Иоанныҥ 1-кы самаразы 2:2 - Јаҥы Кереес

² Ол Бойы – бистиҥ кинчектерис учун, јаҥыс та бистийи эмес, бастыра телекейдиҥ улузыныҥ да кинчектери учун Кудайла јараштыраачы болот.

Иоанныҥ 1-кы самаразы 2:2 Iomraidhean Croise

Лука 14:22

Кул келип, айткан: «Бийим, јакаруҥды бӱдӱрип койдым, эмди де јер бар».

Иоанн 1:29

Эртезинде Иоанн ого базып келеткен Иисусты кӧрӧлӧ, айтты: – Бу телекейдиҥ улузыныҥ кинчегин кедери алып јаткан Кудайдыҥ Курааны бу.

Иоанн 12:32

Мен јердеҥ кӧдӱрилзем, ончозын Бойыма тартып аларым.

Иоанн 4:42

Байагы ӱй кижиге дезе айттылар: – Эмди сениҥ сӧзиҥнеҥ улам бӱдӱп турган эмезис. Бис Оны бойыбыс уктыс, Ол чып ла чын бу телекейдиҥ улузын Аргадаачы, Христос деп билдис.

Еврейлерге 2:17

Оныҥ учун Ол ончозында карындаштарга тӱҥейлежер учурлу болгон. Анайып Ол Кудайдыҥ алдында буурзак ла чындык Улу абыс боло берип, калыктыҥ кинчектери учун Ого јарайтан тайылга эдер аргалу болгон.

Петрдыҥ 1-кы самаразы 2:24

Ол кинчектеристи Бойыныҥ эдинде Бойы керӱ агашка кӧдӱрип, бис кинчектердеҥ айрылып, чындыкта јӱрзин деп, кадап койгон.

Петрдыҥ 1-кы самаразы 3:18

Христос то бисти Кудайга экелерге, кинчектер учун, акту бойы, акту эместер учун бир катап ӱргӱлјиге ӧлгӧн. Ол эт-канла ӧлтӱрилген, тынла – тирилген.

Иоанныҥ 1-кы самаразы 1:7

Ол јарыкта јӱргени чилеп, јарыкта базып јӱрген болзобыс, бойы бойыбысла бирлик болгоныс ол. Анайып, Оныҥ Иисус Христос Уулыныҥ каны бисти кандый ла кинчектеҥ арутайт.

Иоанныҥ 1-кы самаразы 3:5

Ол бистиҥ кинчектеристи Бойына аларга ачылганын ла Оныҥ Бойында кинчек јогын слер билеригер.

Иоанныҥ 1-кы самаразы 4:10

Сӱӱш дезе, Кудайды бис сӱӱгенисте эмес, је Ол бисти сӱӱп, бистиҥ кинчектерис учун јараштыраачы эдип Бойыныҥ Уулын ийгенинде.

Иоанныҥ 1-кы самаразы 4:14

Ада Уулын телекейдиҥ улузыныҥ Аргадаачызы эдип ийгенин бис кӧргӧнис, оны керелеп турубыс.

Иоанныҥ 1-кы самаразы 5:19

Бис – Кудайдаҥ деп, бис билерис. Телекей дезе бӱткӱлинче јаманныҥ табында.

Ачылта 12:9

Кӧрмӧс лӧ сатана деп адалаачы, бастыра телекейди мекелеечи јаан јелбеген, јебрен јылан, тӧмӧн ташталган. Ол јерге ташталган, ангелдери кожо ташталгандар.