Иоанныҥ 1-кы самаразы 5:9 - Јаҥы Кереес

⁹ Улустыҥ керезин јарадып турган болзобыс, Кудайдыҥ керези – јаан. Бат, Кудайдыҥ керези: Ол Бойыныҥ Уулын керелейт.

Иоанныҥ 1-кы самаразы 5:9 Iomraidhean Croise

Матфей 17:5

Ол мынайып айдып турганча, олорды јаркынду булут кӧлӧткӧлӧп, булуттаҥ эрмектенген ӱн угулды: – Бу Мениҥ сӱӱген Уулым, Оныҥ Бойында Мениҥ јакшылыкту табым. Оны угугар!

Иоанн 10:38

Онызын эдип турган болзом, Бойыма бӱтпес болзогор, эдип јӱргениме бӱдигер. Адам Мениҥ Бойымда деп, Мен де Оныҥ Бойында деп, ол тушта билип, бӱдеригер.

Иоанн 5:39

Слер Агару бичиктерди шиҥжӱлеп, олордоҥ ӱргӱлји јӱрӱмдӱ болорго сананып јадыгар. Олор дезе Мени керелеп турулар.

Апостолдордыҥ керектери 17:31

Ол чындыкла јаргылайтан кӱнди темдектеп койгон. Телекейди Ол Бойы кӧстӧп туткан Кижи ажыра јаргылаар; Оны тиргизеле, ончозына кере берген.

Апостолдордыҥ керектери 5:32

Оныҥ керечилери – бис ле Ого сӧсуккур улуска Кудай берген Агару Тын.

Еврейлерге 2:4

Кудай бойы да керелеп, билдилер, кайкалдар јайап, јӱзӱн-јӱӱр кайкамчылу кӱчтер кӧргӱзип, Агару Тынды улуска Бойыныҥ табыла берген.

Еврейлерге 6:18

Сӧс лӧ черт берип турганда, Кудайдыҥ тӧгӱндеер аргазы јок. Бу кубулбас эки неме Кудайдаҥ корулаш бедиреп јӱрген бисти сӱрекей кооттоп јат. Анайып биске берилген ижемјидеҥ бек тудунып јадыбыс.

Иоанныҥ 1-кы самаразы 5:10

Кудайдыҥ Уулына бӱдеечи, бойында бойы керелӱ. Кудайга бӱтпей турганы, Оны тӧгӱнчи эдет, нениҥ учун дезе ол Кудай Бойыныҥ Уулын керелеген кереге бӱтпеген.

Иоанныҥ 1-кы самаразы 5:8

Јерде ӱчӱ керелейт: тын, суу ла кан. Ӱчӱлези бирӱни керелейт.