Иоанн 4:12 - Јаҥы Кереес

¹² Биске бу кутукты берген Иаков адабыстаҥ Сен јаан болдыҥ ба? Ол бойы, уулдары да, малы да мынаҥ ичетен.

Иоанн 4:12 Iomraidhean Croise

Еврейлерге 3:3

Тураныҥ бойына кӧрӧ оны туткан кижиге кӧп кӱндӱ эдилип турганы чылап, Моисейге кӧрӧ Иисуска кӧп кӱндӱӱ эдилген.

Иоанн 4:6

Анда Иаковтыҥ кутугы болгон. Иисус, јолдоҥ арып-чылайла, кутуктыҥ јанына отура тӱшти. Тал-тӱш кирези болгон.

Матфей 12:42

Тӱштӱктиҥ абакай-кааны Јаргы болор кӱнде бу ӱйениҥ улузыла кожо туруп, олорды бурулаар: ол Соломонныҥ ойгор сӧзин угайын деп, јака јердеҥ келип јӱрген эди. Је бат, мында Турганы Соломонноҥ јаан.

Иоанн 8:53

Сен Авраам адабыстаҥ јаан болдыҥ ба? Ол јада калды, јарлыкчылар да јада калды. Сен Бойыҥды кем деп бодойдыҥ?

Иоанн 4:5

Ол Сихарь деп самар калага келди. Бу кала Иаков бойыныҥ уулына, Иосифке, берген јердиҥ јуугында турган.

Иоанн 4:13

– Бу суудаҥ ичкени, ойто суузаар – деп, Иисус каруу јандырды. –

Иоанн 4:20

Бистиҥ адаларыс Кудайга бу кырдыҥ бажында бажырган. Слер дезе јаҥыс Иерусалимде бажырар керек дейдигер.