Марк 13:3 - Јаҥы Кереес

³ Ол Елеон кырда, байзыҥныҥ одожында отурарда, Петр, Иаков, Иоанн, Андрей Оноҥ јаҥыскандыра сурадылар:

Марк 13:3 Iomraidhean Croise

Матфей 13:10

Ӱренчиктер базып келеле, Иисустаҥ сурадылар: – Олорго не керек укаалап айдадыҥ?

Матфей 13:36

Иисус улусты божодып ийеле, ӱйге кирди. Ӱренчиктери Ого базып келеле, айттылар: – Кырадагы от ӧлӧҥ керегинде укаа сӧсти биске јартап берзеҥ.

Матфей 17:1

Алты кӱнниҥ бажында Иисус јӱк ле Петрды, Иаковты ла оныҥ Иоанн карындажын алганча, бийик кырга чыгала,

Матфей 21:1

Иерусалимге јууктагылап, Елеон кырдагы Виффагия деп јуртка келерде, Иисус эки ӱренчигин ийип,

Матфей 24:3

Ол Елеон кырда отурарда, Ого јаҥыс ӱренчиктери базып келеле, сурадылар: – Биске айт, бу качан болор, келериҥниҥ, чак тӱгенердиҥ темдеги кандый болор?

Марк 10:35

Иисуска Зеведейдиҥ уулдары Иаков ло Иоанн базып келип, «Ӱредӱчи! – дедилер. – Сени бистиҥ сураганысты этсин деп турубыс».

Марк 13:4

– Биске айт, бу качан болор, мыныҥ ончозы бӱдериниҥ темдеги кандый болор?

Марк 14:33

Бойыла кожо Петрды, Иаков ло Иоаннды алганча барып, ачурканып, карыга берди.

Марк 4:34

Укаалабай олорго неме айтпас болды, ӱренчиктерине дезе јаҥыскандыра ончозын јартап турды.

Марк 5:37

Ол Бойыныҥ кийнинеҥ Петр ла Иаковтоҥ, Иаковтыҥ Иоанн карындажынаҥ башка кижи бастырбады.

Марк 9:2

Алты кӱнниҥ бажында Иисус јӱк ле Петрды, Иаковты, оноҥ Иоаннды бийик кырга чыгарала, олордыҥ алдына кубулды.