Иоанн 3:5 - Јаҥы Кереес

⁵ Иисус каруу јандырды: – Чынын, чынын айдадым сеге: суудаҥ ла Тыннаҥ туулбаган кижи, Кудайдыҥ Каандыгына кирип болбос.

Иоанн 3:5 Iomraidhean Croise

Матфей 18:3

айтты: – Чынын айдадым слерге: бойыгар солынып, баладый болбозогор, Теҥери Каандыгына кирбезигер.

Матфей 19:24

База айдадым слерге: бай кижиге Кудайдыҥ Каандыгына киреринеҥ, тӧӧгӧ ийне ӱйдинеҥ ӧдӧргӧ јеҥил.

Матфей 21:31

Бу экӱниҥ адазыныҥ кӱӱниле эткени кажызы? Олор: – Баштапкызы – дедилер. Иисус олорго айтты: – Чынын айдадым слерге: каланчылар ла балыр јӱрӱмдӱ ӱй улус Кудайдыҥ Каандыгына слердеҥ озо кирер.

Матфей 28:19

Анайдарда, барыгар, ончо калыктарды ӱредигер. Олорды Аданыҥ, Уулыныҥ ла Агару Тынныҥ адыла крестеп,

Матфей 3:11

Кинчегеерди таштаганаардыҥ темдеги эдип, мен слерди суула крестеп јадым, је кийнимнеҥ келип јатканы менеҥ кӱчтӱ; мен Оныҥ ӧдӱгин де тудунып апарарга турбазым. Ол слерди Агару Тынла, отло крестеер.

Матфей 5:20

Айдып турум слерге: Кудайга чындык болгоныгар бичикчилердийин ле фарисейлердийин артыктабаза, Теҥери Каандыгына кирбезигер.

Марк 10:14

Иисус мыны кӧрӧлӧ, чугулданып, ӱренчиктерине айтты: – Балдарды бери божодыгар, Меге келерге буудактабагар. Кудайдыҥ Каандыгы мындыйлардыйы.

Марк 16:16

Ого бӱделе, креске тӱшкен кижи аргадалар. Бӱтпеген кижи дезе јаргыладар.

Марк 9:47

Кӧзиҥ сени јаманга баштаза, оныҥды ойып кой. Эки кӧстӱ бойыҥ гееннага, ӧчпӧс отко ташталганчаҥ, сыҥар кӧстӱ бойыҥ Кудайдыҥ Каандыгына киргениҥ јакшы.

Лука 13:24

– Тапчы эжиктеҥ кирерге кӱјӱренигер. Айдып турум слерге: кӧп улус кирейин дейле, ого кирип болбос.

Лука 13:3

Јок – деп, айдып турум слерге! Је кинчегерди алынып, Кудайга баштанбазагар, ончогор анайып ок ӧлӱп каларыгар!

Лука 13:5

Јок – деп, айдып турум слерге! Је кинчегерди алынып, Кудайга баштанбазагар, ончогор анайып ок ӧлӱп каларыгар.

Иоанн 1:13

Олор каннаҥ туулган эмес, эт-канныҥ кӱӱнинеҥ эмес, эр кижиниҥ кӱӱнинеҥ эмес, Кудайдаҥ туулгандар.

Иоанн 3:3

Иисус ого каруу јандырды: – Чынын, чынын айдадым сеге: ӧрӧртинеҥ туулбаган кижи, Кудайдыҥ Каандыгын кӧрӱп болбос.

Иоанн 3:4

– Карган кижи ак-јарыкка канайып туулатан? – деп, Никодим Ого айтты. – Эне ичине катап киреле, туулып болор бо?

Апостолдордыҥ керектери 2:38

Петр дезе олорго айтты: – Кинчектеригер ташталзын деп, кинчегеерди алынып, Кудайга баштаныгар, Иисус Христостыҥ адында кажыгар ла креске тӱшсин, сый эдип Агару Тыннаҥ аларыгар.

Апостолдордыҥ керектери 3:19

Анайдарда, кинчектеригер арчылзын деп, кинчегерди алынып, Кудайга баштаныгар.

Римдегилерге 14:17

Кудайдыҥ Каандыгы ол ичип-јийтени эмес ине. Је ол – Агару Тын ажыра берилип турган чындык, амыр ла сӱӱнчи.

Римдегилерге 8:2

Христос Иисус ажыра јӱрӱм берип турган Тынныҥ јасагы мени кинчектиҥ ле ӧлӱмниҥ јасагынаҥ јайымдаган.

1 Коринфтегилерге 15:50

Оныҥ учун слерге айдып турум, карындаштар: кижиниҥ эди ле каны ӧлӱмдӱ, ол Кудайдыҥ Каандыгын энчиленип болбос, чирип калары чирибезин энчиленип болбос.

1 Коринфтегилерге 2:12

Бис дезе Кудайдаҥ биске берилгенди билерге, бу телекейдиҥ тынын эмес, Кудайдаҥ Тын алдыбыс.

1 Коринфтегилерге 6:11

Слердиҥ кезигер андый болгон. Је Иисус Христос Кайраканныҥ адыла, Кудайыстыҥ Тыныла аруталдыгар, бойыгарды Кудайга агаруладыгар, акталдыгар.

Галаттарга 6:15

Кижи томдолгон бо, томдолбогон бо, Христос Иисустыҥ Бойында бир де учур јок ине. Је ол Кудайдыҥ јаҥы јайалганы боло бергени учурлу.

Петрдыҥ 1-кы самаразы 1:2

Тын ажыра улусты агару эдер деп, башкыда темдектеп койгоныла, Ада Кудай слерди талдап алган. Ол слерди Иисус Христоско сӧсуккур болзын, Оныҥ каныла аруталзын деп, Тынла агару эдерин темдектеген. Слерге јакшылык ла амыр кожулзын.

Петрдыҥ 1-кы самаразы 3:21

Анайып, слерди де эмди креске тӱжери аргадайт. Креске тӱжери – ол эт-канныҥ кирин јунары эмес, је ару санаала Кудайга баштанары, ол Христостыҥ тирилгени ажыра аргадайт.

Иоанныҥ 1-кы самаразы 2:29

Ол акту деп билер болзогор, чынды эдеечи не ле кижи Оныҥ Бойынаҥ туулганын билигер.

Иоанныҥ 1-кы самаразы 5:1

Иисус – ол Христос деп бӱткен кажы ла кижи Кудайдаҥ туулган. Тууганды сӱӱген кижи, Оныҥ Бойынаҥ туулганды да сӱӱп турганы ол.