Иоанн 2:4 - Јаҥы Кереес

⁴ – Нени эдетенимди сен айдатаҥ ба, ӱй кижи? – деп, Иисус каруу јандырды. – Мениҥ ӧйим јеткелек.

Иоанн 2:4 Iomraidhean Croise

Матфей 15:28

Айдарда, Иисус ого айтты: – Э-э, ӱй кижи! Бӱдӱп турганыҥ улу. Сеге сениҥ кӱӱниҥле болгой. Ол ло тарый оныҥ кызы јазылып калды.

Матфей 8:29

Је бат, олор кыйгырыжа бердилер: – Бисти кайдайын деп туруҥ, Кудайдыҥ Уулы? Сен бери ӧй јеткелекте бисти кинчектеерге келгеҥ.

Лука 2:49

– Мени не керек бедиредигер? – деп, Ол сурады. – Мен Адамныҥ айлында болотонымды билбедигер бе?

Иоанн 12:23

Иисус каруу јандырды: – Кижи Уулыныҥ макталар ӧйи јетти.

Иоанн 13:1

Пасха байрамныҥ алдында Иисус бу телекейдеҥ Адага баратан ӧйи јеткенин билип, Бойыныҥ улузына бу телекейде карузып, онызын учына јетире кӧргӱсти.

Иоанн 2:3

Аракы јетпей каларда, энези Иисуска: – Олордо аракы јок – деди.

Иоанн 20:13

– Ӱй кижи, сен не ыйлап туруҥ? – деп, олор сурадылар. – Кайраканымды апарыптыр, Оны та кайда салган, билбей јадым –

Иоанн 20:15

– Ӱй кижи, сен не ыйлап туруҥ? – деп, Иисус ого айтты. – Кемди бедиреп туруҥ? Мария Оны садтыҥ ишчизи болор деп, Ого айтты: – Ӧрӧкӧн, сен Оны мынаҥ чыгарган болзоҥ, Оны кайда салганыҥды меге айдып бер, мен Оны алайын.

Иоанн 7:30

Оны тудуп алар эбин бедиредилер, је кем де Ого тийбеди, нениҥ учун дезе Оныҥ ӧйи јеткелек болгон.

Иоанн 7:6

Иисус олорго каруу јандырып, айтты: – Мениҥ ӧйим јеткелек, слерге дезе кандый ла ӧй келижип јат.

Иоанн 7:8

Слер байрамга барыгар, Мен бу байрамга эмди тура барбазым, нениҥ учун дезе Мениҥ ӧйим јеткелек.

Иоанн 8:20

Иисус байзыҥдагы акча јуур јердиҥ јанында туруп, ӱредип турган тужында бу сӧстӧрди айткан. Оныҥ ӧйи јеткелек болуп, Оны кем де тутпады.

2 Коринфтегилерге 5:16

Оныҥ учун мынаҥ ары кемди де кижиниҥ кемјӱзиле билбезис. Башкыда Христосты кижи чилеп билген болзобыс, эмди билбезис.