Иуданыҥ самаразы 1:20 - Јаҥы Кереес

²⁰ Слер дезе, кару улузым, бойыгардыҥ јӱрӱмигерди агару бӱдӱмјигерге тӧзӧп, Агару Тынла мӱргигер.

Иуданыҥ самаразы 1:20 Iomraidhean Croise

Апостолдордыҥ керектери 15:9

Јӱректерин бӱдетениле арутап, бис ле олор ортодо бир де башкаланыш этпеген.

Апостолдордыҥ керектери 26:18

Кӧстӧрин ачарга, караҥуйдаҥ јарыкка, сатананыҥ јаҥ-табынаҥ Кудайга баштангылазын деп, кинчектери ташталзын деп, Меге бӱдӱп, јаҥдайла, бойын Кудайга агарулаган улус ортодо энчилӱ болгылазын деп, сени ийип јадым».

Апостолдордыҥ керектери 6:7

Кудайдыҥ сӧзи јайылып, Иерусалимде ӱренчиктердиҥ тоозы тапту кӧптӧп, абыстардаҥ да сӱрекей кӧп улус Кудай јаҥына багып турдылар.

Апостолдордыҥ керектери 9:31

Анайдарда, Иудей, Галилей ле Самар ичиндеги серкпелер амыр-энчӱде јӱрӱп, тыҥып, Кайраканныҥ алдында айап, Агару Тыннаҥ коот алып, кӧптӧп, ӧзӱп турдылар.

Римдегилерге 15:2

Кажыбыс ла јуук кижибиске јараарыла эдип, ол Кудайга бӱдеринде ӧссин деп, ого јакшыны эдер учурлу.

Римдегилерге 8:15

Слер ойто коркып јӱрбес учурлу, слер кулданыштыҥ тынын албадыгар, је слерди Кудайга балазынып турган Тынды алдыгар. Бу Тынла «Авва, Ада!» деп, кыйгырып јадыбыс.

1 Коринфтегилерге 1:8

Ол слерди учына јетире тыҥыдар. Ол тушта Иисус Христос Кайраканыстыҥ кӱнинде јек јок болорыгар.

1 Коринфтегилерге 10:23

Меге ончозын эдерге јараар, је ончозы туза экелбей јат. Меге ончозын эдери јарадылган, је ончозы тыҥыдар арга бербей јат.

1 Коринфтегилерге 14:15

Нени эдейин? Тынла мӱргиирим, санаамла да мӱргиирим; тынла сарнаарым, санаамла да сарнаарым.

1 Коринфтегилерге 14:26

Анайдарда не, карындаштар? Јуулыжып келгенигерде, кажыгарда ла сарын бар, ӱредӱ бар, Кудайдаҥ ачылта бар, кем де ӧскӧ тилле айдат, ӧскӧзи оны јартайт. Бу ончозы серкпеге ӧзӧргӧ болушкай.

Галаттарга 4:6

Слер Кудайдыҥ уулдары учун Ол јӱректереерге Уулыныҥ Тынын, «Авва! Ада!» деп кыйгыраачы Тынды, ийген.

Ефестегилерге 4:12

Агарулар Кудайдыҥ керегине јӱрерге ле Христостыҥ Эди-Канын – Серкпени тыҥыдарга белен болзын деп, Ол мынайда эткен.

Ефестегилерге 4:16

Оныҥ шылтузында ончо эт-кан – Серкпе бириктирилген, оныҥ ончо ӱйелери бой-бойыла бек колбулу, олордыҥ кажызы ла бойыныҥ ижин эдер аргалу кемиле эдет, ончо эт-кан ӧзӱп, сӱӱште тудулат.

Ефестегилерге 4:29

Оозыгардаҥ бир де јаман сӧс чыкпазын, јаҥыс ла бӱдерине ӱредер ле угуп турган улуска јакшылык береечи сӧстӧр чыксын.

Ефестегилерге 6:18

Мӱргип, јаантайын Кудайдаҥ сурагар. Слерге Тынныҥ берип турганыла, нени керексип турганыгарды ончозын сурап, мӱргигер. Бого болуп сергек, турумкай болыгар, ончо агарулар учун сурагар.

Колоссыдагыларга серкпеге самаразы 2:7

Слерди ӱреткениле, Оныҥ Бойында тазылданып, јӱрӱмигерди тӧзӧгӧр, бӱдеринде тыҥыдыныгар, јӱректеригер алкыш-быйанла толзын.

1 Фессалоникадагыларга 5:11

Оныҥ учун, эмди эдип турганыгар чылап, бой-бойыгарды кӧкӱдип, бой-бойыгарды тыҥыдыгар.

2 Тимофейге 1:5

Экијӱстенбей бӱдӱп јӱргениҥди эске алынып јадым: анайда башкыда Лоида јаанаҥ ла Евника энеҥ бӱткен эдилер. Олордыҥ бӱткени сениҥ бойыҥда да јӱрӱ деп, бӱдӱп јадым.

Титке 1:1

Талдап алган улус чылап бӱдӱп, Кудайга беринерине экелип турган чындыкты билип алган Кудайдыҥ кулы ла Иисус Христостыҥ Павел апостолынаҥ.

Иаковтыҥ самаразы 2:22

Кӧрӱп туруҥ ба, оныҥ Кудайга бӱткени ле керектери колбулу болуп, Кудайга бӱткени керектер ажыра толо кемдӱ боло бергенин?

Петрдыҥ 2-чи самаразы 1:1

Иисус Христостыҥ кулы ла апостолы Симон-Петрдаҥ – Кудайыстыҥ, Аргадаачы Иисус Христостыҥ, чындыгына једип, бис чилеп акту јӱректеҥ бӱдӱп турган улуска.

Иоанныҥ 1-кы самаразы 5:4

нениҥ учун дезе Кудайдаҥ туулганы бу телекейдиҥ јаҥын јеҥет. Телекейдиҥ јаҥын јеҥген бу јеҥӱ, – бистиҥ бӱдӱмјибис.

Иуданыҥ самаразы 1:3

Кару улузым! Бистиҥ текши аргаданыжыс керегинде бичиирге сӱрекей кӱӱнзедим. Оныҥ учун агаруларга Кудайдаҥ бир катап ӱргӱлјиге берилген бӱдӱмји учун слерди тартышсын деп, слерге кычыру бичиири керектӱ деп бододым.

Ачылта 13:10

Олјого апарып јатканы, бойы олјого барар. Кылышла ӧлтӱрип јатканы, бойы кылыштаҥ ӧлӧр. Мында агарулардыҥ чыдузы ла бӱдӱмјизи керек.