Иоанныҥ 3-чи самаразы 1:6 - Јаҥы Кереес

⁶ Олор сениҥ сӱӱжиҥди серкпе алдында керелеген. Кудайга јарамык эдип, олорго јорыгын улалтарга болушсаҥ, јакшы эдериҥ.

Иоанныҥ 3-чи самаразы 1:6 Iomraidhean Croise

Апостолдордыҥ керектери 15:29

чалуга тайганныҥ эдин, канын, бууп ӧлтӱргенниҥ эдин јибегер, балыр јӱрӱм јӱрбегер. Бойыгарга этпейин дегенди ӧскӧ улуска этпегер. Бойыгарды мынаҥ чеберлеп, јакшы эдеригер. Су-кадык јӱригер».

Апостолдордыҥ керектери 15:3

Анайдарда, серкпе олорды аткарып ийди, олор Финикия ла Самарла ӧдӱп, кара јаҥдулардыҥ Кудайга баштанганын јолой куучындап, ончо карындаштарды айдары јок сӱӱндирип турдылар.

Апостолдордыҥ керектери 21:5

Бу кӱндерди ӧткӱреле, чыгып бардыс. Бисти ончозы ӱйлериле, бала-барказыла кожо каланыҥ ары јанына јетире ӱйдештилер. Талайдыҥ јарадында тизеленип, мӱргидис.

Римдегилерге 15:24

Испания јаар атанып, слерге келерим. Слерле јолой кӧрӱжерим деп, иженип турум. Бир кезек ӧйгӧ дӧ болзо слерле кожо болуп, сӱӱнип алзам, оноҥ ары барарга мени јолго шыйдыырыгар.

2 Коринфтегилерге 1:16

Слерге туштап, Македония барайын, Македониядаҥ слерге бурулайын деп санангам. Слер меге Иудей јаар атанарга болужар эдигер.

Филиппыдагыларга 4:14

Андый да болзо, мениҥ кыйынымды ӱлежип, јакшы эттигер.

Колоссыдагыларга серкпеге самаразы 1:10

ончозында Кудайга јараарыла эдип, Ого јарамык јӱргейигер, не ле быйанду керекте тӱжӱмдӱ болгойыгар, Кудайды билип аларында ӧзӱп тургайыгар.

1 Фессалоникадагыларга 2:12

Кудайга јарамыкту этсин деп, слерди кычырдыс, сӧстӧдис, бӱдӱндирдис. Ол слерди Бойыныҥ Каандыгына ла магына кычырат.

Титке 3:13

Зинас-јасакчы ла Аполлосты јолго јакшы јазап шыйды, олордо ончо неме јеткил болзын.

Петрдыҥ 1-кы самаразы 2:20

Кинчектер учун соктырып турган болзогор, не учун мактайтан? Јакшыны эдип шыралап, је чыдажып турган болзогор, слерди Кудай јарадып јат.

Иоанныҥ 3-чи самаразы 1:12

Димитрий керегинде бастыра улус ла чындыктыҥ бойы јакшы керелейт. Анайда ок бис те керелейдис. Бистиҥ керебис чын болгонын билеригер.