Иоанныҥ 3-чи самаразы 1:4 - Јаҥы Кереес

⁴ Балдарым чындыкта базып јӱргендерин угарынаҥ јаан сӱӱнчи менде јок.

Иоанныҥ 3-чи самаразы 1:4 Iomraidhean Croise

2 Коринфтегилерге 6:13

Балдарыма чылап айдып турум: биске андый ок каруу эдип, јӱректеригерди ачыгар!

Галаттарга 2:14

Је бат, олор Сӱӱнчилӱ Јардыҥ чындыгыла этпей турганын кӧрӧлӧ, Кифага ончо улус кӧзинче айткам: «Сен, иудей бойыҥ, иудей чилеп эмес, кара јаҥду чылап јӱрӱп турган болзоҥ, иудейлер чилеп јӱрзин деп, иудей эместерди не албадап тургаҥ?»

Галаттарга 4:19

Балдарым! Христоско тӱҥейлешпегенчер, бала таап јаткан ӱй кижи чилеп, слер учун ойто кыйналып јадым!

1 Фессалоникадагыларга 2:11

Кажыгарды ла адазы балдарын чылап кӧрӱп јӱргенисти билеригер:

1 Тимофейге 1:2

Тимофейге, бӱдӱп јӱреринде чындык уулга. Сеге Ада Кудайдаҥ ла Христос Иисус Кайраканыстаҥ јакшылык, быйан ла амыр јетсин.

2 Тимофейге 1:2

Тимофейге, карузыган уулга. Сеге Ада Кудайдаҥ ла Христос Иисус Кайраканыстаҥ јакшылык, быйан ла амыр јетсин.

Филимонго 1:10

сени Онисим уулым учун сурап турум. Ол кижендӱ тужымда мениҥ уулым боло берген.

Иоанныҥ 1-кы самаразы 2:1

Балдарым! Слерди кинчек этпезин деп, мыны слерге бичип турум. Је кем кинчек эткен болзо, бисте Акту Иисус Христос бар. Ол Ада алдында бис учун сурап јат.

Иоанныҥ 2-чи самаразы 1:4

Биске Ада берген јакылтала чындыктыҥ јолында базып јӱргендерди балдарыҥ ортодо тапканыма сӱреен сӱӱндим.