Иоанныҥ 1-кы самаразы 3:22 - Јаҥы Кереес

²² Нени де суразабыс, Оноҥ алып јадыбыс, нениҥ учун дезе, Оныҥ јакылталарын чеберлеп, Оныҥ алдында јараганды эдип јадыбыс.

Иоанныҥ 1-кы самаразы 3:22 Iomraidhean Croise

Матфей 17:5

Ол мынайып айдып турганча, олорды јаркынду булут кӧлӧткӧлӧп, булуттаҥ эрмектенген ӱн угулды: – Бу Мениҥ сӱӱген Уулым, Оныҥ Бойында Мениҥ јакшылыкту табым. Оны угугар!

Матфей 21:22

Мӱргип, бӱдӱп, нени де суразагар, аларыгар.

Марк 11:24

Оныҥ учун айдып турум слерге: мӱргип тура, нени де суразаар, сураганымды аларым деп бӱдигер, слерге андый ла болор.

Иоанн 14:13

Мениҥ адымда нени де суразагар, Ада Уулында макталсын деп, оныгарды бӱдӱрерим.

Иоанн 15:10

Мениҥ јакылталарымды бӱдӱрип јӱрер болзогор, Мениҥ сӱӱжимде јӱреригер. Анайып Мен де: Мен Адамныҥ јакылталарын бӱдӱрип, Оныҥ сӱӱжинде јӱрӱп јадым.

Иоанн 15:7

Слер Менде болуп турзагар, Мениҥ сӧзим слерде болуп турза, нени ле кӱӱнзеп турганыгарды сурагар, слерге болор.

Иоанн 6:29

Иисус каруу јандырды: – Кудайдыҥ кереги бат бу: Оныҥ Ийгенине бӱдигер.

Иоанн 8:29

Мени Ийгени дезе Мениле кожо: Ол Мени јаҥыскандыра артырбады, нениҥ учун дезе Мен качан да болзо, Ого јараганыла эдип турум.

Иоанн 9:31

Је бис билерис, Кудай кинчектӱлерди укпайтан, Кудайды тооп, Оныҥ кӱӱниле эдип јӱргендерди угуп јат.

Апостолдордыҥ керектери 17:30

Кудайды билбегенис учун Ол бисти бурулабай, эмди ончо улусты кайда ла кинчегин алынып, Ого баштанзын деп јакарат.

Апостолдордыҥ керектери 20:21

Кудайга баштанатаны, Иисус Христос Кайраканыска бӱдетени керегинде канайып иудейлерге, анайып еллиндерге де кереледим.

Филиппыдагыларга 4:18

Мен ончозын алгам, керек дезе артыктай. Слер Епафродитле меге керектӱзинеҥ кӧпти ийдигер, эмди менде ончозы бар. Слердиҥ сыйыгар – ол јараш јытту берӱ, Кудайга јараар тайылга.

Колоссыдагыларга серкпеге самаразы 1:10

ончозында Кудайга јараарыла эдип, Ого јарамык јӱргейигер, не ле быйанду керекте тӱжӱмдӱ болгойыгар, Кудайды билип аларында ӧзӱп тургайыгар.

Еврейлерге 13:21

слерди Бойыныҥ табын бӱдӱрзин деп, кандый ла јакшы керекте јепсеп, Иисус Христос ажыра Бойына јараарын слердиҥ бойыгарда јайазын. Ого элен-чактарга мак! Аминь.

Иаковтыҥ самаразы 1:5

Кемигерге ойгорлык јетпей турган болзо, ончо улуска тегинге, каарып айтпай берип турган Кудайдаҥ сурагажын, – ого берилер.

Иаковтыҥ самаразы 4:3

Сурап турганыгарда, албайдыгар, нениҥ учун дезе јакшыга эмес, соот-јыргалда кородорго болуп сурайдыгар.

Иаковтыҥ самаразы 5:16

Анайдарда, јазыларга, јаман кылынганаарды бой-бойыгар алдында айдып, бой-бойыгар учун мӱргигер. Акту кижиниҥ тыҥыдылган мӱргӱзи кӧпти эдер аргалу.

Иоанныҥ 1-кы самаразы 2:3

Оны билип алганысты Оныҥ јакылталарын чеберлеп јӱргенистеҥ кӧрӧдис.

Иоанныҥ 1-кы самаразы 5:14

Оныҥ алдында бисте бар бӱдӱмји – Оныҥ табыла нени суразабыс, Ол бисти угуп турганында.