Иоанн 2:11 - Јаҥы Кереес

¹¹ Анайып, Иисус Галилейдеги Канада баштапкы кайкал этти, Бойыныҥ магын ачты; ӱренчиктери Ого бӱтти.

Иоанн 2:11 Iomraidhean Croise

Иоанн 1:14

Ол Сӧс кижи болуп калды, ортобыста јӱрди. Бис Оныҥ магын кӧрдибис, бу макты Ол Аданыҥ сок јаҥыс Уулы болуп алган. Ол јакшылыкла, чындыкла толо болгон.

Иоанн 1:17

Јасак Моисейдеҥ берилген, јакшылык ла чындык дезе Иисус Христостоҥ болды.

Иоанн 1:43

Эртезинде Иисус Галилей јерине барар деп шӱӱди. Филиппти табала, ого айтты: – Мени ээчий бас.

Иоанн 1:50

Иисус: – Сени смоква агаштыҥ алдында турганыҥды кӧргӧм деп, сеге айтканым учун бӱдӱп јадыҥ. Мынаҥ артыкты кӧрӧриҥ – дейле,

Иоанн 10:41

Ого кӧп улус келип, «Иоанн бир де кайкал этпеген, је оныҥ Ол керегинде айтканы ончозы чын болды» дежип турды.

Иоанн 11:15

Слерди бӱтсин деп, анда јок болгоныма слер учун сӱӱнип турум. Је ого баралы!

Иоанн 11:47

Улу абыстар ла фарисейлер оток-кӱреени јууп, айттылар: – Бис канайдалы? Бу кижи кӧп билдилер јайап јат.

Иоанн 12:18

Оныҥ да учун Оны улус уткып чыккан: бу кайкалды эткени Ол деп, олор уккандар.

Иоанн 12:37

Иисус олордыҥ алдына кӧп билдилер де јайаган болзо, Ого бӱтпедилер.

Иоанн 12:41

Оныҥ магын кӧргӧн учун, Исаия мынайда айткан; мыны ол Иисус керегинде айткан.

Иоанн 14:13

Мениҥ адымда нени де суразагар, Ада Уулында макталсын деп, оныгарды бӱдӱрерим.

Иоанн 16:27

Ада слерге Бойы карузып јат ине, нениҥ учун дезе, слер Меге карузып, Мени Кудайдаҥ келген деп бӱттигер.

Иоанн 16:30

Эмди Сениҥ ончо билериҥди, кижи Сенеҥ сӧс сураарын керектебей јатканыҥды кӧрӱп турубыс. Оныҥ учун Сени Кудайдаҥ келген деп, бӱдӱп јадыбыс.

Иоанн 2:1

Ӱчинчи кӱнде Галилейдеги Канада той болгон. Иисустыҥ энези де анда болгон.

Иоанн 2:23

Ол Иерусалимде Пасха байрамда јӱрерде, Оныҥ јайаган билдилерин кӧрӧлӧ, кӧп улус Ого бӱтти.

Иоанн 3:2

Ол Иисуска тӱнде келеле, айтты: – Равви! Сен Кудайдаҥ келген Ӱредӱчи деп билерис. Сен јайап јӱрген билдилерди Кудайдыҥ болужы јокко кем де јайап болбос.

Иоанн 4:46

Оноҥ Иисус сууны аракы эткен Галилейдеги Канага ойто келди. Капернаумда каанныҥ бир јалчызыныҥ уулы оорып јаткан.

Иоанн 4:54

Иудейдеҥ Галилейге келеле эткен бу кайкал Иисустыҥ экинчи кайкалы болгон.

Иоанн 6:14

Улус Ол јайаган кайкалды кӧрӧлӧ, айдышты: – Телекейге келетен Јарлыкчы чып-чын бу эмтир!

Иоанн 6:2

Оору-јоболды јазып, кайкалдар јайап јӱргенин кӧрӧлӧ, Оныҥ кийнинеҥ камык улус барды.

Иоанн 6:26

Иисус каруу јандырып, айтты: – Чынын, чынын айдадым слерге: слер кайкалдар кӧргӧнигер учун эмес, калаш јип тойгоныгар учун Мени бедиреп турганыгар.

Иоанн 6:30

– Кӧрӧлӧ, бисти Сеге бӱтсин деп, кандый билди кӧргӱзериҥ? – деп, олор сурадылар. – Сен нени эдип јадыҥ?

Иоанн 7:31

Калык ортодоҥ кӧп улус Ого бӱдӱп, «Христос келзе, мыныҥ эткенинеҥ артык кайкал эдер беди?» – дежип турдылар.

Иоанн 9:16

Айдарда, фарисейлердиҥ кезиги айдышты: – Бу кижи Кудайдаҥ эмес, ол суббот кӱнди чекчилебейт. Кезиги айдышты: – Андый кайкалдарды кинчектӱ кижи эдип болор беди? Анайып, олор ортодо бӧлиниш болды.

2 Коринфтегилерге 3:18

Ончобыстыҥ јӱстерибис ачык болуп, кӱскӱ чилеп Кайраканныҥ магыныҥ јаркынын кӧргӱзип, Ого тӱҥейлежип, кубуладыс, Оныҥ магыла там ла там јаркындаладыс. Мыны Кайракан эдет, Ол – Тын.

2 Коринфтегилерге 4:17

Кыска ӧйгӧ јеҥил кыйыныбыс биске кеми јок, артыкташкан ла мӧҥкӱлик мак экелет.

2 Коринфтегилерге 4:6

«Караҥуйдаҥ јарык јаркындалзын» деп айткан Кудай јӱректеристи јарыдып, биске Христос ачкан Кудайдыҥ магын билип алар јарык берген.

Иоанныҥ 1-кы самаразы 5:13

Слер ӱргӱлји јӱрӱмдӱ болгоныгарды билзин деп, мыны слерге, Кудайдыҥ Уулына бӱдӱп турган улуска, бичидим.