Иоанныҥ 1-кы самаразы 3:8 - Јаҥы Кереес

⁸ Кинчек эткен кижи – кӧрмӧстӧҥ, нениҥ учун дезе озо баштап кӧрмӧс кинчек эдет. Мыныҥ учун кӧрмӧстиҥ керектерин бузарга Кудайдыҥ Уулы ачылган.

Иоанныҥ 1-кы самаразы 3:8 Iomraidhean Croise

Матфей 12:28

Је шилемирлерди чыгара сӱрӱп турганым Кудайдыҥ Тынынаҥ болзо, слерге Кудайдыҥ Каандыгы јеткени ол туру.

Матфей 13:38

Кыра – бу телекей. Јакшы ӱрен – Каандыктыҥ уулдары. От ӧлӧҥ – кӧрмӧстиҥ уулдары,

Матфей 4:3

Ченеечи Ого базып келеле, айтты: – Сен Кудайдыҥ Уулы болзоҥ, бу таштарга калаш боло берзин деп айт.

Марк 1:24

– Сеге бистеҥ не керек болды, Назареттиҥ кижизи Иисус? Сен бисти ӧлтӱрерге келдиҥ бе? Кем болгоныҥды билер турум! Сен – Кудайдыҥ Агарузы.

Лука 10:18

Ол айтты: – Сатана јалкын чылап теҥеридеҥ келип тӱшкенин кӧрдим.

Иоанн 12:31

Эмди бу телекейдиҥ улузыныҥ јаргызы бӱдер, эмди бу телекейдиҥ кааны чыгара сӱрӱлер.

Иоанн 16:11

јаргы дегени – бу телекейдиҥ кааны бурузына турганы.

Иоанн 8:44

Слердиҥ адагар – кӧрмӧс, слер адагардыҥ кычазын бӱдӱрерге јадыгар. Алдынаҥ бери ол кижи ӧлтӱреечи болгон, чындыкка јайылбаган. Оныҥ бойында чындык јок ине. Тӧгӱнди айдып турган тушта бойындыйын айдат, нениҥ учун дезе ол тӧгӱнчи ле тӧгӱнниҥ адазы.

Римдегилерге 16:20

Амырдыҥ Кудайы саадабай будыгардыҥ алдына сатананы јыга бассын. Иисус Христос Кайраканыстыҥ јакшылыгы слерле кожо болзын! Аминь.

Ефестегилерге 2:2

Ол тушта олорго алдыртып, бу телекейдиҥ чӱм-јаҥдарыла јӱргенигер, кейде бийлеген башкараачыга бакканыгар. Ол – тын, ол эмди Кудайга удурлажып турган улустыҥ бойында иштейт.

Колоссыдагыларга серкпеге самаразы 2:15

Башталгалардыҥ ла ӧрӧги јаҥдардыҥ кӱчин айрып, олорды уйатка салып, јеҥгенин байрамдаган.

1 Тимофейге 3:16

Кудайга беринериниҥ јажыды кӧп керелелген: Кудай эт-канду келген, Тынныҥ Бойында акталган, ангелдерге кӧрӱлген, калыктарда јарлыкталган, телекейдиҥ улузы ортодо бӱткени ажыра јарадылган, макта кӧдӱрилген.

Еврейлерге 2:14

Бу балдар эттеҥ ле каннаҥ болгон учун, Иисус та олор чылап эттеҥ ле каннаҥ кижи боло берген. Ӧлӱмди бийлеген кӧрмӧсти Бойыныҥ ӧлӱми ажыра јоголтойын деп,

Еврейлерге 9:26

Оноҥ башка телекей јайалганынаҥ ала Ого кӧп катап кыйналарга келижер эди. Је Ол чактардыҥ учында Бойын тайып, кинчекти јоголтойын деп, бир ле катап јажына келген.

Петрдыҥ 2-чи самаразы 2:4

Кудай кинчек эткен ангелдерге де килебеген, олорды јаргыга јетире таамыныҥ карачкызына отургызып койгон.

Иоанныҥ 1-кы самаразы 1:2

Јӱрӱм ачыларда, бу ӱргӱлји Јӱрӱмди кӧргӧнис, Оны слерге керелеп ле јарлап турубыс. Ол Адада болгон, биске ачылган.

Иоанныҥ 1-кы самаразы 3:10

Кудайдыҥ балдары ла кӧрмӧстиҥ балдары мынайда танылып јат: чынды этпей, карындажына карузыбай турган кандый ла кижи – Кудайдаҥ эмес.

Иоанныҥ 1-кы самаразы 3:5

Ол бистиҥ кинчектеристи Бойына аларга ачылганын ла Оныҥ Бойында кинчек јогын слер билеригер.

Иоанныҥ 1-кы самаразы 5:19

Бис – Кудайдаҥ деп, бис билерис. Телекей дезе бӱткӱлинче јаманныҥ табында.

Иуданыҥ самаразы 1:6

Ол анайып ок баштаҥы айалгазын чеберлебей, јӱрген јерин таштап барган ангелдерди улу кӱнде јаргылаарга, карачкыда ӱргӱлјиге кӱлӱде тудуп јат.

Ачылта 20:10

Олорды астырган кӧрмӧс дезе отту ла кӱкӱрлӱ кӧлгӧ ташталган. Аҥ ла тӧгӱн јарлыкчы анда ок болгондор. Олор ончозы тӱни-тӱжи ӱргӱлји чакка кыйналар.

Ачылта 20:15

Јӱрӱмниҥ тӱрбегинде бичилбегени, отту кӧлгӧ ташталган.