Иоанныҥ 1-кы самаразы 1:3 - Јаҥы Кереес

³ Нени кӧргӧнисти ле укканысты слерге де јарлап, слер де бисле бирлик болзын деп турубыс. Бис Адабысла, Оныҥ Уулы Иисус Христосло бирлик.

Иоанныҥ 1-кы самаразы 1:3 Iomraidhean Croise

Иоанн 17:11

Эмди Мен телекейде эмезим, олор дезе, телекейде. Мен Сеге барып јадым. Агару Ада! Сениҥ Меге бергендериҥди Бойыҥа болуп чеберле. Бис бир болуп тургандый, олор до бирдий болзын.

Иоанн 17:21

Ончозы јаҥыс болзын. Канайып Сен, Ада, Менде эдиҥ, Мен де Сенде, анайып олор до Бисте јаҥыс болзын, Мени ийгени Сен болгоныҥа бу телекейдиҥ улузы бӱтсин.

Иоанн 17:25

Чындык Ада! Бу телекейдиҥ улузы Сени билип албады, Мен дезе Сени билдим, Мени ийгени Сен деп, булар да билип алдылар.

Иоанн 17:3

Ӱргӱлји јӱрӱм дезе – ол јаҥыс чын Кудай Бойыҥды, Сен ийген Иисус Христосты билери.

Иоанн 19:35

Мыны кӧргӧн кижи керелеген, оныҥ керелегени чын. Чынды айдып турганын ол билер, слерди де бӱтсин деп айткан.

Апостолдордыҥ керектери 13:32

Бис слерге Сӱӱнчилӱ Јар айдып турубыс: Кудай Иисусты тиргизеле, ада-ӧбӧкӧлӧргӧ берген сӧзин биске, балдарына, бӱдӱрген,

Апостолдордыҥ керектери 13:41

«Кудайдыҥ ӱнин укпастар! Кӧригер, кайкагар, јоголып-тайылып калыгар, нениҥ учун дезе слердиҥ кӱндеригерде Мен керек эдип јадым, кем ол керегинде слерге айткан болзо, бӱтпес эдигер».

Апостолдордыҥ керектери 2:42

Олор јаантайын апостолдордыҥ ӱредӱзин угуп, бирлик болуп, калаш сындырып, мӱргип, кожо болгондор.

Апостолдордыҥ керектери 20:27

нениҥ учун дезе, бир де јажырбай, Кудайдыҥ амадузын слерге јарлыктагам.

Апостолдордыҥ керектери 4:20

Нени кӧргӧнисти ле нени укканысты айтпас аргабыс јок.

Римдегилерге 15:27

Мыны бойлоры эдерге кӱӱнзегендер. Је олор мыны эдер учурлу болгон. Иудейлер Тыннаҥ берилген байлыкла ӧскӧ калыктарла ӱлешкен болзо, ӧскӧ калыктар олорго јердеги байлыкла болужар учурлу.

1 Коринфтегилерге 1:30

Оныҥ шылтузында слер де Христос Иисустыҥ Бойында јӱрӱп јадыгар. Оны Кудай ойгорлыгыс эткен, Ол ажыра бисти акту, агару эткен, јайымдаган.

1 Коринфтегилерге 1:9

Кудай чындык, Ол слерди Бойыныҥ Уулы Иисус Христос Кайраканысла бирлик болзын деп кычырган.

1 Коринфтегилерге 15:1

Мен слерге јарлаган Сӱӱнчилӱ Јарды эске алындырып турум, карындаштар. Оны слер алдыгар, ондо бек туруп јадыгар.

Ефестегилерге 3:6

Ончо калыктар да бир эт-канныҥ ӱйези боло берип, ол ок энчини алзын деп, Сӱӱнчилӱ Јарда Иисус Христос ажыра Кудай берген сӧс олордыйы да боло берзин деп, бу јажытты ачканы ол.

Филиппыдагыларга 1:7

Ончогор керегинде санааларым андый ла болор учурлу, нениҥ учун дезе слер мениҥ јӱрегимде. Кижендӱ де тужымда, Сӱӱнчилӱ Јарды корып, оныҥ чынын кӧргӱзип те тургамда, меге Кудай берген јакшылыкты алып јадыгар.

Филиппыдагыларга 2:1

Анайдарда, слерде Христостыҥ Бойында кӧкӱдӱ бар болзо, сӱӱштеҥ токынал бар болзо, Агару Тынла бирлик бар болзо, быйанзыш ла буурзаш бар болзо,

Филиппыдагыларга 3:10

Христостыҥ кыйынын ӱлежип, Ол ӧлгӧни чилеп ӧлӱп, Оныҥ Бойын, Оны тиргискен кӱчти билип аларга кӱӱнзеп,

Колоссыдагыларга серкпеге самаразы 1:13

Ол бисти карачкыныҥ бийлежинеҥ јайымдап, Бойыныҥ карузыган Уулыныҥ Каандыгына кӧчӱрген.

1 Фессалоникадагыларга 1:10

теҥеридеҥ Оныҥ Уулын, тиргизилген Иисусты сакып турганыгарды. Ол бисти келип јаткан чугулдаҥ айрып јат.

1 Тимофейге 6:2

Бӱдӱп турган бийлерлӱ кулдар бийлерин немеге бодобой калбазын, олор – карындаштар. Карын, олорго там кичеенип иштезин, нениҥ учун дезе олор бӱдет, олорго Кудай карузыйт, бойлорын быйанду керектерге учурлагандар. Бого ӱредип, бӱдӱмјиле.

Еврейлерге 2:12

айдат: «Ады-јолыҥды карындаштарыма јарлаарым, серкпе ортодо Сени мактап сарнаарым».

Еврейлерге 3:1

Анайдарда, агару карындаштар, Кудайдыҥ кычырузына каруу эдип, теҥеридеги јӱрӱмде туружа бердигер. Оныҥ учун Иисус Христос керегинде лаптап сананып кӧригер. Ол – Кудайдыҥ Элчизи ле Улу абыс. Ол керегинде јӱрӱмисле керелеп турубыс.

Еврейлерге 3:14

Баштап алган јӱрӱмисти бу бойынча учына јетире бек чеберлеп турзабыс, бис Христосло бирлик болорыс.

Петрдыҥ 1-кы самаразы 5:1

Анайдарда, мен, серкпениҥ јааны бойым, Христостыҥ шыразыныҥ керечизи ле ачылатан макта туружаачы кижи, слердиҥ јаандарыгарга баштанып турум:

Петрдыҥ 2-чи самаразы 1:16

Иисус Христос Кайраканыстыҥ кӱчин ле келгенин јарлап, слерге сананып тапкан чӱмдӱ куучындар айтпадыс ине, је бис Оныҥ улу учурын бойыстыҥ кӧзисле кӧрдис.

Иоанныҥ 1-кы самаразы 1:1

Слерге бажынаҥ ала не болгонын, нени укканысты, бойыстыҥ кӧзибисле нени кӧргӧнисти, нени ајыктаганысты, колдорыс неге тийгенин – Јӱрӱмниҥ Сӧзи керегинде бичип турубыс.

Иоанныҥ 1-кы самаразы 1:5

Је бат, Оноҥ угала, эмди слерге јарлап турган Јар: Кудай – ол јарык, Оныҥ Бойында кандый да караҥуй јок.

Иоанныҥ 1-кы самаразы 1:7

Ол јарыкта јӱргени чилеп, јарыкта базып јӱрген болзобыс, бойы бойыбысла бирлик болгоныс ол. Анайып, Оныҥ Иисус Христос Уулыныҥ каны бисти кандый ла кинчектеҥ арутайт.