Иоанныҥ 1-кы самаразы 4:7 - Јаҥы Кереес

⁷ Кару улузым! Бой-бойыбысты сӱӱйли, нениҥ учун дезе сӱӱш – Кудайдаҥ. Сӱӱп турган кажы ла кижи Кудайдаҥ туулган, ол Кудайды билер.

Иоанныҥ 1-кы самаразы 4:7 Iomraidhean Croise

Иоанн 13:34

Слерге јаҥы јакылта берип турум: бойы бойыгарга буурзап јӱригер. Мен слерге буурзагамдый, бойы бойыгарга буурзап јӱригер.

Иоанн 17:3

Ӱргӱлји јӱрӱм дезе – ол јаҥыс чын Кудай Бойыҥды, Сен ийген Иисус Христосты билери.

1 Коринфтегилерге 8:3

Кудайды сӱӱп турган кижи Кудайды билип алган.

2 Коринфтегилерге 4:6

«Караҥуйдаҥ јарык јаркындалзын» деп айткан Кудай јӱректеристи јарыдып, биске Христос ачкан Кудайдыҥ магын билип алар јарык берген.

Галаттарга 4:9

Эмди дезе Кудайды билеригер, чынынча айтса, Кудай слерди билип алган. Андый болзо, бу телекейди башкараачы кӱч јок ло тӱреҥи јасактарга не ойто бурыларга јадыгар, олорго бойыгарды ойто кулданышка берип јадыгар?

Галаттарга 5:22

Тыннаҥ туулганы: сӱӱш, сӱӱнчи, амыр, узакка чыдажыш, быйанзыш, буурзаш, бӱдӱмји,

2 Тимофейге 1:7

Кудай биске коркыйтанныҥ тынын эмес, кӱчтиҥ, сӱӱштиҥ ле бойын тудунарыныҥ тынын берген.

Петрдыҥ 1-кы самаразы 1:22

Слер карындаштарды ылгабай сӱӱрге, Тын ажыра чындыкка багып, тыныгарды арутадыгар. Бой-бойыгарды ару јӱрегеердеҥ јаантайын сӱӱгер.

Иоанныҥ 1-кы самаразы 2:10

Карындажын сӱӱп турганы, јарыкта јӱрет, оныҥ бойында бӱдӱрилер буудак јок.

Иоанныҥ 1-кы самаразы 2:29

Ол акту деп билер болзогор, чынды эдеечи не ле кижи Оныҥ Бойынаҥ туулганын билигер.

Иоанныҥ 1-кы самаразы 2:3

Оны билип алганысты Оныҥ јакылталарын чеберлеп јӱргенистеҥ кӧрӧдис.

Иоанныҥ 1-кы самаразы 2:4

«Оны билип алгам» деп айдып, јакылталарын чеберлебей турган кижи – тӧгӱнчи, оныҥ бойында чындык јок.

Иоанныҥ 1-кы самаразы 2:7

Кару улузым! Слерге јаҥы эмес, слерде бажынаҥ ала бар болгон јебрен јакылтаны бичип турум. Ол слерге бажынаҥ ала берилген. Бу јебрен јакылта – слер уккан сӧс.

Иоанныҥ 1-кы самаразы 3:9

Кудайдаҥ туулган не ле кижи кинчек этпейт, нениҥ учун дезе Оныҥ ӱрени оныҥ бойында јӱрет. Ол кинчек эдип болбос, нениҥ учун дезе Кудайдаҥ туулган.

Иоанныҥ 1-кы самаразы 4:11

Кару улузым! Кудай бисти анайда сӱӱп турган болзо, бис те бой-бойыбысты сӱӱр учурлу.

Иоанныҥ 1-кы самаразы 4:12

Кудайды кем де качан да кӧрбӧгӧн, је бис бой-бойыбысты сӱӱп јӱрген болзобыс, Кудай бистиҥ бойыбыста јӱрет, Оныҥ сӱӱжи бистиҥ бойыбыста толо кемине јеткен.

Иоанныҥ 1-кы самаразы 4:16

Кудайдыҥ биске сӱӱжин билип алганыс, ого бӱткенис. Кудай – ол сӱӱш, сӱӱштиҥ бойында јӱреечи, Кудайдыҥ Бойында јӱрет, Кудай оныҥ бойында.

Иоанныҥ 1-кы самаразы 4:20

«Мен Кудайды сӱӱп јадым» деп айдып, бойыныҥ карындажын јаман кӧрӱп турган кижи – тӧгӱнчи. Кӧрӱп турган карындажына карузыбазы, кӧрбӧй турган Кудайды сӱӱп болбос.

Иоанныҥ 1-кы самаразы 4:8

Сӱӱбей турганы, Кудайды билип албаган, нениҥ учун дезе Кудай – ол сӱӱш.

Иоанныҥ 1-кы самаразы 5:1

Иисус – ол Христос деп бӱткен кажы ла кижи Кудайдаҥ туулган. Тууганды сӱӱген кижи, Оныҥ Бойынаҥ туулганды да сӱӱп турганы ол.

Иоанныҥ 2-чи самаразы 1:5

Эмди сени сурап турум, абакай: бойы бойыбыска карузып јӱрели. Мен сеге јаҥы эмес, је озодоҥ бери болгон јакылтаны бичийдим.