Иоанн 2:1 - Јаҥы Кереес

¹ Ӱчинчи кӱнде Галилейдеги Канада той болгон. Иисустыҥ энези де анда болгон.

Иоанн 2:1 Iomraidhean Croise

Матфей 12:46

Иисус улуска айдып турганча, энези ле карындаштары Оныла эрмектежерге, тышкары тургандар.

Иоанн 1:29

Эртезинде Иоанн ого базып келеткен Иисусты кӧрӧлӧ, айтты: – Бу телекейдиҥ улузыныҥ кинчегин кедери алып јаткан Кудайдыҥ Курааны бу.

Иоанн 1:35

Эртезинде Иоанн база ла анда турган, ӱренчиктериниҥ экӱзи кожо болгон.

Иоанн 1:43

Эртезинде Иисус Галилей јерине барар деп шӱӱди. Филиппти табала, ого айтты: – Мени ээчий бас.

Иоанн 2:11

Анайып, Иисус Галилейдеги Канада баштапкы кайкал этти, Бойыныҥ магын ачты; ӱренчиктери Ого бӱтти.

Иоанн 21:2

Симон-Петр, Игис дейтен Фома, Галилейдеги Канадаҥ Нафанаил, Зеведейдиҥ уулдары ла Иисустыҥ ӱренчиктериниҥ экӱзи база кожо болгондор.

Иоанн 4:46

Оноҥ Иисус сууны аракы эткен Галилейдеги Канага ойто келди. Капернаумда каанныҥ бир јалчызыныҥ уулы оорып јаткан.

Еврейлерге 13:4

Айылду болгон улус бой-бойын тооп јӱрзин, олордыҥ тӧжӧгине кир јукпазын. Балыр јӱрӱмдӱ ле чайдам улусты Кудай јаргылаар.