Иоанныҥ 1-кы самаразы 2:23 - Јаҥы Кереес

²³ Уулды јаратпай турган не ле кижиде Ада да јок. Уулды јарадаачыда Ада да бар.

Иоанныҥ 1-кы самаразы 2:23 Iomraidhean Croise

Матфей 11:27

Ончозы Меге Адамнаҥ берилген. Уулын кем де билбес, јаҥыс Адазы билер, Адазын да кем де билбес, јаҥыс Уулы билер. Уулы Адазын кемге ачар кӱӱндӱ, Оны ол кижи билер.

Лука 10:22

– Оноҥ ӱренчиктерине баштанып, айтты: – Ончозы Меге Адамнаҥ берилген. Уулы кем болгонын Адазынаҥ ӧскӧ кем де билбес, Уулынаҥ ӧскӧ Адазы кем болгонын кем де билбес, анайда ок Уулы кемге ачар кӱӱндӱ, ол билер.

Иоанн 10:30

Мен де, Ада да – јаҥыс.

Иоанн 16:3

Аданы да, Мени де билбегени учун анайда кылынгылаар.

Иоанн 17:3

Ӱргӱлји јӱрӱм дезе – ол јаҥыс чын Кудай Бойыҥды, Сен ийген Иисус Христосты билери.

Иоанн 8:19

– Сениҥ Адаҥ кайда? – деп, олор сурадылар. – Слер Мени де, Адамды да билбезигер – деп, Иисус каруу јандырды. – Слер Мени билген болзогор, Адамды да билер эдигер.

Иоанныҥ 1-кы самаразы 2:22

Кем тӧгӱнчи? Иисус ол Христос болгонын јаратпай турганы. Ол – Аданы ла Уулды јаратпай турган антихрист.

Иоанныҥ 1-кы самаразы 4:15

Иисус – ол Кудайдыҥ Уулы деп јарадып турган кижиниҥ бойында Кудай јӱрет, ол Кудайдыҥ Бойында.

Иоанныҥ 1-кы самаразы 4:2

Кудайдыҥ Тынын мынайда билип аларыгар: эт-канла келген Иисус Христосты јарадып турган кандый ла тын – Кудайдаҥ.

Иоанныҥ 1-кы самаразы 5:1

Иисус – ол Христос деп бӱткен кажы ла кижи Кудайдаҥ туулган. Тууганды сӱӱген кижи, Оныҥ Бойынаҥ туулганды да сӱӱп турганы ол.

Иоанныҥ 1-кы самаразы 5:20

Бисти Чын Болгонды билип турзын деп, Кудайдыҥ Уулы келип, биске санаа бергенин, бис билерис. Бис – Чын Болгондо, Оныҥ Иисус Христос Уулында. Ол – чын Кудай ла ӱргӱлји јӱрӱм.