Иоанныҥ 1-кы самаразы 2:6 - Јаҥы Кереес

⁶ Оныҥ Бойында јӱрӱп јадым дегени, Ол чылап эдер учурлу.

Иоанныҥ 1-кы самаразы 2:6 Iomraidhean Croise

Матфей 11:29

Мен берер комутты бойыгарга кийип, Менеҥ ӱренигер, Мен јобош ло улуркабас јӱректӱ инем. Ол тушта јулагарга амыр табарыгар.

Иоанн 13:15

Слерди Мениҥ эткенимнеҥ кӧрӱже эдип турзын деп, слерге јозок кӧргӱстим.

Иоанн 15:10

Мениҥ јакылталарымды бӱдӱрип јӱрер болзогор, Мениҥ сӱӱжимде јӱреригер. Анайып Мен де: Мен Адамныҥ јакылталарын бӱдӱрип, Оныҥ сӱӱжинде јӱрӱп јадым.

1 Коринфтегилерге 11:1

Христостоҥ тем алып турганым чылап, менеҥ тем алыгар.

Ефестегилерге 5:2

сӱӱште јӱригер. Анайып Христос то бисти сӱӱп, јараш јытту берӱ чилеп, Кудайга јараар тайылга чылап, бис учун Бойын берген.

Петрдыҥ 1-кы самаразы 2:21

Слер бого кычырылганыгар. Христос бисти Оныҥ изиле барзын деп, биске тем артырып, бис учун шыралаган.

Иоанныҥ 1-кы самаразы 2:28

Анайдарда, балдар, Оныҥ Бойында болуп јӱригер. Ол келзе, бисте бӱдӱмји болор, Оныҥ келген кӱнинде Оныҥ алдында уйатка тӱшпезис.

Иоанныҥ 1-кы самаразы 2:4

«Оны билип алгам» деп айдып, јакылталарын чеберлебей турган кижи – тӧгӱнчи, оныҥ бойында чындык јок.

Иоанныҥ 1-кы самаразы 3:24

Оныҥ јакылталарын чеберлеечи, Оныҥ Бойында јӱрет. Кудай – ол кижиниҥ бойында. Ол бистиҥ бойыбыста јӱргенин, Ол биске берген Тыннаҥ билип аладыс.

Иоанныҥ 1-кы самаразы 3:6

Оныла бирлик јӱреечи кандый ла кижи кинчек этпейт. Кинчек эдеечи кажы ла кижи Оны кӧрбӧгӧн, Оны билип албаган.

Иоанныҥ 1-кы самаразы 4:17

Бу ажыра сӱӱш бистиҥ бойыбыста бӱткен. Јаргыныҥ кӱнинде бӱдӱмјилӱ болорыс, нениҥ учун дезе Ол кандый, бу телекейде бис те андый.