Иоанныҥ 1-кы самаразы 5:13 - Јаҥы Кереес

¹³ Слер ӱргӱлји јӱрӱмдӱ болгоныгарды билзин деп, мыны слерге, Кудайдыҥ Уулына бӱдӱп турган улуска, бичидим.

Иоанныҥ 1-кы самаразы 5:13 Iomraidhean Croise

Иоанн 1:12

Оны јуудып, Ого бӱткен улуска дезе Кудайдыҥ балдары болор јаҥ берген.

Иоанн 2:23

Ол Иерусалимде Пасха байрамда јӱрерде, Оныҥ јайаган билдилерин кӧрӧлӧ, кӧп улус Ого бӱтти.

Иоанн 20:31

Иисус – ол Христос, Кудайдыҥ Уулы болгонына слерди бӱтсин деп, Ого бӱделе, Оныҥ Бойында слерди јӱрӱмдӱ болзын деп, мыныҥ бичилгени бу.

Иоанн 21:24

Ол ӱренчик ончозын керелеп бичип койгоны бу. Оныҥ керелегени чын деп, билип турубыс.

Иоанн 3:18

Кудайга бӱткени јаргылатпас; бӱтпегени дезе, Оныҥ сок јаҥыс Уулына бӱтпегени учун, јаргылаткан.

Иоанн 5:24

Чынын, чынын айдадым слерге: Мениҥ сӧзимди угуп, Мени Ийгенге бӱткени, ӱргӱлји јӱрӱмдӱ. Ол јаргылатпас – ӧлӱмнеҥ јӱрӱмге кечкен.

Апостолдордыҥ керектери 3:16

Оныҥ адына бӱткенис учун слердиҥ кӧрӱп турган ла билер бу кижигер Оныҥ адыла бек-чыдым болуп калды. Ол ажыра Кудайга бӱткениле бу кижи су-кадык боло бергенин бастырагар кӧрдигер.

Апостолдордыҥ керектери 4:12

Улуска аргаданарга берилген ӧскӧ кемниҥ де ады-јолы теҥери алдында јок.

2 Коринфтегилерге 5:1

Бис билерис: јердеги айлы-јуртыбыс – чадырыс јемирилзе, бисте Кудайдаҥ айыл-јурт бар. Ол теҥериде, мӧҥкӱлик, ол кижиниҥ колыла тудулбаган.

Галаттарга 4:6

Слер Кудайдыҥ уулдары учун Ол јӱректереерге Уулыныҥ Тынын, «Авва! Ада!» деп кыйгыраачы Тынды, ийген.

Петрдыҥ 1-кы самаразы 5:12

Мыны Силуанныҥ болужыла бичидим. Мен оны чындык карындаш деп бодоп јадым. Кычыру эдип ле керелеп, Кудайдыҥ чын јакшылыгы не болгонын слерге кыскарта бичидим. Бу јакшылыкта болуп јӱригер.

Иоанныҥ 1-кы самаразы 1:4

Сӱӱнчигер толо болзын деп, мыны слерге бичип турганыс бу.

Иоанныҥ 1-кы самаразы 2:1

Балдарым! Слерди кинчек этпезин деп, мыны слерге бичип турум. Је кем кинчек эткен болзо, бисте Акту Иисус Христос бар. Ол Ада алдында бис учун сурап јат.

Иоанныҥ 1-кы самаразы 2:21

Слерге чындыкты билбегенигер учун бичиген эмезим, карын, слер оны билер учун, кандый да тӧгӱн чындыктаҥ болор аргазы јогын билип турганыгар учун бичидим.

Иоанныҥ 1-кы самаразы 2:25

Оныҥ биске берер болгоны – ол ӱргӱлји јӱрӱм.

Иоанныҥ 1-кы самаразы 2:26

Мыны слерди астырып турган улус керегинде слерге бичидим.

Иоанныҥ 1-кы самаразы 3:23

Оныҥ јакылтазы мындый: бис Оныҥ Уулына, Иисус Христоско, бӱдер учурлу, Оныҥ биске јакыганыла бой-бойыбыска карузыыр учурлу.

Иоанныҥ 1-кы самаразы 4:9

Ол ажыра бисти јӱрӱм алзын деп, Кудай телекейге Бойыныҥ сок јаҥыс Уулын ийген. Мынызыла Кудайдыҥ сӱӱжи бистиҥ бойыбыста ачылган.

Иоанныҥ 1-кы самаразы 5:10

Кудайдыҥ Уулына бӱдеечи, бойында бойы керелӱ. Кудайга бӱтпей турганы, Оны тӧгӱнчи эдет, нениҥ учун дезе ол Кудай Бойыныҥ Уулын керелеген кереге бӱтпеген.

Иоанныҥ 1-кы самаразы 5:11

Кере дезе Кудай биске ӱргӱлји јӱрӱм бергенинде, бу јӱрӱм – Оныҥ Уулында.

Иоанныҥ 1-кы самаразы 5:20

Бисти Чын Болгонды билип турзын деп, Кудайдыҥ Уулы келип, биске санаа бергенин, бис билерис. Бис – Чын Болгондо, Оныҥ Иисус Христос Уулында. Ол – чын Кудай ла ӱргӱлји јӱрӱм.