱделе, Оныҥ Бойында слерди јӱрӱмдӱ болзын деп, мыныҥ бичилгени бу.

Иоанн 9:35

Оны чыгара сӱрӱп ийгенин угала, Иисус оны таап алып, айтты: – Кудайдыҥ Уулына сен бӱдӱп јадыҥ ба?

Апостолдордыҥ керектери 9:20

ол ло тарый синагогаларда Иисусты Кудайдыҥ Уулы деп, јарлай берди.

2 Коринфтегилерге 1:19

Слерде мен, Силуан ла Тимофей јарлыктаган Кудайдыҥ Уулы Иисус Христос «эйе» ле «јок» болбогон. Је Оныҥ Бойында «эйе» болгон.

Галаттарга 2:20

Эмди мен јӱрӱп турган эмезим, је мениҥ бойымда Христос јӱрет. Эт-кандуда јӱрӱмимди алза, Кудайдыҥ Уулына бӱткенимле јӱрӱп јадым. Ол меге буурзап јат, мен учун Бойын берген.

1 Фессалоникадагыларга 3:5

Оныҥ учун, мынаҥ ары чыдажып болбой, бӱдӱп турганыгар керегинде угуп келзин деп, Тимофейди ийгем. Ченеечи слерди јолдоҥ астыктырар деп, ижибис темей калар деп јалтангам.

Еврейлерге 12:16

Ортогордо балыр јӱрӱмдӱ эмезе байланбас Исавтый кижи болбозын. Ол бир катап ажанарга болуп бойыныҥ тун уул деп адалганын садып ийген.

Еврейлерге 4:14

Анайдарда, бисте теҥерини ӧткӧн Улу абыс бар. Ол Иисус, Кудайдыҥ Уулы. Оныҥ учун Ого чындыгысты јӱрӱмисле керелеп, Оноҥ бек тудунактар.

Еврейлерге 7:3

Ондо ада-эне де, угы-тӧзи де јок, оныҥ јӱрӱминиҥ бажы да, учы да јок. Ол Кудайдыҥ Уулына тӱҥейлежип, абыс болуп ӱргӱлјиге јӱрет.

Иоанныҥ 1-кы самаразы 3:8

Кинчек эткен кижи – кӧрмӧстӧҥ, нениҥ учун дезе озо баштап кӧрмӧс кинчек эдет. Мыныҥ учун кӧрмӧстиҥ керектерин бузарга Кудайдыҥ Уулы ачылган.

Ачылта 2:10

Сеге ӧдӧтӧн кыйын-шырадаҥ коркыба. Бат, кӧрмӧс слерди ченейин деп, ортогордоҥ кезигерди тӱрмеге сугар. Слер он кӱн кыйналарыгар. Ӧлӧргӧ јетире чындык бол, кайрал эдип сеге јӱрӱм берерим.