Иоанныҥ 3-чи самаразы 1:10 - Јаҥы Кереес

¹⁰ Оныҥ учун келзем, оныҥ эдип јӱрген керектерин эске алындырарым. Ол бис керегинде јаман куучын-эрмек јайат. Онызыла болорзынбай, карындаштарды бойы да јуутпай, јуударга кӱӱнзеген улусты буудактап, серкпедеҥ чыгара сӱрет.

Иоанныҥ 3-чи самаразы 1:10 Iomraidhean Croise

Лука 6:22

Кижи Уулы учун улус слерди јаман кӧрӱп, сӱрӱп, айткылап, адыгарды јамандап турза, кежиктӱ болгоныгар ол.

Иоанн 9:22

Ада-энези иудейлердеҥ коркып турган учун анайда айткандар. Иудейлер дезе Иисусты Христос деп айдар кижини синагогадаҥ чыгарып саларга јӧптӧжип койгондор.

Апостолдордыҥ керектери 1:15

Ол кӱндердиҥ бирӱзинде јуунга јӱс јирме кире кижи келген. Петр ӱренчиктердиҥ ӧзӧгине туруп, мынайда айтты:

2 Коринфтегилерге 13:2

Экинчи катап келип турарымда, кинчек эткен улуска, арткан ончо улуска озолондыра айткам, эмди слерде јок тужымда бичип турум: ойто келзем, олорды килебезим.

Галаттарга 6:10

Анайдарда, эм тура ӧй бар тушта, ончо улуска јакшыны эдели, анчада ла бӱдӱп турган улузыска.

1 Тимофейге 5:13

Ӱзеери иш этпей, айылдар керип јӱрерине ӱренип калгылайт. Јаҥыс та иштебей јӱрген эмес, је калырууш болгылайт, ӧскӧ улустыҥ керектерине киришкилейт, айтпасты айдып јӱргӱлейт.

Иоанныҥ 2-чи самаразы 1:10

Слерге келип, бу ӱредӱни экелбей турган кижини ӱйге кийдирбегер, уткыбагар да.

Иоанныҥ 2-чи самаразы 1:12

Слерге бичийтеним кӧп эди, је чаазынга чернеле бичиир кӱӱним јок. Слерге барып, акту бойыгарла эрмектежерим деп, иженип турум. Ол тушта сӱӱнчигер толо болор.

Иоанныҥ 3-чи самаразы 1:3

Карындаштар келип, сениҥ чындыгыҥды, чындыкта канайып базып јӱргениҥди керелеерде, сӱреен сӱӱндим.

Иоанныҥ 3-чи самаразы 1:5

Кару карындаш! Карындаштарга ла ӧскӧ јердиҥ улузына нени эткениҥде, чын эдип јадыҥ.