Иоанныҥ 1-кы самаразы 3:16 - Јаҥы Кереес

¹⁶ Ол бис учун Бойыныҥ јӱрӱмин бергенинеҥ сӱӱшти билип алганыс. Бис те тыныбысты карындаштар учун салар учурлу.

Иоанныҥ 1-кы самаразы 3:16 Iomraidhean Croise

Матфей 20:28

Анайып ок Кижи Уулы улусты Ого јалчы болзын деп эмес, улуска јалчы болойын деп, кӧп улус учун Бойыныҥ јӱрӱмин берейин деп келген.

Иоанн 10:11

Мен – јакшы кӱдӱчи. Јакшы кӱдӱчи койлор учун бойыныҥ тынын салатан.

Иоанн 10:15

Ада Мени билгендий, Аданы Мен де билерим. Койлорым учун Мен тынымды салып турум.

Иоанн 13:34

Слерге јаҥы јакылта берип турум: бойы бойыгарга буурзап јӱригер. Мен слерге буурзагамдый, бойы бойыгарга буурзап јӱригер.

Иоанн 3:16

Ого бӱткен кажы ла кижи ӧлбӧй, ӱргӱлји јӱрӱмдӱ болзын деп, Кудай бу телекейдиҥ улузына карузыган учун сок јаҥыс Уулын берген.

Апостолдордыҥ керектери 20:28

Бойыгарды ла ончо ӱӱрди чеберлеп корыгар! Кӱдӱчилер ӱӱрин кичеегени чилеп, слер де Бойыныҥ каныла Ол јӧӧгӧн Кайраканныҥ ла Кудайдыҥ Серкпезин – Агару Тын слерди ондо јааны эдип туткан Серкпени кичеегер.

Римдегилерге 16:4

Олордыҥ јӱрӱми мен учун јеткердиҥ алдында болгон. Олорго јаҥыс та мен эмезим, је ӧскӧ калыктардыҥ ончо серкпелери быйанду.

Римдегилерге 5:8

Је Кудай биске карузып турганын кинчектӱ тужыбыста Христос бис учун ӧлгӧни ажыра кӧргӱзет.

2 Коринфтегилерге 4:12

Оныҥ учун ӧлӱм бистиҥ бойыбыста, јӱрӱм слердиҥ бойыгарда јӱрет.

Ефестегилерге 5:2

сӱӱште јӱригер. Анайып Христос то бисти сӱӱп, јараш јытту берӱ чилеп, Кудайга јараар тайылга чылап, бис учун Бойын берген.

Ефестегилерге 5:25

Эрлер, Христос Серкпени сӱӱгени чилеп, слер де ӱйлеригерди сӱӱгер. Оны Кудайдыҥ сӧзиле јунуп, арутап, Ого учурлайын деп, Ол Серкпе учун Бойын берген.

Филиппыдагыларга 2:17

Је мен слердиҥ тайылгага урулта чылап урулып, слердиҥ бӱдӱп, абыстап јӱргенигерге болужып турган болзом, сӱӱнип јадым, анайда ок ончогорло кожо сӱӱнип јадым.

Филиппыдагыларга 2:30

Бойыгар меге јетирип болбогон болушты јетирерге, ол Христостыҥ кереги учун ӧлӱмниҥ кырында, јӱрӱми јеткерде болгон ине.

1 Фессалоникадагыларга 2:8

Слерди анайда сӱӱп, слерге јаҥыс та Кудайдыҥ Сӱӱнчилӱ Јарын эмес, јӱрӱмисти де берерге белен болгоныс, нениҥ учун дезе биске кару болгоныгар.

Петрдыҥ 1-кы самаразы 1:18

Слерге адалардаҥ берилген сандырашту јӱрӱмнеҥ быртып калар мӧҥӱнле эмезе алтынла садылып алылбаганаарды,

Петрдыҥ 1-кы самаразы 2:24

Ол кинчектеристи Бойыныҥ эдинде Бойы керӱ агашка кӧдӱрип, бис кинчектердеҥ айрылып, чындыкта јӱрзин деп, кадап койгон.

Петрдыҥ 1-кы самаразы 3:18

Христос то бисти Кудайга экелерге, кинчектер учун, акту бойы, акту эместер учун бир катап ӱргӱлјиге ӧлгӧн. Ол эт-канла ӧлтӱрилген, тынла – тирилген.

Иоанныҥ 1-кы самаразы 2:6

Оныҥ Бойында јӱрӱп јадым дегени, Ол чылап эдер учурлу.

Иоанныҥ 1-кы самаразы 2:9

Бойын јарыкта деп айдып, карындажын јаман кӧргӧни, эмдиге јетире караҥуйда.

Ачылта 1:5

база чындык керечи, ӧлгӧндӧр ортодо баштапкы тирилген, јердеги каандардыҥ Башчызы Иисус Христостоҥ јакшылык ла амыр јетсин. Ол биске карузып јат, бисти Бойыныҥ каныла кинчектеристеҥ јунган.

Ачылта 5:9

Олор јаҥы сарын сарнап, айдып јадылар: «Сен тӱрбекти колго аларга ла оныҥ таҥмазын алып ийерге јарамык, нениҥ учун дезе, Сен сойылып, Бойыҥныҥ каныҥла кандый ла ӱйедеҥ, тилдеҥ, калыктаҥ ла уктаҥ улусты Кудайга садып алгаҥ.