Иоанн 2:12 - Јаҥы Кереес

¹² Мыныҥ кийнинде Ол Капернаумга келди. Оныла кожо энези, карындаштары ла ӱренчиктери болгон. Анда олор тоолу ла кӱн јӱрген.

Иоанн 2:12 Iomraidhean Croise

Матфей 11:23

Сен де, Капернаум, теҥериге јетире бийиктединген бойыҥ, таамыга јетире јабызаарыҥ! Сенде эдилген кайкалдар Содомдо эдилген болзо, ол эмдиге јетире турар эди.

Матфей 12:46

Иисус улуска айдып турганча, энези ле карындаштары Оныла эрмектежерге, тышкары тургандар.

Матфей 4:13

Назареттеҥ чыгала, талай јаказындагы Капернаумга келип јӱрди. Ол Завулон ло Неффалимниҥ јери болгон.

Марк 6:3

Ол агашла узанар ус эмес беди? Марияныҥ уулы, Иаковтыҥ, Иосийдиҥ, Иуданыҥ ла Симонныҥ аказы эмес пе? Эје-сыйындары мында, ортобыста эмес пе? Анайып Ого бӱтпей, Оны јуутпай тургандар.

Иоанн 2:2

Иисус ла Оныҥ ӱренчиктери тойго база кычырылган.

Иоанн 4:46

Оноҥ Иисус сууны аракы эткен Галилейдеги Канага ойто келди. Капернаумда каанныҥ бир јалчызыныҥ уулы оорып јаткан.

Иоанн 6:17

Кемеге отурып, талайдыҥ ол јанындагы Капернаум дӧӧн јӱстилер. Караҥуйлай берди, Иисус дезе олорго эмдиге јетире келбеген.

1 Коринфтегилерге 9:5

Ӧскӧ апостолдор чылап, Кайраканныҥ карындаштары эмезе Кифа чылап, бӱдӱп турган ӱйлерлӱ болуп, јолдо кожо алып јӱрер јаҥыбыс јок по?

Галаттарга 1:19

Ӧскӧ апостолдорды кӧрбӧгӧм, јӱк Кайраканныҥ карындажын, Иаковты, кӧргӧм.