Иоанн 6:3 - Јаҥы Кереес

³ Иисус кырдыҥ бажына чыгып, анда ӱренчиктериле кожо отурып алды.

Иоанн 6:3 Iomraidhean Croise

Матфей 14:23

Улусты божодып ийеле, Ол јаҥыскандыра мӱргийин деп, кырга чыкты. Эҥирде анда јаҥыскан јӱрди.

Матфей 15:29

Иисус оноортынаҥ јӱре береле, Галилей талайга келди. Кырга чыгып, анда отурды.

Матфей 5:1

Иисус улусты кӧрӧлӧ, кырга чыкты. Отура берерде, Ого ӱренчиктери базып келди.

Марк 3:13

Мыныҥ кийнинде Иисус кырга чыгып, Бойына кычырайын дегендерин кычырып алды. Айдарда, Ого келдилер.

Лука 9:28

Мынайда айтканныҥ кийнинде, сегис кӱнниҥ бажында Иисус Петрды, Иоанн ла Иаковты алала, мӱргиирге кырга чыкты.

Иоанн 6:15

Келип, Оны тудала, каан эдип аларга тургандарын Иисус билип ийеле, јаҥыс Бойы кыр јаар ойто јӱре берди.