Иоанныҥ 1-кы самаразы 5:4 - Јаҥы Кереес

⁴ нениҥ учун дезе Кудайдаҥ туулганы бу телекейдиҥ јаҥын јеҥет. Телекейдиҥ јаҥын јеҥген бу јеҥӱ, – бистиҥ бӱдӱмјибис.

Иоанныҥ 1-кы самаразы 5:4 Iomraidhean Croise

Иоанн 1:13

Олор каннаҥ туулган эмес, эт-канныҥ кӱӱнинеҥ эмес, эр кижиниҥ кӱӱнинеҥ эмес, Кудайдаҥ туулгандар.

Иоанн 16:33

Мениҥ Бойымда амырыгар болзын деп, мыны слерге айттым. Бу телекейдиҥ улузы ортодо кыстадып јӱреригер, је сӱрнӱкпегер: Мен телекейдиҥ јаҥын јеҥдим.

Иоанн 3:3

Иисус ого каруу јандырды: – Чынын, чынын айдадым сеге: ӧрӧртинеҥ туулбаган кижи, Кудайдыҥ Каандыгын кӧрӱп болбос.

1 Коринфтегилерге 15:57

Је Кудайга баш, Ол биске Иисус Христос Кайраканыс ажыра јеҥӱ берген.

Иоанныҥ 1-кы самаразы 2:29

Ол акту деп билер болзогор, чынды эдеечи не ле кижи Оныҥ Бойынаҥ туулганын билигер.

Иоанныҥ 1-кы самаразы 3:9

Кудайдаҥ туулган не ле кижи кинчек этпейт, нениҥ учун дезе Оныҥ ӱрени оныҥ бойында јӱрет. Ол кинчек эдип болбос, нениҥ учун дезе Кудайдаҥ туулган.

Иоанныҥ 1-кы самаразы 4:4

Слер Кудайдаҥ, балдар, олорды јеҥдигер, нениҥ учун дезе слердиҥ бойыгарда Јӱреечи, телекейде јӱргеннеҥ јаан.

Иоанныҥ 1-кы самаразы 5:1

Иисус – ол Христос деп бӱткен кажы ла кижи Кудайдаҥ туулган. Тууганды сӱӱген кижи, Оныҥ Бойынаҥ туулганды да сӱӱп турганы ол.

Иоанныҥ 1-кы самаразы 5:18

Бис билерис, Кудайдаҥ туулган кандый ла кижи кинчек этпей јат. Је Кудайдаҥ туулган кижи бойын чеберлеп јат, ого јаман тийбей јат.

Иоанныҥ 1-кы самаразы 5:5

Кем телекейдиҥ јаҥын јеҥет? Иисус – ол Кудайдыҥ Уулы деп бӱдӱп турган кижи телекейдиҥ јаҥын јеҥет.

Ачылта 12:11

Карындаштарыс оны Кураанныҥ каныла, бойыныҥ керезиниҥ сӧзиле јеҥгендер, бойлорыныҥ јӱрӱмин ӧлӧргӧ дӧ јетире сӱӱбегендер.

Ачылта 15:2

Отло колынган шил талайдый немени кӧрӱп ийгем. Аҥды, оныҥ сӱрин ле ады-јолыныҥ тоозын јеҥген улус Кудайдыҥ јадагандарын тудунганча, шил талайда турулар.

Ачылта 2:11

Тын серкпелерге нени айдып турганын кулакту кижи уксын: јеҥип турганы экинчи ӧлӱмнеҥ каршу албас».

Ачылта 2:17

Кулакту кижи уксын, Тын серкпелерге нени айдып турганын: јеҥип турганга јажытту манна јиирге берерим, база ак-таш, ташка бичилген јаҥы атла адаарым. Алып јатканнаҥ башка, ол атты кем де билбес».

Ачылта 2:26

Јеҥип, Мениҥ керектеримди учына јетире бӱдӱрип турган кижиге калыктардыҥ бажын билер јаҥ берерим.

Ачылта 2:7

Тын серкпелерге нени айдып турганын кулакту кижи уксын: јеҥип турганга Кудайдыҥ райында ӧзӱп турган јӱрӱм агажынаҥ јиирге берерим».

Ачылта 3:12

Јеҥип турганды Кудайымныҥ байзыҥында бакана эдерим, ол оноҥ база чыкпас. Ого Кудайымныҥ адын, Кудайымныҥ калазыныҥ – Кудайымнаҥ теҥеридеҥ тӱжӱп јаткан Иерусалимниҥ адын ла Мениҥ јаҥы адымды бичиирим.

Ачылта 3:21

Јеҥип турганды Мениле кожо ширееме отургузарым. Мен де јеҥип, Адамла кожо Оныҥ ширеезине отурып алгам.

Ачылта 3:5

Јеҥип турганы ак кийим кийер. Оныҥ ады-јолын јӱрӱм тӱрбегинеҥ кырбазым, Адам алдында ла Оныҥ ангелдери алдында оныҥ адын јарлаарым.