Иоанныҥ 1-кы самаразы 4:9 - Јаҥы Кереес

⁹ Ол ажыра бисти јӱрӱм алзын деп, Кудай телекейге Бойыныҥ сок јаҥыс Уулын ийген. Мынызыла Кудайдыҥ сӱӱжи бистиҥ бойыбыста ачылган.

Иоанныҥ 1-кы самаразы 4:9 Iomraidhean Croise

Марк 12:6

Ондо карузыган бир уулы бар болгон. «Олор уулымнаҥ уйалар» – деп айдып, эҥ калганчызында онызын да ийген.

Лука 4:18

«Кайраканныҥ Тыны – Менде. Ол Мени майлап, тӱреҥи улуска Сӱӱнчилӱ Јар јетирзин деп, кунугып, јӱреги сыстап јӱргендерди јассын деп, олјого киргендерге јайым керегинде, сокорлорго кӧстӧри јарыйтаны керегинде јарлазын деп ийген. Мени Ол базынчыкта јӱргендерди божотсын,

Иоанн 10:10

Уурчы јаҥыс уурдайын, ӧлтӱрейин ле јайрадайын деп келет. Мен дезе јӱрӱм берерге, артыктай берерге келгем.

Иоанн 14:6

Иисус каруу јандырды: – Мен – јол, чындык ла јӱрӱм. Мен ажыра келбегенче, Адага кем де келип болбос.

Иоанн 3:16

Ого бӱткен кажы ла кижи ӧлбӧй, ӱргӱлји јӱрӱмдӱ болзын деп, Кудай бу телекейдиҥ улузына карузыган учун сок јаҥыс Уулын берген.

Иоанн 3:18

Кудайга бӱткени јаргылатпас; бӱтпегени дезе, Оныҥ сок јаҥыс Уулына бӱтпегени учун, јаргылаткан.

Иоанн 6:29

Иисус каруу јандырды: – Кудайдыҥ кереги бат бу: Оныҥ Ийгенине бӱдигер.

Иоанн 6:51

Мен – теҥеридеҥ тӱшкен тирӱ калаш. Бу калаштаҥ јигени ӱргӱлји чакка эзен јӱрер. Мениҥ беретен калажым – Мениҥ эди-каным, оны бу телекейдиҥ улузыныҥ јӱрӱми учун берип јадым.

Иоанн 6:57

Мен, тирӱ Ада ийген Бойым, Адамныҥ Бойында тирӱ јӱрӱп јадым, анайып, Мениҥ эди-канымды јигени, Мениҥ Бойымда тирӱ јӱрер.

Иоанн 8:29

Мени Ийгени дезе Мениле кожо: Ол Мени јаҥыскандыра артырбады, нениҥ учун дезе Мен качан да болзо, Ого јараганыла эдип турум.

Иоанн 8:42

Иисус каруу јандырды: – Адагар слердиҥ Кудай болгон болзо, слер Мени сӱӱр эдигер, нениҥ учун дезе Мен Кудайдаҥ чыктым, келдим. Мен Бойымнаҥ Бойым келген эмезим, Мени Ол ийген.

Иоанн 9:3

– Ол до, ада-энези де кинчек этпеген – деп, Иисус каруу јандырды. – Је Кудайдыҥ керектери оныҥ бойында кӧрӱнзин деп, ол сокор туулган.

Римдегилерге 8:32

Ол Бойыныҥ Уулын килебей, ончобыс учун ӧлӱмге берип, Оныла кожо биске ончозын сыйлап бербес беди?

Еврейлерге 1:5

Кудай ангелдердиҥ кемизине качан-бир: «Сен – Мениҥ Уулым, Мен бӱгӱн Сени ак-јарыкка чыгардым» – деп айткан ба? База: «Мен Оныҥ Адазы болорым, Ол Мениҥ Уулым болор» – деп?

Иоанныҥ 1-кы самаразы 3:16

Ол бис учун Бойыныҥ јӱрӱмин бергенинеҥ сӱӱшти билип алганыс. Бис те тыныбысты карындаштар учун салар учурлу.

Иоанныҥ 1-кы самаразы 4:10

Сӱӱш дезе, Кудайды бис сӱӱгенисте эмес, је Ол бисти сӱӱп, бистиҥ кинчектерис учун јараштыраачы эдип Бойыныҥ Уулын ийгенинде.

Иоанныҥ 1-кы самаразы 4:16

Кудайдыҥ биске сӱӱжин билип алганыс, ого бӱткенис. Кудай – ол сӱӱш, сӱӱштиҥ бойында јӱреечи, Кудайдыҥ Бойында јӱрет, Кудай оныҥ бойында.

Иоанныҥ 1-кы самаразы 5:11

Кере дезе Кудай биске ӱргӱлји јӱрӱм бергенинде, бу јӱрӱм – Оныҥ Уулында.

Иоанныҥ 1-кы самаразы 5:13

Слер ӱргӱлји јӱрӱмдӱ болгоныгарды билзин деп, мыны слерге, Кудайдыҥ Уулына бӱдӱп турган улуска, бичидим.