Иоанн 1:1 - Јаҥы Кереес

¹ Элдеҥ озо Сӧс болгон, Сӧс Кудайда болгон, Сӧс Кудай болгон.

Иоанн 1:1 Iomraidhean Croise

Матфей 1:23

«Бат, кыс барланып, уул бала табар, Оны Еммануил деп адагылаар». Еммануил дегени – «Бисле кожо Кудай» дегени.

Лука 24:53

Кудайды алкап, јаантайын байзыҥда болуп јӱрдилер. Аминь.

Иоанн 1:14

Ол Сӧс кижи болуп калды, ортобыста јӱрди. Бис Оныҥ магын кӧрдибис, бу макты Ол Аданыҥ сок јаҥыс Уулы болуп алган. Ол јакшылыкла, чындыкла толо болгон.

Иоанн 1:18

Кудайды кем де, качан да кӧрбӧгӧн. Оны биске Аданыҥ ӧзӧгинде јӱреечи сок јаҥыс Уулы ачкан.

Иоанн 1:2

Ол элдеҥ озо Кудайда болгон.

Иоанн 16:28

Мен Аданаҥ чыгып, јер-телекейге келдим, эмди јер-телекейди ойто артырып, Адама барып јадым.

Иоанн 17:5

Ада! Телекей бӱдердеҥ озо Мен Сениле јӱреримде, Менде болгон макла эмди Мени Сен макта.

Иоанн 20:28

– Мениҥ Кайраканым, мениҥ Кудайым! – деп, Фома айтты.

Иоанн 8:58

– Чынын, чынын айдадым слерге: Авраам бар болголокто, Мен бар болгом – деп, Иисус каруу јандырды.

Римдегилерге 9:5

Олор улу адалардыҥ калдыктары, олордыҥ ортозынаҥ кижи чилеп Христос туулган. Ол ончозынаҥ ӧрӧ турган ӱргӱлји чакка алкышту Кудай. Аминь.

Ефестегилерге 3:9

Анайда ок Кудай нени эдерге умзанганыныҥ јажыды неде болгонын ончозына ачары берилген. Бу јажыт дезе ончоны јайаган Кудайдыҥ, ончоны тӧзӧгӧн Иисус Христостыҥ Бойында чактардыҥ башталганынаҥ ала јажырылган.

Филиппыдагыларга 2:6

Ол, бӱткен бӱдӱмиле Кудай бойы, Кудайга теҥ болорын ууры деп бодобогон.

Колоссыдагыларга серкпеге самаразы 1:15

Ол – кӧрӱнбес Кудайдыҥ сӱр-кебери, Ол – тун туулганы, ончо јайалганныҥ башталганы.

Колоссыдагыларга серкпеге самаразы 1:17

Ол ончозынаҥ озо бар болгон, Оныҥ Бойында ончозы бой-бойыла тудушталган.

1 Тимофейге 3:16

Кудайга беринериниҥ јажыды кӧп керелелген: Кудай эт-канду келген, Тынныҥ Бойында акталган, ангелдерге кӧрӱлген, калыктарда јарлыкталган, телекейдиҥ улузы ортодо бӱткени ажыра јарадылган, макта кӧдӱрилген.

Еврейлерге 13:8

Иисус Христос – кече, бӱгӱн ле ӱргӱлјиге ол ло бойы.

Еврейлерге 7:3

Ондо ада-эне де, угы-тӧзи де јок, оныҥ јӱрӱминиҥ бажы да, учы да јок. Ол Кудайдыҥ Уулына тӱҥейлежип, абыс болуп ӱргӱлјиге јӱрет.

Петрдыҥ 2-чи самаразы 1:1

Иисус Христостыҥ кулы ла апостолы Симон-Петрдаҥ – Кудайыстыҥ, Аргадаачы Иисус Христостыҥ, чындыгына једип, бис чилеп акту јӱректеҥ бӱдӱп турган улуска.

Иоанныҥ 1-кы самаразы 5:20

Бисти Чын Болгонды билип турзын деп, Кудайдыҥ Уулы келип, биске санаа бергенин, бис билерис. Бис – Чын Болгондо, Оныҥ Иисус Христос Уулында. Ол – чын Кудай ла ӱргӱлји јӱрӱм.

Иоанныҥ 1-кы самаразы 5:7

Теҥериде ӱчӱ керелейт: Ада, Сӧс лӧ Агару Тын. Бу ӱчӱниҥ учуры јаҥыс.

Ачылта 1:11

Кӧрӱп турганыҥды тӱрбекке бичип, јети серкпеге ий: Ефеске, Смирнага, Пергамга, Фиатирге, Сардиске, Филадельфияга, Лаодикияга.

Ачылта 1:17

Оны кӧрӧлӧ, будына ӧлгӧндий барып тӱшкем. Ол меге оҥ колын салып, айткан: – Коркыба, Мен – Баштапкы ла Калганчы,

Ачылта 1:2

Иоанн нени кӧргӧнин ончозын айдып туру: Кудайдыҥ сӧзи керегинде, ого Иисус Христос ачкан чындык керегинде.

Ачылта 1:8

«Мен – Альфа ла Омега, бажы ла учы» – деп, Кудай Кайракан айдат, бар, болгон ло келип јаткан кӱчтӱдеҥ кӱчтӱ Кудай.

Ачылта 19:13

Ол канла шиҥилген кийим кийген. Оныҥ ады-јолы – Кудайдыҥ Сӧзи.

Ачылта 2:8

База Смирнадагы серкпениҥ ангелине бичи: ӧлгӧн Бойы тынданган Баштапкы ла Калганчы мынайда айдат:

Ачылта 21:6

Оноҥ меге: – Бӱтти! – деген. – Мен – Альфа ла Омега, Бажы ла Учы. Суузап турганга јӱрӱмниҥ суузынаҥ тегинге берерим.

Ачылта 22:13

Мен – Альфа ла Омега, Баштапкызы ла Калганчызы, Бажы ла Учы.

Ачылта 3:14

База Лаодикиядагы серкпениҥ ангелине бичи: Аминь дегени – чындык ла чын керечи, Кудай јайаганныҥ баштамызы мынайда айдат: