Иоанн 3:3 - Јаҥы Кереес

³ Иисус ого каруу јандырды: – Чынын, чынын айдадым сеге: ӧрӧртинеҥ туулбаган кижи, Кудайдыҥ Каандыгын кӧрӱп болбос.

Иоанн 3:3 Iomraidhean Croise

Матфей 16:17

Иисус ого айтты: – Сен кежиктӱ кижи, Иона уулы Симон, нениҥ учун дезе оны сеге кижи эмес, теҥериде јӱрген Адам ачкан.

Матфей 19:24

База айдадым слерге: бай кижиге Кудайдыҥ Каандыгына киреринеҥ, тӧӧгӧ ийне ӱйдинеҥ ӧдӧргӧ јеҥил.

Матфей 21:31

Бу экӱниҥ адазыныҥ кӱӱниле эткени кажызы? Олор: – Баштапкызы – дедилер. Иисус олорго айтты: – Чынын айдадым слерге: каланчылар ла балыр јӱрӱмдӱ ӱй улус Кудайдыҥ Каандыгына слердеҥ озо кирер.

Матфей 5:18

Чынын айдадым слерге: теҥери ле јер јастыкпаганча, ончозы бӱтпегенче, эҥ оок бир де танык, бир де чийик Јасактаҥ јастыкпас.

Марк 10:14

Иисус мыны кӧрӧлӧ, чугулданып, ӱренчиктерине айтты: – Балдарды бери божодыгар, Меге келерге буудактабагар. Кудайдыҥ Каандыгы мындыйлардыйы.

Марк 9:47

Кӧзиҥ сени јаманга баштаза, оныҥды ойып кой. Эки кӧстӱ бойыҥ гееннага, ӧчпӧс отко ташталганчаҥ, сыҥар кӧстӱ бойыҥ Кудайдыҥ Каандыгына киргениҥ јакшы.

Иоанн 1:13

Олор каннаҥ туулган эмес, эт-канныҥ кӱӱнинеҥ эмес, эр кижиниҥ кӱӱнинеҥ эмес, Кудайдаҥ туулгандар.

Иоанн 1:5

Јарык караҥуйда јарыйт, караҥуй оны бӱркеп болбогон.

Иоанн 1:51

айтты: – Чынын, чынын айдадым слерге: эмдидеҥ ала теҥериниҥ ачылганын, Кудайдыҥ ангелдери Кижи Уулына кӧдӱрилип, тӱжӱп јатканын кӧрӧригер.

Иоанн 12:40

«Ол кӧстӧрин сокортты, јӱректерин таш этти. Оныҥ учун кӧстӧриле кӧрбӧйт, јӱректериле аайлабайт. Меге де баштанбайт, Мен олорды јазар эдим».

Иоанн 3:4

– Карган кижи ак-јарыкка канайып туулатан? – деп, Никодим Ого айтты. – Эне ичине катап киреле, туулып болор бо?

2 Коринфтегилерге 4:4

Олорго Сӱӱнчилӱ Јардыҥ јарыгы јаркындалбазын деп, олор Христостыҥ магын кӧрбӧзин деп, бу чактыҥ «кудайы» бӱтпестердиҥ сагыжын сокорткон. Христос дезе кӧрӱнбес Кудайдыҥ сӱр-кебери.

2 Коринфтегилерге 5:17

Анайдарда, Христостыҥ Бойындагы кижи – ол јаҥы јайаан. Јебрендези ӧдӱп калган, эмди ончозы јаҥы.

Галаттарга 6:15

Кижи томдолгон бо, томдолбогон бо, Христос Иисустыҥ Бойында бир де учур јок ине. Је ол Кудайдыҥ јаҥы јайалганы боло бергени учурлу.

Ефестегилерге 2:1

Слер керегинде айтса, јазыктарыгардаҥ ла кинчектеригердеҥ улам ӧлӱп калган болгоныгар.

Титке 3:5

Ол бисти акту керектерис учун эмес, је Бойыныҥ быйаныла аргадаган – бисти јунала ойто ак-јарыкка чыгарып, Агару Тынла јаҥырткан.

Иаковтыҥ самаразы 3:17

Је ӧрӧртинеҥ келип турган ойгорлык баштапкыда ару, оноҥ энчӱ, тӧп, уккур, буурзашла, јакшы керектерле толо, ылгабас ла ачык-јарык.

Петрдыҥ 1-кы самаразы 1:3

Кудайга, Иисус Христос Кайраканыстыҥ Адазына, баш болзын! Бисте Ого тирӱ ижемји болзын деп, Ол Бойыныҥ улу быйаныла Иисус Христостыҥ тирилгени ажыра биске јаҥы јӱрӱм берген.

Иоанныҥ 1-кы самаразы 2:29

Ол акту деп билер болзогор, чынды эдеечи не ле кижи Оныҥ Бойынаҥ туулганын билигер.

Иоанныҥ 1-кы самаразы 3:9

Кудайдаҥ туулган не ле кижи кинчек этпейт, нениҥ учун дезе Оныҥ ӱрени оныҥ бойында јӱрет. Ол кинчек эдип болбос, нениҥ учун дезе Кудайдаҥ туулган.

Иоанныҥ 1-кы самаразы 5:1

Иисус – ол Христос деп бӱткен кажы ла кижи Кудайдаҥ туулган. Тууганды сӱӱген кижи, Оныҥ Бойынаҥ туулганды да сӱӱп турганы ол.

Иоанныҥ 1-кы самаразы 5:18

Бис билерис, Кудайдаҥ туулган кандый ла кижи кинчек этпей јат. Је Кудайдаҥ туулган кижи бойын чеберлеп јат, ого јаман тийбей јат.

Иоанныҥ 1-кы самаразы 5:4

нениҥ учун дезе Кудайдаҥ туулганы бу телекейдиҥ јаҥын јеҥет. Телекейдиҥ јаҥын јеҥген бу јеҥӱ, – бистиҥ бӱдӱмјибис.

Ачылта 3:14

База Лаодикиядагы серкпениҥ ангелине бичи: Аминь дегени – чындык ла чын керечи, Кудай јайаганныҥ баштамызы мынайда айдат: