Марк 12:2 - Јаҥы Кереес

² Бойыныҥ ӧйинде виноградтыҥ јиилегин ишчилердеҥ экелзин деп, олорго јалчызын ийген.

Марк 12:2 Iomraidhean Croise

Матфей 21:34

Јиилек терер ӧй јууктап келерде, јиилегимди экелигер деп, ишчилерге јалчыларын ийген.

Марк 12:1

Иисус олорго укаа сӧслӧ айдып баштады: – Бир кижи виноград-агаш тарыйла, эбире манаган. Ондо сыскыру казып, каруулчыктыҥ баганазын тудып салган. Тарыган агажын ишчилерге табыштырып, атана берген.

Марк 12:3

Олор дезе јалчыны тудала, согуп, как куру јандыргандар.

Лука 12:48

је билбеген кул, кезедерине турар кылык эткен де болзо, ас соктырар. Кемге кӧп берилген, оноҥ кӧп ок некелер, кемге кӧп бӱдӱмјилелген, оноҥ кӧп ок суралар.

Лука 20:10

Бойыныҥ ӧйинде виноградтыҥ јиилегинеҥ ого берзин деп, ишчилерге кулын ийген. Је олор ийген кулды токпоктойло, как куру јандыргандар.

Еврейлерге 1:1

Кудай ӧткӧн чактарда јарлыкчылар ажыра адаларыска улам сайын, јӱзӱн-јӱӱрлеп айдып туратан.