Иоанныҥ 1-кы самаразы 1:7 - Јаҥы Кереес

⁷ Ол јарыкта јӱргени чилеп, јарыкта базып јӱрген болзобыс, бойы бойыбысла бирлик болгоныс ол. Анайып, Оныҥ Иисус Христос Уулыныҥ каны бисти кандый ла кинчектеҥ арутайт.

Иоанныҥ 1-кы самаразы 1:7 Iomraidhean Croise

Матфей 6:12

Биске тӧлӱлӱ улустаҥ канайып некебейдис, бистиҥ де тӧлӱлеристи некебе.

Иоанн 1:29

Эртезинде Иоанн ого базып келеткен Иисусты кӧрӧлӧ, айтты: – Бу телекейдиҥ улузыныҥ кинчегин кедери алып јаткан Кудайдыҥ Курааны бу.

Иоанн 12:35

Иисус айтты: – Јарык слерле база бир эмеш ӧйгӧ болор. Слерди караҥуй туй албазын деп, јарыкту тужыгарда базып јӱригер. Караҥуйда јӱргени, кайдаар барып јатканын билбес ине.

Иоанн 5:4

Кудайдыҥ ангели дезе, кезик аразында байагы сууга тӱжӱп, чайбалтып турган. Суу чайбалза, ого озолоп киргени кандый да оорудаҥ јазылатан болгон.

Римдегилерге 13:12

Тӱн ӧдӱп калды, тӱш јууктап келди. Анайдарда, караҥуйдыҥ керектерин таштап, јарыктыҥ мылтык-јепселин кийели.

1 Коринфтегилерге 6:11

Слердиҥ кезигер андый болгон. Је Иисус Христос Кайраканныҥ адыла, Кудайыстыҥ Тыныла аруталдыгар, бойыгарды Кудайга агаруладыгар, акталдыгар.

Ефестегилерге 1:7

Оныҥ Бойында ла Оныҥ каны ажыра биске јайым берилген, кинчектерис ташталган. Кудай мыны Бойыныҥ јакшылыгыныҥ байлыгыла эткен.

Ефестегилерге 5:8

Слер качан да караҥуй болгон эдигер, эмди слер – Кайраканныҥ Бойындагы јарык. Андый болгондо, јарыктыҥ балдары чылап јӱригер.

1 Тимофейге 6:16

Јаҥыс Ол ӧлбӧс; Ол кем де кирип болбос јарыкта јӱрет. Оны улустыҥ кемизи де кӧрбӧгӧн, кӧрӱп те болбос. Ого ӱргӱлјиге кӱндӱӱ ле кӱч! Аминь.

Титке 2:14

Бисти кандый ла јарамастаҥ айрыйын деп, јакшы керектер эдерге јӱткип турган талдама калыкты Бойына арутап алайын деп, Ол Бойын бис учун берген.

Еврейлерге 9:14

Је Христостыҥ каны мынаҥ кӧпти эдет. Ол Агару Тын ажыра Бойын Кудайга јек јок тайылга эдип берген. Оныҥ каны санаабысты ӧлӱмге экелеечи керектердеҥ арутаар. Анайып тирӱ ле чындык Кудайга бажырып јӱрер аргалу болорыс.

Иаковтыҥ самаразы 1:17

Кандый ла јакшы сый, кандый ла толо кемдӱ јайалта ӧрӧртинеҥ, јарыктыҥ Адазынаҥ келет. Ол кубулбайт, Ондо кубултаныҥ кӧлӧткӧзи јок.

Петрдыҥ 1-кы самаразы 1:19

карын, јек јок ло ару кураан ошкош Христостыҥ баалу каныла садылып алылганыгарды билип јадыгар.

Иоанныҥ 1-кы самаразы 1:3

Нени кӧргӧнисти ле укканысты слерге де јарлап, слер де бисле бирлик болзын деп турубыс. Бис Адабысла, Оныҥ Уулы Иисус Христосло бирлик.

Иоанныҥ 1-кы самаразы 1:5

Је бат, Оноҥ угала, эмди слерге јарлап турган Јар: Кудай – ол јарык, Оныҥ Бойында кандый да караҥуй јок.

Иоанныҥ 1-кы самаразы 5:6

Иисус Христос биске суу, кан ла Тын ажыра келген. Јаҥыс та суула эмес, је суула, канла. Онызын Тын керелейт, нениҥ учун дезе Тын – ол чындык.

Иоанныҥ 1-кы самаразы 5:8

Јерде ӱчӱ керелейт: тын, суу ла кан. Ӱчӱлези бирӱни керелейт.

Иоанныҥ 2-чи самаразы 1:4

Биске Ада берген јакылтала чындыктыҥ јолында базып јӱргендерди балдарыҥ ортодо тапканыма сӱреен сӱӱндим.

Иоанныҥ 3-чи самаразы 1:4

Балдарым чындыкта базып јӱргендерин угарынаҥ јаан сӱӱнчи менде јок.

Ачылта 1:5

база чындык керечи, ӧлгӧндӧр ортодо баштапкы тирилген, јердеги каандардыҥ Башчызы Иисус Христостоҥ јакшылык ла амыр јетсин. Ол биске карузып јат, бисти Бойыныҥ каныла кинчектеристеҥ јунган.

Ачылта 12:11

Карындаштарыс оны Кураанныҥ каныла, бойыныҥ керезиниҥ сӧзиле јеҥгендер, бойлорыныҥ јӱрӱмин ӧлӧргӧ дӧ јетире сӱӱбегендер.

Ачылта 7:14

– Сен билериҥ, бийим – дегем. Ол меге айткан: – Улу ачу-коронноҥ келген улус бу. Олор кийимин јунуп, Кураанныҥ каныла ак эткендер.