Матфей 2:1 - Јаҥы Кереес

¹ Иисус Иудей јериндеги Вифлеем деп калада Ирод-каан тужында туулган. Је бат, кӱнчыгыштаҥ Иерусалимге судурчылар келип, айттылар:

Матфей 2:1 Iomraidhean Croise

Матфей 1:25

Мария тун уул бала тапканча, оныла бир тӧжӧккӧ јатпады. Иосиф баланы Иисус деп адады.

Матфей 2:16

Судурчыларга мекеледип койгонын кӧрӧлӧ, Ирод сӱрекей чугулданды. Олордоҥ сурап уккан ӧйдӧ Вифлеемде ле оны эбире јерлерде туулган эки јашту ла оноҥ кичӱ балдарды ончозын ӧлтӱрзин деп јакарды.

Матфей 2:19

Ирод јада калган соҥында Кайраканныҥ ангели Египеттеги Иосифке тӱш јеринде кӧрӱнип,

Матфей 2:3

Мыны угала, Ирод-каан тӱймей берди, оныла кожо бастыра Иерусалим тӱймеди.

Матфей 2:5

Олор айттылар: – Иудей јериндеги Вифлеемде, нениҥ учун дезе јарлыкчы мынайда бичиген:

Матфей 2:7

Айдарда, Ирод судурчыларды бойына јажытту кычырып, јылдыстыҥ кӧрӱнген ӧйин сурап, угуп алала,

Лука 1:5

Иудейлердиҥ кааны Ирод тужында Захария деп абыс јуртаган. Ол Авия абыстыҥ бӧлӱгинеҥ болгон. Ондо Аарон укту абакай болгон; ады-јолы Елисавета.

Лука 2:11

Бӱгӱн Давидтиҥ калазында слерге Аргадаачы туулды – Христос Кайракан!

Лука 2:15

Ангелдер теҥери ӧрӧ чыга берерде, кӱдӱчилер бой-бойына айтты: – Вифлеемге барып, анда не болгонын, Кайраканныҥ биске айтканын кӧрӧлик.

Иоанн 7:42

Христос Давидтиҥ ӱренинеҥ, Давидтиҥ турган јери Вифлеемнеҥ келер деп, Агару Бичикте айдылбаган беди?