Лука 1:2 - Јаҥы Кереес

² Бу керектерди туку бажынаҥ ала бойы кӧргӧн, Сӧскӧ болуп иштеп јӱрген улус биске јетирген эди.

Лука 1:2 Iomraidhean Croise

Марк 1:1

Кудайдыҥ Уулы Иисус Христостыҥ Сӱӱнчилӱ Јарыныҥ башталганы.

Марк 16:20

Олор дезе барып, јер сайын јарлап јӱрдилер. Кайракан олорго болужып, олордыҥ сӧзин билдилерле тыҥыдып турды. Аминь.

Марк 4:14

Ӱрендеечи сӧс ӱрендейт.

Лука 24:48

Слер дезе мыныҥ керечилери.

Иоанн 15:27

Башкыдаҥ ала Мениле кожо јӱрген слер де Мени керелеп јӱреригер.

Иоанн 16:4

Ӧй једип келгежин, слерге мыны айтканымды эске алыгар деп, Мен слерге мыны айдып бердим. Слерле кожо јӱргеним учун башкыда мыны слерге айтпагам.

Апостолдордыҥ керектери 1:3

Ол кыйын-шыразыныҥ кийнинде олорго тирӱ Бойы кӧрӱнип, мынызыныҥ чынын кӧп катап керелеген. Кудайдыҥ Каандыгы керегинде бӱдӱмјилӱ керелеп ле айдып јӱргенин апостолдор тӧртӧн кӱнге улай кӧргӧндӧр.

Апостолдордыҥ керектери 1:8

Је слерге Агару Тын тӱшкежин, кӱч алынып, Иерусалимде, Иудей ле Самар ичинде, јердиҥ јаказына да јетире Мениҥ керечилерим болорыгар.

Апостолдордыҥ керектери 14:25

Пергияда Кайраканныҥ сӧзин јарлыктайла, Атталияга тӱштилер.

Апостолдордыҥ керектери 16:6

Агару Тын олорго Асияда сӧс јарлыктаарын јаратпады. Олор Фригия ла Галатия ороонды ӧдӧлӧ,

Апостолдордыҥ керектери 17:11

Мындагы улус Фессалониканыҥ улузынаҥ керсӱ болгон. Олор Павелдиҥ јарлыктаганын кичеенип угуп тургандар. Ол сӧс чын ба деп билерге, Агару Бичикти шиҥжӱлеп тургандар.

Апостолдордыҥ керектери 26:16

Је ӧрӧ тур, будыҥа тур. Сени јалчы эдип, нени кӧргӧниҥниҥ, нени сеге ачарымныҥ керечизи эдип тударга, сеге кӧрӱнгеним бу.

Апостолдордыҥ керектери 4:20

Нени кӧргӧнисти ле нени укканысты айтпас аргабыс јок.

Апостолдордыҥ керектери 8:4

Тозуп баргандар дезе кайда ла базып јӱрӱп, Кудайдыҥ сӧзин јарладылар.

Римдегилерге 15:16

Иисус Христостыҥ абызы болуп, ӧскӧ калыктар ортодо абыстап, Сӱӱнчилӱ Јар јарлап јадым. Олор Агару Тынла агарулалып, Кудайга јараар тайылга боло берзин деп, мыны эдип јадым.

1 Коринфтегилерге 4:1

Анайдарда, бисти Христостыҥ јалчылары деп, Кудайдыҥ јажыттары учун каруулу улус деп, кажы ла кижи сананар учурлу.

Еврейлерге 2:3

Андый болгондо, баштап ла Кайракан бойы јарлаган мындый улу аргадашты јектеп турган болзобыс, кезедӱ албай канайып кыйыжарыс? Бу аргадаш керегинде уккан улус ол чын деп, биске лаптаган.

Петрдыҥ 1-кы самаразы 5:1

Анайдарда, мен, серкпениҥ јааны бойым, Христостыҥ шыразыныҥ керечизи ле ачылатан макта туружаачы кижи, слердиҥ јаандарыгарга баштанып турум:

Петрдыҥ 2-чи самаразы 1:16

Иисус Христос Кайраканыстыҥ кӱчин ле келгенин јарлап, слерге сананып тапкан чӱмдӱ куучындар айтпадыс ине, је бис Оныҥ улу учурын бойыстыҥ кӧзисле кӧрдис.