Иоанн 3:2 - Јаҥы Кереес

² Ол Иисуска тӱнде келеле, айтты: – Равви! Сен Кудайдаҥ келген Ӱредӱчи деп билерис. Сен јайап јӱрген билдилерди Кудайдыҥ болужы јокко кем де јайап болбос.

Иоанн 3:2 Iomraidhean Croise

Матфей 22:16

Ого бойлорыныҥ ӱренчиктерин Иродтыҥ улузыла кожо ийдилер. Олор келип, айттылар: – Ӱредӱчи, Сениҥ чындык болгоныҥды, Кудайдыҥ јолына чын ӱредип турганыҥды билерис. Кижиге јакшы адым чыксын дебейдиҥ, улусты ылгабайдыҥ.

Матфей 23:7

тепсеҥдерде уткыдарын, «Равви!» деп ададарын сӱӱйдилер.

Матфей 23:8

Слерди дезе ӱредӱчи деп адабазын: Ӱредӱчигер јаҥыс – Христос, слер ончогор – карындаштар.

Марк 12:14

Олор келип, Ого айттылар: – Ӱредӱчи! Сениҥ чындыгыҥды, кижиге јакшы адым чыксын дебезиҥди билип јадыбыс. Улусты ылгабай, Кудайдыҥ јолына чын ӱредип јадыҥ. Айдарда, айт: Рим каганына калан тӧлӧӧргӧ јараар ба, эмезе јок по? Бис тӧлӧӧрис пе, эмезе тӧлӧбӧзис пе?

Иоанн 1:38

Иисус дезе кайра баштанып, олордыҥ келип јатканын кӧрӧлӧ, айтты: – Слерге не керек? Олор: – Равви! – дедилер. (Равви дегени, Ӱредӱчи дегени.) – Јадып турган јериҥ кайда эди?

Иоанн 10:38

Онызын эдип турган болзом, Бойыма бӱтпес болзогор, эдип јӱргениме бӱдигер. Адам Мениҥ Бойымда деп, Мен де Оныҥ Бойында деп, ол тушта билип, бӱдеригер.

Иоанн 12:37

Иисус олордыҥ алдына кӧп билдилер де јайаган болзо, Ого бӱтпедилер.

Иоанн 14:10

Мен Адада, Ада Менде деп, бӱтпей туруҥ ба? Слерге айдып турган сӧзимди Бойымнаҥ айдып турган эмезим. Мениҥ Бойымда јӱрген Ада Бойыныҥ керектерин эдип турганы ол.

Иоанн 15:24

Менеҥ башка кемниҥ де этпегенин олор ортодо бӱдӱрбеген болзом, кинчектӱ болгылабас эди. Эмди дезе, кӧрӧлӧ, Мени де, Адамды да јаман кӧрдилер.

Иоанн 2:11

Анайып, Иисус Галилейдеги Канада баштапкы кайкал этти, Бойыныҥ магын ачты; ӱренчиктери Ого бӱтти.

Иоанн 20:16

– Мария! – деп, Иисус айтты. Ол кайра кӧрӱп, еврейлеп: – Раввуни! – деди. (Бу сӧс «Ӱредӱчи» дегени.)

Иоанн 3:26

Олор Иоаннга келип, айткан: – Равви, сениле кожо Иорданда болгон, сен керелеген Кижи база крестейт, ончозы Ого барат.

Иоанн 4:31

Бу ӧйдӧ ӱренчиктер Ого айттылар: – Равви, курсак ји!

Иоанн 5:36

Менде дезе Иоанндыйынаҥ јаан кере бар: нени эдип турганымды Ада эттирип јат; нени эдип турганым, Мени Ада ийген деп, керелеп турганы ол.

Иоанн 6:2

Оору-јоболды јазып, кайкалдар јайап јӱргенин кӧрӧлӧ, Оныҥ кийнинеҥ камык улус барды.

Иоанн 7:31

Калык ортодоҥ кӧп улус Ого бӱдӱп, «Христос келзе, мыныҥ эткенинеҥ артык кайкал эдер беди?» – дежип турдылар.

Иоанн 9:16

Айдарда, фарисейлердиҥ кезиги айдышты: – Бу кижи Кудайдаҥ эмес, ол суббот кӱнди чекчилебейт. Кезиги айдышты: – Андый кайкалдарды кинчектӱ кижи эдип болор беди? Анайып, олор ортодо бӧлиниш болды.

Апостолдордыҥ керектери 10:38

Назарет јеринеҥ Иисус керегинде, канайып Кудай Оны Агару Тынла, кӱчле майлаганын. Ол быйанду керектер эдип, кӧрмӧстиҥ базынчыгында улусты кӧдӱрезин јазып, базып јӱрген, нениҥ учун дезе Кудай Оныла кожо болгон.

Апостолдордыҥ керектери 2:22

Израильдиҥ улузы! Бу сӧстӧрди угыгар: Назарет јеринеҥ Иисус кӱчле, кайкалдарла, билдилерле Кудайдаҥ слерге керелелген Эр кижи болгон. Бу мыны ончозын слер ортодо Кудай Ол ажыра јайаган, олорды слер бойыгар билеригер.

Филиппыдагыларга 1:14

Мениҥ киженимнеҥ Кайраканныҥ Бойындагы карындаштардыҥ кӧп сабазы кӧдӱриҥи алып, Кудайдыҥ сӧзин там тидим ле јалтанбай јарлыктап баштагандар.