Иоанныҥ 1-кы самаразы 1:1 - Јаҥы Кереес

¹ Слерге бажынаҥ ала не болгонын, нени укканысты, бойыстыҥ кӧзибисле нени кӧргӧнисти, нени ајыктаганысты, колдорыс неге тийгенин – Јӱрӱмниҥ Сӧзи керегинде бичип турубыс.

Иоанныҥ 1-кы самаразы 1:1 Iomraidhean Croise

Лука 1:2

Бу керектерди туку бажынаҥ ала бойы кӧргӧн, Сӧскӧ болуп иштеп јӱрген улус биске јетирген эди.

Лука 24:39

Мениҥ колымды, Мениҥ будымды кӧригер: бу Мен Бойым эдим. Мени тудуп-сыймап кӧригер: сӱнеде эт-кан да, сӧӧк тӧ јок, Менде дезе бар болгонын кӧрӱп турыгар.

Иоанн 19:35

Мыны кӧргӧн кижи керелеген, оныҥ керелегени чын. Чынды айдып турганын ол билер, слерди де бӱтсин деп айткан.

Иоанн 20:27

Фомага айтты: – Сабарыҥды бери сунуп, колымды кӧр, колыҥды сунуп, кабыргаларыма сугуп кӧр. Бӱтпес болбо, бӱдер бол.

Иоанн 5:26

Канайып Ада Бойында Бойы јӱрӱмдӱ, анайып Бойында Бойы јӱрӱмдӱ болорын Уулына да берген.

Иоанн 8:58

– Чынын, чынын айдадым слерге: Авраам бар болголокто, Мен бар болгом – деп, Иисус каруу јандырды.

Апостолдордыҥ керектери 1:3

Ол кыйын-шыразыныҥ кийнинде олорго тирӱ Бойы кӧрӱнип, мынызыныҥ чынын кӧп катап керелеген. Кудайдыҥ Каандыгы керегинде бӱдӱмјилӱ керелеп ле айдып јӱргенин апостолдор тӧртӧн кӱнге улай кӧргӧндӧр.

Апостолдордыҥ керектери 4:20

Нени кӧргӧнисти ле нени укканысты айтпас аргабыс јок.

Еврейлерге 2:3

Андый болгондо, баштап ла Кайракан бойы јарлаган мындый улу аргадашты јектеп турган болзобыс, кезедӱ албай канайып кыйыжарыс? Бу аргадаш керегинде уккан улус ол чын деп, биске лаптаган.

Иоанныҥ 1-кы самаразы 4:14

Ада Уулын телекейдиҥ улузыныҥ Аргадаачызы эдип ийгенин бис кӧргӧнис, оны керелеп турубыс.

Иоанныҥ 1-кы самаразы 5:7

Теҥериде ӱчӱ керелейт: Ада, Сӧс лӧ Агару Тын. Бу ӱчӱниҥ учуры јаҥыс.

Ачылта 1:11

Кӧрӱп турганыҥды тӱрбекке бичип, јети серкпеге ий: Ефеске, Смирнага, Пергамга, Фиатирге, Сардиске, Филадельфияга, Лаодикияга.

Ачылта 1:8

«Мен – Альфа ла Омега, бажы ла учы» – деп, Кудай Кайракан айдат, бар, болгон ло келип јаткан кӱчтӱдеҥ кӱчтӱ Кудай.

Ачылта 19:13

Ол канла шиҥилген кийим кийген. Оныҥ ады-јолы – Кудайдыҥ Сӧзи.

Ачылта 2:8

База Смирнадагы серкпениҥ ангелине бичи: ӧлгӧн Бойы тынданган Баштапкы ла Калганчы мынайда айдат: