Иоанныҥ 1-кы самаразы 3:24 - Јаҥы Кереес

²⁴ Оныҥ јакылталарын чеберлеечи, Оныҥ Бойында јӱрет. Кудай – ол кижиниҥ бойында. Ол бистиҥ бойыбыста јӱргенин, Ол биске берген Тыннаҥ билип аладыс.

Иоанныҥ 1-кы самаразы 3:24 Iomraidhean Croise

Иоанн 10:38

Онызын эдип турган болзом, Бойыма бӱтпес болзогор, эдип јӱргениме бӱдигер. Адам Мениҥ Бойымда деп, Мен де Оныҥ Бойында деп, ол тушта билип, бӱдеригер.

Иоанн 14:17

Чындыктыҥ Тынын берер. Оны улус алынып болбос, нениҥ учун дезе Оны кӧрбӧй, билбей јат. Слер дезе Оны билеригер, Ол слерле јӱрӱп јат, слердиҥ бойыгарда болор ине.

Иоанн 17:21

Ончозы јаҥыс болзын. Канайып Сен, Ада, Менде эдиҥ, Мен де Сенде, анайып олор до Бисте јаҥыс болзын, Мени ийгени Сен болгоныҥа бу телекейдиҥ улузы бӱтсин.

1 Коринфтегилерге 3:16

Слер – Кудайдыҥ байзыҥы деп, слердиҥ бойыгарда Кудайдыҥ Тыны јӱрӱ деп, билбейдигер бе?

1 Коринфтегилерге 6:19

Эди-каныгар – бойыгарда јӱрӱп турган ла слерге Кудайдаҥ берилген Агару Тынныҥ байзыҥы деп, билбей туругар эмеш пе? Слер бойыгардыйы эмес.

2 Коринфтегилерге 6:16

Кудайдыҥ байзыҥына чалулар келижер бе? Слер – тирӱ Кудайдыҥ байзыҥы, Кудайдыҥ мынайда айтканыла: «Мен слерге келип јуртай берерим, ортогордо јӱрерим. Мен слердиҥ Кудайыгар болорым, слер Мениҥ калыгым болорыгар».

1 Фессалоникадагыларга 4:8

Анайдарда, бакпай турган кижи, кижиге бакпай турган эмес, биске Бойыныҥ Агару Тынын берген Кудайга бакпай јат.

2 Тимофейге 1:14

Сеге ижемјилеген јакшыны бойыбыста јӱрген Агару Тынла чеберле.

Иоанныҥ 1-кы самаразы 2:24

Бажынаҥ ала уккан немегер слердиҥ бойыгарда јӱргей. Бажынаҥ ала уккан немегер слердиҥ бойыгарда јӱрзе, слер де Уулда ла Адада јӱреригер.

Иоанныҥ 1-кы самаразы 2:3

Оны билип алганысты Оныҥ јакылталарын чеберлеп јӱргенистеҥ кӧрӧдис.

Иоанныҥ 1-кы самаразы 2:5

Оныҥ сӧзин бӱдӱрип турган кижиниҥ бойында чын ла Кудайдыҥ сӱӱжи толо кемине јеткен. Бис Оныла бирлик деп, мынаҥ биледис.

Иоанныҥ 1-кы самаразы 2:6

Оныҥ Бойында јӱрӱп јадым дегени, Ол чылап эдер учурлу.

Иоанныҥ 1-кы самаразы 3:22

Нени де суразабыс, Оноҥ алып јадыбыс, нениҥ учун дезе, Оныҥ јакылталарын чеберлеп, Оныҥ алдында јараганды эдип јадыбыс.

Иоанныҥ 1-кы самаразы 4:7

Кару улузым! Бой-бойыбысты сӱӱйли, нениҥ учун дезе сӱӱш – Кудайдаҥ. Сӱӱп турган кажы ла кижи Кудайдаҥ туулган, ол Кудайды билер.