Иоанн 1:9 - Јаҥы Кереес

⁹ Бу јер-телекейге келип турган кажы ла кижини јарыдар чын Јарык болгон.

Иоанн 1:9 Iomraidhean Croise

Матфей 6:23

Кӧзиҥ јаман болзо, ончо эди-каныҥ караҥуй болор. Анайдарда, ичиҥдеги јарыгыҥ караҥуй болзо, караҥуй кандый болор?

Лука 11:36

Эди-каныҥ ончо јарык болзо, караҥуй јери јок болзо, јарыткыштыҥ јарыгы сени јарыткандый, ончо бойыҥ јарык болор.

Иоанн 1:4

Оныҥ Бойында јӱрӱм болгон, ол јӱрӱм улуска јарык болгон.

Иоанн 1:7

Ончозы ол ажыра Ого бӱтсин деп, ол керелеерге, Јарыктыҥ керечизи болорго келген.

Иоанн 12:46

Меге бӱткен кижиниҥ бирӱзи де караҥуйда артып калбазын деп, јарык Бойым телекейге келдим.

Иоанн 14:6

Иисус каруу јандырды: – Мен – јол, чындык ла јӱрӱм. Мен ажыра келбегенче, Адага кем де келип болбос.

Иоанн 15:1

Мен – виноградтыҥ чын Тӧс Сабы, Адам дезе – виноград Ӧскӱреечи.

Иоанн 6:32

Иисус олорго айтты: – Чынын, чынын айдадым слерге: теҥеридеҥ калашты слерге Моисей берген эмес, теҥеридеҥ чын калашты слерге Мениҥ Адам берип јат.

Иоанн 7:12

Улус ортодо Ол керегинде кӧп куучын јӱрди. Кезиктери: «Ол јакшы кижи», ӧскӧлӧри: «Јок, Ол улусты астыртып јат» дешкилеер болды.

Иоанныҥ 1-кы самаразы 1:8

Бисте кинчек јок деп турган болзобыс, бойысты бойыс астырып јадыбыс, бистиҥ бойыбыста чындык јок.

Иоанныҥ 1-кы самаразы 2:8

Је ол ло ӧйдӧ Оныҥ Бойында ла слердиҥ бойыгарда чыны не болгоны керегинде слерге јаҥы јакылта бичип турум, нениҥ учун дезе караҥуй ӧдӱп јат, чын јарык качан ок јарыдып јат.

Иоанныҥ 1-кы самаразы 5:20

Бисти Чын Болгонды билип турзын деп, Кудайдыҥ Уулы келип, биске санаа бергенин, бис билерис. Бис – Чын Болгондо, Оныҥ Иисус Христос Уулында. Ол – чын Кудай ла ӱргӱлји јӱрӱм.