Иоанныҥ 1-кы самаразы 3:10 - Јаҥы Кереес

¹⁰ Кудайдыҥ балдары ла кӧрмӧстиҥ балдары мынайда танылып јат: чынды этпей, карындажына карузыбай турган кандый ла кижи – Кудайдаҥ эмес.

Иоанныҥ 1-кы самаразы 3:10 Iomraidhean Croise

Матфей 13:38

Кыра – бу телекей. Јакшы ӱрен – Каандыктыҥ уулдары. От ӧлӧҥ – кӧрмӧстиҥ уулдары,

Лука 6:35

Је слер ӧштӱлеригерге карузып јӱригер, кайра аларым деп сакыбай, јакшыгарды јетиригер, тӧлӱге беригер. Ол тушта слерге улу кайрал болор, Ӧрӧ Турганныҥ уулдары болорыгар, нениҥ учун дезе Ол јакшызы јок то, јаман да улуска быйанзак.

Иоанн 1:12

Оны јуудып, Ого бӱткен улуска дезе Кудайдыҥ балдары болор јаҥ берген.

Иоанн 11:52

Јаҥыс та эл учун эмес, је Кудайдыҥ чачылып калган балдарын бир јерге јууп алары учун ӧлӧтӧнин.

Иоанн 8:44

Слердиҥ адагар – кӧрмӧс, слер адагардыҥ кычазын бӱдӱрерге јадыгар. Алдынаҥ бери ол кижи ӧлтӱреечи болгон, чындыкка јайылбаган. Оныҥ бойында чындык јок ине. Тӧгӱнди айдып турган тушта бойындыйын айдат, нениҥ учун дезе ол тӧгӱнчи ле тӧгӱнниҥ адазы.

Иоанн 8:47

Кудайдаҥ болгоны, Кудайдыҥ сӧзин угат. Кудайдаҥ эмес болгоныгар учун укпай јадыгар.

Апостолдордыҥ керектери 13:10

айтты: – Сен – кӧрмӧстиҥ уулы, кандый ла чынныҥ ӧштӱзи! Ичиҥ кандый ла куурмакла, кандый ла јаманла толгон. Кайраканныҥ кӧнӱ јолдорын мыйрыйтатанын токтодорыҥ ба?

Римдегилерге 13:8

Кемге де, нени де тӧлӱлӱ болбогор. Сок јаҥыс тӧлӱгер – ол бой-бойыгарды сӱӱйтен тӧлӱ болзын, нениҥ учун дезе ӧскӧ кижини сӱӱп турганы – Јасакты бӱдӱрген.

Ефестегилерге 5:1

Анайдарда, сӱӱген балдар чылап, Кудайга тӱҥейлежип,

Колоссыдагыларга серкпеге самаразы 3:14

Мыныҥ ончозыныҥ ӱстине бойыгарга сӱӱшти кийигер, сӱӱш ончозын толо кеминде бириктирет.

1 Тимофейге 1:5

Ол кычыруныҥ амадузы – акту јӱректеҥ, ару санаадаҥ ла экијӱстенбей бӱдӱп јӱреринеҥ табылган сӱӱш.

Иоанныҥ 1-кы самаразы 2:29

Ол акту деп билер болзогор, чынды эдеечи не ле кижи Оныҥ Бойынаҥ туулганын билигер.

Иоанныҥ 1-кы самаразы 3:1

Кудайдыҥ балдары деп адаларга Адабыс биске кандый сӱӱш бергенин кӧригер. Бис чындаптаҥ Кудайдыҥ балдары. Бу телекейдиҥ улузы Оны билип албаган учун бисти билбес.

Иоанныҥ 1-кы самаразы 3:2

Кару улузым! Бис эмди Кудайдыҥ балдары. Је кандый болорыс, эм тура ачылгалак. Христос ачылза, Ого тӱҥей болорысты билерис, нениҥ учун дезе Ол кандый болгонын кӧрӱп ийерис.

Иоанныҥ 1-кы самаразы 4:21

Мындый јакылтаны Оноҥ алганыс: Кудайды сӱӱп јӱргени, бойыныҥ карындажына да карузып јӱрзин.

Иоанныҥ 1-кы самаразы 4:6

Бис Кудайдаҥ: Кудайды билери бисти угат, Кудайдаҥ эмези бисти укпайт. Мынаҥ бис чындыктыҥ тынын ла азыштыҥ тынын таныйдыс.

Иоанныҥ 1-кы самаразы 4:8

Сӱӱбей турганы, Кудайды билип албаган, нениҥ учун дезе Кудай – ол сӱӱш.

Иоанныҥ 1-кы самаразы 5:19

Бис – Кудайдаҥ деп, бис билерис. Телекей дезе бӱткӱлинче јаманныҥ табында.

Иоанныҥ 1-кы самаразы 5:2

Кудайдыҥ балдарын сӱӱп турганысты мынаҥ биледис: Кудайды сӱӱп, Оныҥ јакылталарын бӱдӱрип јӱрзебис.

Иоанныҥ 3-чи самаразы 1:11

Кару карындаш! Јаманга эмес, јакшыга тӱҥейлеш. Кем јакшыны эткен – Кудайдаҥ. Јаман эдеечи кижи – Кудайды кӧрбӧгӧн.