Иоанныҥ 1-кы самаразы 2:10 - Јаҥы Кереес

¹⁰ Карындажын сӱӱп турганы, јарыкта јӱрет, оныҥ бойында бӱдӱрилер буудак јок.

Иоанныҥ 1-кы самаразы 2:10 Iomraidhean Croise

Матфей 13:21

Је ол бойында тазыл јок, турумкай эмес. Сӧс учун ачу келгежин эмезе истежӱ болгожын, бу тарый јана тӱжет.

Матфей 18:7

Јаманга баштаачы немелердеҥ бу телекейдиҥ улузына ачу-корон! Јаманга башташ болбогончо калбас, је кем ажыра јаманга башташ келип јат, ого ачу-корон!

Иоанн 11:9

Иисус олорго айтты: – Тӱште он эки саат эмес беди? Тӱште јӱргени, бу телекейдиҥ јарыгын кӧрӱп тура, бӱдӱрилбейт.

Иоанн 12:35

Иисус айтты: – Јарык слерле база бир эмеш ӧйгӧ болор. Слерди караҥуй туй албазын деп, јарыкту тужыгарда базып јӱригер. Караҥуйда јӱргени, кайдаар барып јатканын билбес ине.

Иоанн 8:31

Иисус Бойына бӱткен иудейлерге айтты: – Мениҥ сӧзимнеҥ чыкпай јӱрзегер, чын Мениҥ ӱренчиктерим болгоныгар ол.

Римдегилерге 14:13

Оныҥ учун бойы бойыбысты јаргылабайлы. Карын, карындажыска бӱдӱрилер эмезе јыгылар шылтак болбойлы деп сананыгар.

Петрдыҥ 2-чи самаразы 1:10

Оныҥ учун, карындаштар, слерди Кудай кычырып ла талдап алганын јӱрӱмде кӧргӱзерге кичеенигер. Анайда эдип, качан да бӱдӱрилбезигер.

Иоанныҥ 1-кы самаразы 2:11

Карындажын јаман кӧргӧни – карачкыда, ол карачкыда базып јӱрет, кайдаар барып јатканын билбейт, нениҥ учун дезе карачкы оныҥ кӧзин сокорткон.

Иоанныҥ 1-кы самаразы 3:14

Ӧлӱмнеҥ јӱрӱмге кечкенисти бис билерис, нениҥ учун дезе карындаштарга карузып јадыбыс. Карындажына карузыбай турганы, ӧлӱмде јӱрет.