Иоанныҥ 1-кы самаразы 4:14 - Јаҥы Кереес

¹⁴ Ада Уулын телекейдиҥ улузыныҥ Аргадаачызы эдип ийгенин бис кӧргӧнис, оны керелеп турубыс.

Иоанныҥ 1-кы самаразы 4:14 Iomraidhean Croise

Иоанн 1:14

Ол Сӧс кижи болуп калды, ортобыста јӱрди. Бис Оныҥ магын кӧрдибис, бу макты Ол Аданыҥ сок јаҥыс Уулы болуп алган. Ол јакшылыкла, чындыкла толо болгон.

Иоанн 1:29

Эртезинде Иоанн ого базып келеткен Иисусты кӧрӧлӧ, айтты: – Бу телекейдиҥ улузыныҥ кинчегин кедери алып јаткан Кудайдыҥ Курааны бу.

Иоанн 10:36

«Кудайды јамандап јадыҥ» деп, слер Меге айдып јадаар ба? «Мен – Кудайдыҥ Уулы» дегеним учун ба? Мени Ада агарулап, телекейге ийген.

Иоанн 12:47

Сӧзимди угала, бӱдӱрбеген кижини јаргылабазым. Мен бу телекейдиҥ улузын јаргылаарга келбеген инем, је олорды аргадаарга келгем.

Иоанн 3:11

Чынын, чынын айдадым сеге: бис нени билгенисти айдадыс, нени кӧргӧнисти керелейдис, слер дезе кере сӧзибисти јаратпай јадыгар.

Иоанн 3:32

Ол нени кӧргӧнин, нени укканын керелейт, је Оныҥ керелегенин јарадып турганы јок.

Иоанн 3:34

Кудайдыҥ ийгени, Кудайдыҥ сӧзин айдат. Кудай дезе Тынды кемјип беретен эмес.

Иоанн 4:42

Байагы ӱй кижиге дезе айттылар: – Эмди сениҥ сӧзиҥнеҥ улам бӱдӱп турган эмезис. Бис Оны бойыбыс уктыс, Ол чып ла чын бу телекейдиҥ улузын Аргадаачы, Христос деп билдис.

Иоанн 5:39

Слер Агару бичиктерди шиҥжӱлеп, олордоҥ ӱргӱлји јӱрӱмдӱ болорго сананып јадыгар. Олор дезе Мени керелеп турулар.

Апостолдордыҥ керектери 18:5

Македониядаҥ Сила ла Тимофей келерде, Павел тынга алдырып, Иисус – ол Христос деп, иудейлерге кереледи.

Петрдыҥ 1-кы самаразы 5:12

Мыны Силуанныҥ болужыла бичидим. Мен оны чындык карындаш деп бодоп јадым. Кычыру эдип ле керелеп, Кудайдыҥ чын јакшылыгы не болгонын слерге кыскарта бичидим. Бу јакшылыкта болуп јӱригер.

Иоанныҥ 1-кы самаразы 4:10

Сӱӱш дезе, Кудайды бис сӱӱгенисте эмес, је Ол бисти сӱӱп, бистиҥ кинчектерис учун јараштыраачы эдип Бойыныҥ Уулын ийгенинде.

Иоанныҥ 1-кы самаразы 5:9

Улустыҥ керезин јарадып турган болзобыс, Кудайдыҥ керези – јаан. Бат, Кудайдыҥ керези: Ол Бойыныҥ Уулын керелейт.