Иуданыҥ самаразы 1:11 - Јаҥы Кереес

¹¹ Олорго ачу-корон, нениҥ учун дезе Каинниҥ јолыла барып јадылар; Валаам бойыныҥ асканы учун алган кайралга јайылып јадылар; удурлажуда Корей чилеп ӧлӱп јадылар.

Иуданыҥ самаразы 1:11 Iomraidhean Croise

Матфей 11:21

– Ачу-корон сеге, Хоразин! Ачу-корон сеге, Вифсаида! Слерде эдилген кайкалдар Тир ле Сидондо эдилген болзо, олор самтар кеп кийип, баштарына кубал сееп, туку качан Кудайга баштанар эди.

Еврейлерге 11:4

Бӱдӱмји ажыра Авель Кудайга Каиндийинеҥ артык тайылга эткен. Бӱдӱмји ажыра ол акту кижи деп, Кудайдаҥ кере алган, нениҥ учун дезе оныҥ тайылгазын Кудай бойы јараткан. Бӱдӱмјиле ол, ӧлӱп калган бойы, эмдиге јетире айтканча.

Петрдыҥ 2-чи самаразы 2:15

Олор чике јолдоҥ чыгып, Восор уулы Валаамныҥ јолыла барып, аза бергендер. Валаам дезе јаман эткени учун тӧлӧлип турган кайралды сӱӱген.

Иоанныҥ 1-кы самаразы 3:12

Јаманга баштадып, бойыныҥ карындажын ӧлтӱрген Каиндий болбогор. Нениҥ учун оны ӧлтӱрген? Оныҥ керектери јаман, карындажындыйы акту болгон учун.

Ачылта 2:14

Је сеге эмеш удура айдатаным бар: сенде Валаамныҥ ӱредӱзинеҥ тудунган улус бар. Ол Израильдиҥ улузы чалуга тайганды јип, балыр јӱрӱм јӱрзин деп, олорды астырарга Валакты ӱредип койгон.