Иоанныҥ 1-кы самаразы 1:2 - Јаҥы Кереес

² Јӱрӱм ачыларда, бу ӱргӱлји Јӱрӱмди кӧргӧнис, Оны слерге керелеп ле јарлап турубыс. Ол Адада болгон, биске ачылган.

Иоанныҥ 1-кы самаразы 1:2 Iomraidhean Croise

Иоанн 1:18

Кудайды кем де, качан да кӧрбӧгӧн. Оны биске Аданыҥ ӧзӧгинде јӱреечи сок јаҥыс Уулы ачкан.

Иоанн 1:4

Оныҥ Бойында јӱрӱм болгон, ол јӱрӱм улуска јарык болгон.

Иоанн 10:28

Олорго Мен ӱргӱлји јӱрӱм берип јадым, олор ӱргӱлјиге ӧлбӧс, Мениҥ колымнаҥ олорды кем де блаап албас.

Иоанн 14:6

Иисус каруу јандырды: – Мен – јол, чындык ла јӱрӱм. Мен ажыра келбегенче, Адага кем де келип болбос.

Иоанн 15:27

Башкыдаҥ ала Мениле кожо јӱрген слер де Мени керелеп јӱреригер.

Иоанн 16:28

Мен Аданаҥ чыгып, јер-телекейге келдим, эмди јер-телекейди ойто артырып, Адама барып јадым.

Иоанн 17:3

Ӱргӱлји јӱрӱм дезе – ол јаҥыс чын Кудай Бойыҥды, Сен ийген Иисус Христосты билери.

Иоанн 17:5

Ада! Телекей бӱдердеҥ озо Мен Сениле јӱреримде, Менде болгон макла эмди Мени Сен макта.

Иоанн 19:35

Мыны кӧргӧн кижи керелеген, оныҥ керелегени чын. Чынды айдып турганын ол билер, слерди де бӱтсин деп айткан.

Иоанн 21:14

Мынайып, тирилеле, Иисус ӱренчиктерине ӱчинчи катап кӧрӱнген.

Иоанн 3:13

Теҥериде јӱрген, теҥеридеҥ тӱшкен Кижи Уулынаҥ башка, теҥериге кем де чыкпаган.

Иоанн 7:29

Мен Оны билерим, нениҥ учун дезе Мен Оноҥ келгем, Мени ийгени Ол.

Иоанн 8:38

Мен Адамда нени кӧргӧнимди айдып јадым, слер дезе адагардаҥ нени укканаарды кылынып јадыгар.

Апостолдордыҥ керектери 10:41

ончо калыкка эмес, је биске, Кудайдыҥ озолодо туткан керечилерине. Бис дезе Ол тирилген соҥында Оныла кожо ичип-јип јӱргенис.

Апостолдордыҥ керектери 2:32

Бу Иисусты Кудай тиргискен, бис ончобыс оныҥ керечилери.

Апостолдордыҥ керектери 3:15

јӱрӱмниҥ Башчызын дезе, ӧлтӱрип койгоныгар. Је Кудай Оны тиргискен, бис оныҥ керечилери.

Апостолдордыҥ керектери 5:32

Оныҥ керечилери – бис ле Ого сӧсуккур улуска Кудай берген Агару Тын.

Римдегилерге 8:3

Эт-каннаҥ улам кӱчин јылыйткан Јасактыҥ эдип болбогонын Кудай эткен. Ол кинчектӱ эт-каныбыстый эт-канду болгон Уулын кинчек учун тайылга эдип ийип, эт-кан эдип турган кинчекти бурулаган.

Галаттарга 4:4

Јасактыҥ бийленижинде јӱргендерди јайымдап, бисти балазынайын деп, темдектелген ӧй једип келерде, ӱй кижидеҥ туулган, Јасактыҥ бийленижинде јӱрген Уулын Кудай биске ийген.

1 Тимофейге 3:16

Кудайга беринериниҥ јажыды кӧп керелелген: Кудай эт-канду келген, Тынныҥ Бойында акталган, ангелдерге кӧрӱлген, калыктарда јарлыкталган, телекейдиҥ улузы ортодо бӱткени ажыра јарадылган, макта кӧдӱрилген.

2 Тимофейге 1:10

Эмди дезе јакшылыкты Аргадаачыбыс Христос Иисустыҥ ачылганы ажыра кӧрӱнер эткен. Ол ӧлӱмди јоголтып, Сӱӱнчилӱ Јар ажыра јӱрӱмди ле мӧҥкӱлик болорын иле эткен.

Титке 1:2

Анайда јаҥыс ӱргӱлји јӱрӱмге иженип бӱдӱп јадылар. Ӱргӱлји јӱрӱмди чактар башталардаҥ озо тӧгӱндебес Кудай биске берер болгон.

Петрдыҥ 1-кы самаразы 5:1

Анайдарда, мен, серкпениҥ јааны бойым, Христостыҥ шыразыныҥ керечизи ле ачылатан макта туружаачы кижи, слердиҥ јаандарыгарга баштанып турум:

Иоанныҥ 1-кы самаразы 1:1

Слерге бажынаҥ ала не болгонын, нени укканысты, бойыстыҥ кӧзибисле нени кӧргӧнисти, нени ајыктаганысты, колдорыс неге тийгенин – Јӱрӱмниҥ Сӧзи керегинде бичип турубыс.

Иоанныҥ 1-кы самаразы 2:25

Оныҥ биске берер болгоны – ол ӱргӱлји јӱрӱм.

Иоанныҥ 1-кы самаразы 3:5

Ол бистиҥ кинчектеристи Бойына аларга ачылганын ла Оныҥ Бойында кинчек јогын слер билеригер.

Иоанныҥ 1-кы самаразы 3:8

Кинчек эткен кижи – кӧрмӧстӧҥ, нениҥ учун дезе озо баштап кӧрмӧс кинчек эдет. Мыныҥ учун кӧрмӧстиҥ керектерин бузарга Кудайдыҥ Уулы ачылган.

Иоанныҥ 1-кы самаразы 4:14

Ада Уулын телекейдиҥ улузыныҥ Аргадаачызы эдип ийгенин бис кӧргӧнис, оны керелеп турубыс.

Иоанныҥ 1-кы самаразы 4:2

Кудайдыҥ Тынын мынайда билип аларыгар: эт-канла келген Иисус Христосты јарадып турган кандый ла тын – Кудайдаҥ.

Иоанныҥ 1-кы самаразы 5:11

Кере дезе Кудай биске ӱргӱлји јӱрӱм бергенинде, бу јӱрӱм – Оныҥ Уулында.

Иоанныҥ 1-кы самаразы 5:13

Слер ӱргӱлји јӱрӱмдӱ болгоныгарды билзин деп, мыны слерге, Кудайдыҥ Уулына бӱдӱп турган улуска, бичидим.

Иоанныҥ 1-кы самаразы 5:20

Бисти Чын Болгонды билип турзын деп, Кудайдыҥ Уулы келип, биске санаа бергенин, бис билерис. Бис – Чын Болгондо, Оныҥ Иисус Христос Уулында. Ол – чын Кудай ла ӱргӱлји јӱрӱм.