Марк 6:2 - Јаҥы Кереес

² Суббот кӱн једип келерде, Ол синагогада ӱредип баштады. Оны уккан улустыҥ кӧбизи алаҥ кайкап, айдышты: – Бу ончозы Ого кайдаҥ келди не? Ого не болгон ойгор санаа берилген? Оныҥ колы мындый кайкалдарды канайып эдет болбогой?

Марк 6:2 Iomraidhean Croise

Матфей 4:23

Иисус Галилейдиҥ бастыра јерлериле јӱрди, олордыҥ синагогаларына кирип ӱретти, Каандык керегинде Сӱӱнчилӱ Јар јарлап, улустыҥ не ле оорузын, не ле јоболын јазып јӱрди.

Матфей 7:28

Иисус айдып божоордо, улус Оныҥ ӱредӱзин кайкап турды,

Марк 1:39

Анайып, Ол Галилей ичиле синагогаларда јарлыктап, шилемирлерди чыгарып јӱрди.

Марк 10:1

Иисус оноортынаҥ чыгала, Иордан ары јанындагы Иудейге келди. Ого база ла улус јуулды, Ол Бойыныҥ јаҥыла олорды ӱредип турды.

Лука 2:47

Уккан улус ончозы Оныҥ керсӱзин ле карууларын кайкажып тургандар.

Лука 4:15

Олордыҥ синагогаларында улус ӱретти, ончозы Оны макка чыгарып турдылар.

Иоанн 6:42

айттылар: – Бу Иосифтиҥ уулы Иисус эмес беди? Бис Оныҥ адазын ла энезин билер эмейис. «Мен теҥеридеҥ тӱшкем» деп, канайып айдат болбогой?

Иоанн 7:15

Иудейлер кайкап, айдышты: – Бу ӱренбеген Бойы, Агару Бичикти канайып билип туру болбогой?