Иуданыҥ самаразы 1:6 - Јаҥы Кереес

⁶ Ол анайып ок баштаҥы айалгазын чеберлебей, јӱрген јерин таштап барган ангелдерди улу кӱнде јаргылаарга, карачкыда ӱргӱлјиге кӱлӱде тудуп јат.

Иуданыҥ самаразы 1:6 Iomraidhean Croise

Матфей 10:15

Чынын айдадым слерге: Јаргы болор кӱнде Содом ло Гоморра јерине, ол калага кӧрӧ, јеҥил болор.

Матфей 25:41

Оноҥ сол јанында тургандарга айдар: «Каргышка калгандар, кӧрмӧскӧ, оныҥ элчилерине белетелген ӧчпӧс отко Менеҥ кеде тайылыгар.

Матфей 8:29

Је бат, олор кыйгырыжа бердилер: – Бисти кайдайын деп туруҥ, Кудайдыҥ Уулы? Сен бери ӧй јеткелекте бисти кинчектеерге келгеҥ.

Иоанн 8:44

Слердиҥ адагар – кӧрмӧс, слер адагардыҥ кычазын бӱдӱрерге јадыгар. Алдынаҥ бери ол кижи ӧлтӱреечи болгон, чындыкка јайылбаган. Оныҥ бойында чындык јок ине. Тӧгӱнди айдып турган тушта бойындыйын айдат, нениҥ учун дезе ол тӧгӱнчи ле тӧгӱнниҥ адазы.

Римдегилерге 2:5

Је сен кедер, јӱрегиҥ Кудайга баштанбаган. Кудайдыҥ чугулы келерине ле Оныҥ чындык јаргызы ачылар кӱнге бойыҥа бойыҥ чугул јууп јадыҥ.

Ефестегилерге 6:12

Бис кижиниҥ бойына удура тартыжып турган эмезибис, је бис башталгаларга удура, ӧрӧги јаҥдарга удура, карачкыныҥ башчыларыныҥ бу телекейине удура, теҥеридеги јаманныҥ тындарына удура тартыжып јадыбыс.

Еврейлерге 10:27

Ол тушта коркышту јаргыны ла калапту отты сакыыры артат. Бу от Кудайга удурлажып турган улусты јуда салар.

Петрдыҥ 2-чи самаразы 2:4

Кудай кинчек эткен ангелдерге де килебеген, олорды јаргыга јетире таамыныҥ карачкызына отургызып койгон.

Петрдыҥ 2-чи самаразы 2:9

Анайдарда, Кайракан билер, Кудайга беринген улусты канайып ченелтедеҥ айрыйтанын, јарамастуларды дезе кезедип, јаргыныҥ кӱнине јетире тудатанын;

Иуданыҥ самаразы 1:13

Олор – бойлорыныҥ быјарыла кӧбӱктелген талайдыҥ калапту толкулары, азып јӱрген јылдыстар. Олорго ӱргӱлјиге карачкыныҥ карачкызы белетелген.

Ачылта 20:10

Олорды астырган кӧрмӧс дезе отту ла кӱкӱрлӱ кӧлгӧ ташталган. Аҥ ла тӧгӱн јарлыкчы анда ок болгондор. Олор ончозы тӱни-тӱжи ӱргӱлји чакка кыйналар.

Ачылта 20:2

Ол кӧрмӧс лӧ сатана болгон јелбегенди – јебрен јыланды тудуп, муҥ јылга кынјылаган.