Иоанныҥ 1-кы самаразы 5:7 - Јаҥы Кереес

⁷ Теҥериде ӱчӱ керелейт: Ада, Сӧс лӧ Агару Тын. Бу ӱчӱниҥ учуры јаҥыс.

Иоанныҥ 1-кы самаразы 5:7 Iomraidhean Croise

Матфей 17:5

Ол мынайып айдып турганча, олорды јаркынду булут кӧлӧткӧлӧп, булуттаҥ эрмектенген ӱн угулды: – Бу Мениҥ сӱӱген Уулым, Оныҥ Бойында Мениҥ јакшылыкту табым. Оны угугар!

Матфей 18:16

Сӧзиҥди укпаза, кажы ла сӧс эки эмезе ӱч керечиниҥ сӧзиле лапталзын деп, база бир эмезе эки кижи алганча бар.

Матфей 28:19

Анайдарда, барыгар, ончо калыктарды ӱредигер. Олорды Аданыҥ, Уулыныҥ ла Агару Тынныҥ адыла крестеп,

Иоанн 1:1

Элдеҥ озо Сӧс болгон, Сӧс Кудайда болгон, Сӧс Кудай болгон.

Иоанн 10:30

Мен де, Ада да – јаҥыс.

Иоанн 12:28

Ада, адыҥды мактаткын! Теҥеридеҥ ӱн угулды: – Мактаттым, база да мактадарым!

Иоанн 14:17

Чындыктыҥ Тынын берер. Оны улус алынып болбос, нениҥ учун дезе Оны кӧрбӧй, билбей јат. Слер дезе Оны билеригер, Ол слерле јӱрӱп јат, слердиҥ бойыгарда болор ине.

Иоанн 15:26

Мен слерге Аданаҥ чыгып турган Чындык Тынды ийерим. Ол слердиҥ адаанаарды алып, слерге коот болуп, Мениҥ керечим болор.

Иоанн 5:26

Канайып Ада Бойында Бойы јӱрӱмдӱ, анайып Бойында Бойы јӱрӱмдӱ болорын Уулына да берген.

Иоанн 8:18

Мен Бойымды Бойым керелеп турум, Мени ийген Ада Мени база керелеп туру.

Иоанн 8:54

Иисус каруу јандырды: – Мен Бойымды Бойым мактап турган болзом, Мениҥ магым неге де бодолбос. Је Мени Адам мактап јат, Оны слер бойоордыҥ Кудайыгар дейдигер.

Апостолдордыҥ керектери 2:33

Ол Кудайдыҥ оҥ јанына кӧдӱрилген, Аданыҥ берер болгон Агару Тынын алала, эмди нени кӧрӱп, угуп турганыгарды јайаган.

Апостолдордыҥ керектери 5:32

Оныҥ керечилери – бис ле Ого сӧсуккур улуска Кудай берген Агару Тын.

Иоанныҥ 1-кы самаразы 1:1

Слерге бажынаҥ ала не болгонын, нени укканысты, бойыстыҥ кӧзибисле нени кӧргӧнисти, нени ајыктаганысты, колдорыс неге тийгенин – Јӱрӱмниҥ Сӧзи керегинде бичип турубыс.

Иоанныҥ 1-кы самаразы 5:6

Иисус Христос биске суу, кан ла Тын ажыра келген. Јаҥыс та суула эмес, је суула, канла. Онызын Тын керелейт, нениҥ учун дезе Тын – ол чындык.

Иоанныҥ 1-кы самаразы 5:8

Јерде ӱчӱ керелейт: тын, суу ла кан. Ӱчӱлези бирӱни керелейт.

Ачылта 19:13

Ол канла шиҥилген кийим кийген. Оныҥ ады-јолы – Кудайдыҥ Сӧзи.