Иоанн 1:4 - Јаҥы Кереес

⁴ Оныҥ Бойында јӱрӱм болгон, ол јӱрӱм улуска јарык болгон.

Иоанн 1:4 Iomraidhean Croise

Матфей 4:16

Караҥуйда отурган калык улу јарык кӧрди, ӧлӱмниҥ кӧлӧткӧзи бӱркеген ороондо јӱрген улуска јарык јарыды».

Лука 2:32

ӧскӧ калыктарга ачылтаны, Израиль калыгыҥа мак берип турган јарыкты.

Иоанн 11:25

Иисус айтты: – Мен – Тирилери ле Јӱрӱм. Меге бӱткени, ӧлзӧ дӧ, јӱрер.

Иоанн 12:35

Иисус айтты: – Јарык слерле база бир эмеш ӧйгӧ болор. Слерди караҥуй туй албазын деп, јарыкту тужыгарда базып јӱригер. Караҥуйда јӱргени, кайдаар барып јатканын билбес ине.

Иоанн 12:46

Меге бӱткен кижиниҥ бирӱзи де караҥуйда артып калбазын деп, јарык Бойым телекейге келдим.

Иоанн 14:6

Иисус каруу јандырды: – Мен – јол, чындык ла јӱрӱм. Мен ажыра келбегенче, Адага кем де келип болбос.

Иоанн 3:19

Јаргыныҥ учуры дезе бу: телекейге јарык келген, је улус карачкыны јарыктаҥ артык сӱӱген, нениҥ учун дезе олордыҥ кылынып јӱргени јаман болгон.

Иоанн 5:21

Ада ӧлгӧндӧрди тиргизип, олорго јӱрӱм берген чилеп, Уулы да јӱрӱм берейин дегенге, јӱрӱм берет.

Иоанн 5:26

Канайып Ада Бойында Бойы јӱрӱмдӱ, анайып Бойында Бойы јӱрӱмдӱ болорын Уулына да берген.

Иоанн 8:12

Иисус ойто ло олорго айда берди: – Мен – бу телекейдиҥ улузына Јарык. Мени ээчий барган кижи карачкыда базып јӱрбес, оныҥ бойында јӱрӱмниҥ јарыгы болор.

Иоанн 9:5

Мен бу телекейдиҥ улузы ортодо тужымда, Мен – олорго јарык.

Апостолдордыҥ керектери 26:23

Христос кыйналып шыралаар, ӧлгӧн улус ортодоҥ эҥ баштап тирилер, бойыныҥ калыгына ла ӧскӧ калыктарга јарыкты јарлаар.

1 Коринфтегилерге 15:45

Анайып ла бичилген: «Баштапкы кижи Адам јӱрӱм јӱреечи боло берген». Калганчы Адам јӱрӱм јайаачы Тын боло берген.

Ефестегилерге 5:14

Оныҥ учун айдылган: «Ойгон, уйуктап јатканы! Тирил! Сени Христос јарыдар».

Колоссыдагыларга серкпеге самаразы 3:4

Христос – слердиҥ јӱрӱмигер, Ол ачылза, слер де Оныла кожо макта ачыларыгар.

Иоанныҥ 1-кы самаразы 1:1

Слерге бажынаҥ ала не болгонын, нени укканысты, бойыстыҥ кӧзибисле нени кӧргӧнисти, нени ајыктаганысты, колдорыс неге тийгенин – Јӱрӱмниҥ Сӧзи керегинде бичип турубыс.

Иоанныҥ 1-кы самаразы 1:2

Јӱрӱм ачыларда, бу ӱргӱлји Јӱрӱмди кӧргӧнис, Оны слерге керелеп ле јарлап турубыс. Ол Адада болгон, биске ачылган.

Иоанныҥ 1-кы самаразы 5:11

Кере дезе Кудай биске ӱргӱлји јӱрӱм бергенинде, бу јӱрӱм – Оныҥ Уулында.

Ачылта 22:1

Ангел меге јӱрӱмниҥ ару суузыныҥ агынын кӧргӱскен. Ол кристаллдый ару болгон, Кудайдыҥ ла Кураанныҥ ширеезинеҥ агып чыккан.

Ачылта 22:16

Мен, Иисус, Бойымныҥ ангелимди ийгем. Ол мыны слерге серкпелерде керелеер. Мен – Давидтиҥ тазылы ла калдыгы, јаркынду таҥ чолмон.