3 Улу абыстар Оны кӧп бурулап турдылар.
Улу абыстар ла јаандар Оны бурулап турарда, Ол бир де каруу бербеди.
«Сен иудейлердиҥ Кааны ба?» – деп, Пилат Оноҥ сураарда, Ол каруу јандырып, «Сен айдып туруҥ» – деди.
Пилат дезе Оноҥ база катап сурады: – Бир де каруу јандырбай туруҥ ба? Кӧрзӧҥ, Сеге удура бурулаштыҥ кӧбизин!
Је Иисус бого до бир де каруу јандырбаста, Пилат кайкап турды.
Бу сӧстӧрдиҥ кийнинеҥ Пилат Оны божодып ийер арга бедиреди, иудейлер дезе кыйгырыжып турдылар: – Сен Оны божодып ийзеҥ, Рим каганына најы эмезиҥ! Бойын каан деп јарлап турганы, каганга удура туруп чыкканы ол.
